تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد


  †† ارثوذكس †† > كل منتدايات الموقع > المنتديات المسيحية العامه > المنتدى العام

المنتدى العام المنتدى العام خاص بالمواضيع التى ليست لها تصنيف

مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


ايه هو التوزيع الموسيقي ؟؟ وايه هى مراحل عمل الترانيم ؟؟

> نظراً لأن كثيرين منا بل الأغلب يسمع العديد من الترانيم ولا يعلم كيف وصلت إليه بهذه الطريقة، ولا يعلم ما هى مراحل صناعتها، فأحببت ان اقدم نبذه مبسطة عن

اضافة رد

 
أدوات الموضوع انواع عرض الموضوع

رقم المشاركة : ( 1 )
الصورة الرمزية Dr.PeRO
Dr.PeRO
ارثوذكسي متألق
Dr.PeRO غير متواجد حالياً
 
رقم العضوية : 14307
تاريخ التسجيل : Jan 2008
مكان الإقامة : شبرا- القاهرة
عدد المشاركات : 719
عدد النقاط : 28
قوة التقييم : Dr.PeRO is on a distinguished road
افتراضي ايه هو التوزيع الموسيقي ؟؟ وايه هى مراحل عمل الترانيم ؟؟

كُتب : [ 06-02-2011 - 04:59 PM ]


التوزيع الموسيقي وايه مراحل الترانيم 1301594082731.gif



> نظراً لأن كثيرين منا بل الأغلب يسمع العديد من الترانيم ولا يعلم كيف وصلت إليه بهذه الطريقة، ولا يعلم ما هى مراحل صناعتها، فأحببت ان اقدم نبذه مبسطة عن التوزيع الموسيقي و مراحل صناعة الترنيمة.

> ما هو التوزيع الموسيقي ؟؟
! التوزيع الموسيقي بمفهومه المعاصر .. يمكن تلخيصه فى كلمة وحيدة .. وهى الموسيقي نفسها .. يقوم الموزع بتحديد أدوار الآلات الموسيقية المختلفة كى تعزف المقطوعة الموسيقية ..
! حالياً أغلب الترانيم بتتعمل بالكومبيوتر ومش بتتعزف لايف (live) ، فالتوزيع بيبقى عن طريق استخدام برامج متنوعة للموسيقي لمحاكاة الآلات الموسيقية الحقيقية ..
! يتم توصيل الأورج (Musical Keyboard) بالكومبيوتر عن طريق وصلة الMIDI ، والوصلة ديه بتقوم بنقل العزف اللى قام بيه الموزع إلى الكومبيوتر وبتتيح التحكم الكامل بيه عن طريق تلك البرامج الموسيقية المختلفة .. لكن فيه نقطة هامة، ان الاورج بيبقى وظيفته فقط هى ادخال العزف الى الكومبيوتر، لكن الاصوات الموسيقية والايقاعات والمؤثرات كلها بتبقى بالبرامج على الكومبيوتر، يعنى ببساطة لا يتم استخدام امكانيات الاورج مطلقاً، لأن البرامج بتبقى اشمل واقوى واكبر ويمكن تحديثها وشراء الجديد منها باستمرار.


> نبذة بسيطة عن البرامج الموسيقية:
  • النوع الأول: برامج الhost: وديه عددها مش كتير فى السوق، وهى مش بتطلع اى اصوات او ايقاعات، لكن بيتم استخدامها للتسجيل من الاورج للكومبيوتر، والتعديل والتصحيح واضافة المؤثرات المختلفة .. والوظيفة التانية، هى انها بيتم تثبيت عليها النوع الثانى من البرامج:
  • النوع الثانى: برامج الplugins: وديه عددها كتير جداا ومساحتها بتبقى بأرقام خرافية، يعنى ممكن مساحة الواحد منها يوصل 80 جيجا، وديه بتستخدم لإخراج الاصوات المختلفة والايقاعات، يعنى بيبقى فيه برامج لأصوات البيانو، أو لأصوات الوتريات، لأصوات آلات النفخ، لأصوات الBass ، لأصوات الجيتارات، للايقاعات الشرقية والغربية .. الخ. كل ما البرنامج مساحته بتبقى كبيرة بيبقى جودة الصوت اللى بيخرجه بتبقى افضل وبيبقى بيحاكى الآلة الطبيعية افضل.
> كيف يستخدم الموزع كل هذه البرامج مع بعضها ؟؟
! الموزع بيستخدم برنامج برنامج منهم، بيعزف بيه اللى هو عوزه عن طريق الاورج، وبعد كده بيسيبه ويشوف اللى بعده، وبيبقى مخصص هو "تراك" خاص لكل آلة، والتراكات كلها موجوده تحت بعضيها، فهو بيبنيهم فوق بعض، بحيث لما يجي يسمع يشتغلوا كلهم مع بعض فى نفس الوقت فيسمع الموسيقي اللى هو عملها كأنها قطعة واحدة، رغم انها معموله كل قطعة لوحدها (كل آلة او تراك لوحديه).

> ايه هى مراحل صناعة الترنيمة ؟؟

! الترنيمة بتتعمل بالترتيب ده وبالمراحل ديه:
  1. الكلمات (lyrics): وديه بيكتبها الشاعر ولازم يراعى فيها القافية وأهم منها الوزن، عشان ينفع تتلحن.
  2. اللحن: (composition): بياخد الملحن الكلمات وبيبدأ بتلحينها .. ويا جماعة فيه فرق بين اللحن والتوزيع، عشان اللحن ده انت ممكن تعمله، وهو عبارة عن تنغيم الكلمات، لكن التوزيع هو:
  3. التوزيع: (arrangement) الموزع بياخد اللحن وبيبدأ يعمله الموسيقي، وده شرحناه فوق بالتفصيل شوية. بس النقطة اللى متقالتش، الموزع ممكن يخرج الموسيقي جاهزة (أى عبارة عن ملف صوت mp3 زى اللى بنسمعه)، لكن من أجل ان يكون الشغل احترافى، بيخرج هو تراكات الآلات نفسها بدل من ملف الmp3، وبيبقى كل تراك (لكل آله) عبارة عن ملف صوت لوحده لكن مساحته بتبقى كبيرة لأنها بامتداد Wave مش mp3 .. يعنى بتبقى تقريباً 70 ميجا للتراك الواحد .. وفى العادة مش بيزيد عدد التراكات عن ال30 تراك للترنيمة الواحدة .. مع انه ممكن يبقى 6 او 7 فى كثير من الاحيان ..
  4. الهندسة الصوتية (Sound engineering): وهنا بيجي دور مهندس الصوت، هو اللى بيسجل صوت المرنم فى الاستوديو، وهو اللى بياخد التراكات الموسيقية من الموزع، وبيعمل ميكس بين كل ده وبعضه فى الاستوديو .. عادة الميكس بياخد من3 ل5 ساعات شغل للترنيمة الواحدة، وده بيبقى مكلف شوية لأن الاستوديو بيتأجر بالساعة .. بيبقى تقريباً السعر من 70 ل100 جنيه فى الساعة، ده لو استوديو مسيحي، لكن الاستودوهات التانية بتبقى اغلى ، وكله بيبقى على حسب التجهيزات والمساحة وعدة الصوت الموجودة ومدى كفائتها. والمهندس هو اللى فى الاخر بيخرج الترنيمة جاهزة وmp3 زى اللى بنسمعها فى البيت. نقطة اخرى، احيانا كتير بيتم تسجيل آلات حقيقية (live) داخل الاستوديو وده لبعض الالات اللى تقليدها ومحاكاتها بالبرامج بيبقى مش زى الحقيقية، وده المقصود بيه بالذات الآلات الشرقية زى الكمان (violin) او الناى (piccolo) او القانون (zither)، ومهندس الصوت بيخلطهم عادى مع التراكات ومع صوت المرنم.
! أتمنى اكون قدمت معلومات جديدة وشيقة ليكوا، آسف للاطالة واى حد عنده اى استفسار عن حاجة فى المجال ده او استفسار عن نقطة مشرحتهاش كويس يقولى .. سلااااااام



رد مع إقتباس
Sponsored Links
بياناتي
 رقم المشاركة : ( 2 )
emmmy
ارثوذكسي ذهبي
رقم العضوية : 49304
تاريخ التسجيل : Feb 2009
مكان الإقامة :
عدد المشاركات : 7,158
عدد النقاط : 31

emmmy غير متواجد حالياً

افتراضي رد: ايه هو التوزيع الموسيقي ؟؟ وايه هى مراحل عمل الترانيم ؟؟

كُتب : [ 06-02-2011 - 06:33 PM ]


انا مش فاهمة منك حاجة يا بيتر
نشكر ربنا --
بس انا بحب اوى اوى الترنيمة الهادية
اللى معاها موسيقة هادية وناطقة مع الكلمات
ومش بحب ابدا ولا بعرف اسمع الموسيقى اللى صوتها اعلى من كلمات الترنيمة نفسها لدرجة ان الكلمات بيكون صعب تفسيرها بسهولة من كتر علو الصوت للموسيقى
فيها موسيقى بتمس القلب وتحرك الاحساس وفى موسيقى بتبقى دوشة وصداع


بقولك اية انا بعشق الناى الحزين تعرف تجبلى ناى صافى من غير كلمات بجد بجد تبقى اخ رائع واكون شاكرة جدا جدا


رد مع إقتباس
بياناتي
 رقم المشاركة : ( 3 )
اشرف وليم
ارثوذكسي ذهبي
رقم العضوية : 104304
تاريخ التسجيل : Apr 2010
مكان الإقامة : الاسكندرية
عدد المشاركات : 7,428
عدد النقاط : 23

اشرف وليم غير متواجد حالياً

افتراضي رد: ايه هو التوزيع الموسيقي ؟؟ وايه هى مراحل عمل الترانيم ؟؟

كُتب : [ 06-02-2011 - 08:27 PM ]



شكرا لتعب محبتك
الرب يبارك حياتك
موضوع اكثر من رائع

رد مع إقتباس
بياناتي
 رقم المشاركة : ( 4 )
Dr.PeRO
ارثوذكسي متألق
رقم العضوية : 14307
تاريخ التسجيل : Jan 2008
مكان الإقامة : شبرا- القاهرة
عدد المشاركات : 719
عدد النقاط : 28

Dr.PeRO غير متواجد حالياً

افتراضي رد: ايه هو التوزيع الموسيقي ؟؟ وايه هى مراحل عمل الترانيم ؟؟

كُتب : [ 06-03-2011 - 03:04 AM ]


اقتباس
انا مش فاهمة منك حاجة يا بيتر


زى الفل .. اكيد فيه نقط معينة هى اللى مفهمتيهاش .. اكيد مش كله يعنى، اصل لو كله يبقى كده انا هنط من الشباك اللى جنبي، وذنبي فى رقبتك ههههههههه
اقتباس
بس انا بحب اوى اوى الترنيمة الهادية
اللى معاها موسيقة هادية وناطقة مع الكلمات
الموسيقي اذواق .. لكن انا مش بتكلم عن انواع الترانيم ولا الموسيقي ولا حتى الآلات الموسيقية .. انا اتكلمت عن ازاى الترنيمة بتتعمل
اقتباس
تعرف تجبلى ناى صافى من غير كلمات
للاسف مش عندى، ومش بعزف ناى خالص عشان دايماً الناى بيبقى من الآلات الlive اللى صعب تتعمل بالكومبيوتر .. فبتتسجل فى استوديو علطول .. وعموما هدورلك على زجاجة ناى صافى ينفع للتحمير من البقال اللى جمبي، وطبعاً هجيبه بدون كلمات، عشان ارخص

رد مع إقتباس
بياناتي
 رقم المشاركة : ( 5 )
Dr.PeRO
ارثوذكسي متألق
رقم العضوية : 14307
تاريخ التسجيل : Jan 2008
مكان الإقامة : شبرا- القاهرة
عدد المشاركات : 719
عدد النقاط : 28

Dr.PeRO غير متواجد حالياً

افتراضي رد: ايه هو التوزيع الموسيقي ؟؟ وايه هى مراحل عمل الترانيم ؟؟

كُتب : [ 06-03-2011 - 03:07 AM ]


اقتباس
المشاركة الأصلية كتبت بواسطة اشرف وليم مشاهدة المشاركة
شكرا لتعب محبتك
الرب يبارك حياتك

موضوع اكثر من رائع
شكراا لمرورك يا اشرف .. ربنا يباركك

رد مع إقتباس
بياناتي
 رقم المشاركة : ( 6 )
emmmy
ارثوذكسي ذهبي
رقم العضوية : 49304
تاريخ التسجيل : Feb 2009
مكان الإقامة :
عدد المشاركات : 7,158
عدد النقاط : 31

emmmy غير متواجد حالياً

افتراضي رد: ايه هو التوزيع الموسيقي ؟؟ وايه هى مراحل عمل الترانيم ؟؟

كُتب : [ 06-03-2011 - 06:18 PM ]


زى الفل .. اكيد فيه نقط معينة هى اللى مفهمتيهاش .. اكيد مش كله يعنى، اصل لو كله يبقى كده انا هنط من الشباك اللى جنبي، وذنبي فى رقبتك ههههههههه


يااااااريت خلينا نخلص بجد تبقى واد مية مية هههههههههه
الموسيقي اذواق .. لكن انا مش بتكلم عن انواع الترانيم ولا الموسيقي ولا حتى الآلات الموسيقية .. انا اتكلمت عن ازاى الترنيمة بتتعمل


اااااة !!!
ما انا عارفة خلاص

للاسف مش عندى، ومش بعزف ناى خالص عشان دايماً الناى بيبقى من الآلات الlive اللى صعب تتعمل بالكومبيوتر .. فبتتسجل فى استوديو علطول .. وعموما هدورلك على زجاجة ناى صافى ينفع للتحمير من البقال اللى جمبي، وطبعاً هجيبه بدون كلمات، عشان ارخص

اية الظرافة دى لا بجد ملكشى مثيل
العيانين بتوعك هيبقوا كتير جدا وهيجولك من اقاصى المسكونة
ماااشى اتريق اتريق زى بعضوا يعنى بعد كل دة ماخدناش منك اى فايدة
يلا العوض على اللة بقى


رد مع إقتباس
بياناتي
 رقم المشاركة : ( 7 )
Dr.PeRO
ارثوذكسي متألق
رقم العضوية : 14307
تاريخ التسجيل : Jan 2008
مكان الإقامة : شبرا- القاهرة
عدد المشاركات : 719
عدد النقاط : 28

Dr.PeRO غير متواجد حالياً

افتراضي رد: ايه هو التوزيع الموسيقي ؟؟ وايه هى مراحل عمل الترانيم ؟؟

كُتب : [ 06-04-2011 - 06:45 AM ]


اى خدمة يا ايمي، انتى تؤمرى بس ..
واتمنى يكون الناى عجبك
وعموما -بجد- لو فيه حاجة مش فاهماها فعلا ابقى قوليها وانا هشرحها تانى، وده عشان خاطر عيد ميلادك بس

رد مع إقتباس

اضافة رد

مواقع النشر (المفضلة)

الكلمات الدلالية (Tags)
الترانيم, التوزيع, الموسيقي, ايه, عمل, ؟؟, مراحل, هى, هو, وايه

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مكتبة شرائط ماهر فايز 21 شريط علي أكثر من سيرفر رويس الترانيم الروحية 5 04-16-2021 07:21 PM
شرايط ماهر فايز minabobos الترانيم الروحية 5 11-22-2020 05:06 PM
التوزيع الموسيقي لترنيمة "فى الليل الساكت" + الترنيمة Dr.PeRO قسم الترانيم الفردية 6 12-09-2014 03:33 AM
الموسيقي مريم2009 القسم الفنى 5 07-22-2009 09:44 AM
مكتبة شرايط جميع المرنمين العرب فايز فوزى الترانيم الروحية 3 05-06-2009 05:28 PM

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 12:11 PM.