[engy_sondos]

اخواتى
اد ايه القديسين بيحسوا بينا وبضيقاتنا
ادايه بيشعروا بالامنا واهاتنا
ادايه بيحسوا باحتياجاتنا

عم نعيم الرجل الارزقى الغلبان
اللى كل عيد لازم يروح للانبا برسوم حبيبه فى ديره ويعيد معاه ويقدم ندره

لكن السنه ديه غير كل سنه
السنه ديه معوش فلوس حتى.... تاكل اسرته

وديه قصه عم نعيم وحبيبه شفيعه
عم نعيم:سامحنى يا انبا برسوم...انت شايف الحاله
انت حاسس اد ايه انا تعبان

العيال جعانين وانا مش عارف ااكلهم وكل اللى فى جيبى خمسين قرش

صدقنى لو الخمسين قرش ديه تكفى... كنت جبتهم وجتلك بيها حتى ولو مكلوش خالص
انما حتى متكفيش تمن ربع تذكره قطار
المره ديه هتعيد لوحدك من غيرى
سامحنى مضطر اصرف الخمسين قرش واجيب بيها صابونه علشان نغسل وشنا

وفعلا اخواتى
نزل الرجل الغلبان
ودموعه تسبقه علشان يجيب باخر خمسين قرش صابونه

لكن تفتكروا !!!! شفيعه هيرضى بكده؟؟؟؟؟؟
تفتكروا الانبا برسوم صاحب المعجزات يترك اولاده مش قادرين يروحوا ديره ويشاركوه اعياده؟؟؟
تفتكروا ان القديسين ممكن ميسمعوش اهاتنا؟؟؟

فعلا اشترى الغلبان الصابونه
لكن كل ما يغسل وشه.... يلاقى حاجه بتشكه
حاجه ....بتجرحه
واقف الرجل يكلم نفسه:بقى يا رب حتى الصابون يكون جواها موس
داايه الحظ ده

ومسك الصابون علشان يطلع منها اللى بيجرحه
لكن ....مفيش موس
ده ......كيس صغير
ايه ده؟؟؟؟
ده جوه الكيس 100 جنيه
اه__________ 100 جنيه

وقف الرجل الغلبان:اشكرك يا انبا برسوم
بقى بتبعتلى.... فلوس علشان اجيلك
انت... مش عاوز تعيد من غيرى
اشكرك يا رب

وفعلا اخواتى ركب الرجل واسرته القطار وحضر عيد نياحه الشهيد

ودفع عشور المبلغ
واحضر الاكل لاولاده الجائعين

وكم كانت سعادته وهو يقول التمجيد لشفيعه
وكم كانت سعادته وهو يقص قصته لكل الموجودين
وكم كانت سعادته وهو يخبر الجميع ان الذى دفع له تمن التذكره هو صاحب العيد

كم هو عظيم احساس قديسينا باحتياجاتنا
كم هو جميل الشعور بوجودهم وسطنا
اشكرك الهى الحبيب على وجود تلك الاوتار

المصدر: †† ارثوذكس †† - من قسم: معجزات القديسين والقديسات

[نبيل نصيف جرجس]

بجد موضوع جميل ورائع ربى يسوع يباركك

[وردة حزينة]

مااحنا لينا سحابه من الشهود بيتشفعوعولنا وبيحسوا بينا بركه وشفاعه الانبا برسوم العريان تشملنا كلنا امينوميرسى كتير على المعجزه

[جناح المسيح]

بجد قصه جميله جدا
ويارب القديسين
كلهم يبقوا واقفين مع اولادهم ومعايا
طالما فى صداقه بينهم
قصة جميله جدا يا
انجى
اذكرينى فى صلاتك
انطونيوس جرجس

[سيدة الامواج]

قصة حلوة بجد واكيد القدسين بيحسو بيتا وبضيقنتا وصلوتهم معانا واللة يعطى بسخاءولا يعير

[بنت الدموع]

قصة جميلة اوي
بركة صلاتة و شفاعتة تكون مع جميعنا
ميرسي اوي

[nona queen]

قصه جميله جدا
بركه شفاعتهم تكون معانا وتظلل علينا
ميرسى ليكى

[Stray sheep]

القصة حلوة اوى اوى

[M!SS N@NO]

بجد قصة جميلة
بتبين لنا أد ايه القديسين بيحسو بينا وبضيقاتنا
وانهم بيسمعولنا وبيكونو جنبنا فى مشاكلنا
وبجد انا سعيده جدا أنى جمب دير قديس عظيم زى الانبا برسوم العريان
وبطلب منه انه يسامحنى لانى مقصرة فى زيارته اوى
بركه صلواته تكون معانا كلنا
امين

[كاترينا]

قصه جميله اوى

بركه صلواته تكون معانا

ربنا يفرح قلبك