[Dr.PeRO]

+ أولا قبل ما أقول اللى حصل معايا، ياريت تذكرونى فى صلواتكم عشان الفترة اللى انا فيها دي صعبة شوية .. ياريت ماتنسوش، ربنا بيقبل صلواتنا من أجل بعض وبيحب اننا نعمل كده عشان "المؤمنين" هم جميع جسد واحد فى المسيح يسوع.

+ من كام شهر انا كان عندى امتحان ترم شفوى، وكنت مذاكر كل ما يخص "الحالة المرضية" اللى هاتسئل عليها الأسئلة الشفوى ديه .. ودخلت كمان أول واحد امتحن، الكل كان بيقول ان الدكتور متعصب وانا كان عندى خلفية بكده، بس قولت إن كان الله معنا فمن علينا، ومعروف فى الكليات العملية ان لو الدكتور سألك وجاوبت ومسألكش تانى ومطولش معاك، يبقى مش مجرد ناجح انت كده تبقى جايب مجموع، أما لو طول أوى يبقى مش خير، بالذات كليتنا ماشية بالنظام ده من قبل ما اخوشها اساساً
+ دخلت واتسألت 3 أسئلة، جاوبت أول 2 كويس، والتالت مكنش أوى، بس الدكتور ماعقبش وقال طب خلاص اتفضل، ولما خرجت محاطيتش فى دماغى أبداً انى ممكن أشيل المادة (أرسب فيها يعنى) عشان انا مطولتش وأغلب اللى اتسألت فيه جاوبته .. فوجئت امبارح لما النتيجة طلعت انى جبت 49 من 100، علماً بأن درجة النجاح عندنا من 60، يعنى شلت المادة على 11 درجة وده كده مش مجرد رسوب ديه كأنها شتيمة!!!
+ آه انا نسيت أقول حاجة، انا اول لما دخلت كنا الصبح بدرى حوالى 9 صباحاً، فقولت "صباح الخير" للدكتور، وكان معاه 2 دكاترة تانى بيساعدوه، فوجئت ان محدش رد عليا، بس بعديها بدقيقة كده رد عليا الدكتور: وعليكم السلام ورحمة الله وبركاته.
+ ليس لى تعليق على ما حدث، فأكيد ديه تجربه ربنا سمح بيها، فلازم أثبتله انى مش بس أشيل مادة فى الكلية، لأ لأنى مستعد أشيل حياتى لكى أحظى بمزيد من حبه لى، لأن زى ماقالوا القديسين ان التجارب هى عمليات تجميل يجريها الله لتكون روحنا على أجمل ما تكون بعدما يضع هو تاج تحمل هذه التجربة بفرح على رؤوسنا.
آسف انى طولت، بس ماتنسوش تصلولى كتيييير

المصدر: †† ارثوذكس †† - من قسم: الصلوات وطلبات الصلاة

[كيرو رافت]

ما اجمل وما اروع ثقتك وايمانك حتى فى اصعب الظروف
ثق تماما يا دكتور ان ربنا موش هايضيع تعبك هباء
واكيد ربنا له حكمه لاظهار مجد الله

ربنا معاك يحفظك ويرعاك ويحقق لك كل ما تتمناه
ويتمجد اسمه فى شخصك الكريم

[aymonded]

سلام ربنا يسوع الذي لا يستطيع أن ينزعه أحد في العالم كله يملأ قلبك وفكرك يا أروع أخ حلو محبوب الله والقديسين
أعانك الله على ضيقة الأيام وظلمة هذا الزمان الذي نعيشه في ضيق عظيم لأن كل شيء اختلط وعدو كل خير ظهر بغضب عظيم ليغلب كل من دُعيَّ عليه الاسم الحسن ، طالباً من الله قوة سند خاصة بالنعمة لشخصك المحبوب حتى تغلب شر الأيام وتصبر على الضيق برؤية مجد الصليب والآلام في قيامة يسوع من الأموات ، فكن دائماً مُعافاً باسم الثالوث القدوس ، ناجحاً في المحبة وثقة الرجاء بإيمان حي لا يلين لتغب به العام في سر التقوى ومحبة الرب من كل القلب ... النعمة معك كل حين بصلوات كل القديسين من أحبوا الرب ويحبونه في عدم فساد آمين فآمين

[Dr.PeRO]

المشاركة الأصلية كتبت بواسطة كيرو رافت ثق تماما يا دكتور ان ربنا موش هايضيع تعبك هباء واكيد ربنا له حكمه لاظهار مجد الله

انا متشكر يا فندم على كلامك المشجع والجميل، انا بس محتاج صلواتكم عشان فيه بعض الأوقات الانسان بيحس فيها بالسواد،
ربنا موجود

[Dr.PeRO]

المشاركة الأصلية كتبت بواسطة aymonded سلام ربنا يسوع الذي لا يستطيع أن ينزعه أحد في العالم كله يملأ قلبك وفكرك يا أروع أخ حلو محبوب الله والقديسين أعانك الله على ضيقة الأيام وظلمة هذا الزمان الذي نعيشه في ضيق عظيم لأن كل شيء اختلط وعدو كل خير ظهر بغضب عظيم ليغلب كل من دُعيَّ عليه الاسم الحسن ، طالباً من الله قوة سند خاصة بالنعمة لشخصك المحبوب حتى تغلب شر الأيام وتصبر على الضيق برؤية مجد الصليب والآلام في قيامة يسوع من الأموات ، فكن دائماً مُعافاً باسم الثالوث القدوس ، ناجحاً في المحبة وثقة الرجاء بإيمان حي لا يلين لتغب به العام في سر التقوى ومحبة الرب من كل القلب ... النعمة معك كل حين بصلوات كل القديسين من أحبوا الرب ويحبونه في عدم فساد آمين فآمين

متشكر خالص يا أستاذنا، كلام حضرتك بالنسبالى مهم ومؤثر، ربنا يبارك حياتك وماتنساش تصليلي كتيييير

[elshbah]

ربنا يبركك يا دكتور ويحافظ عليك يارب متقلقش

[Dr.PeRO]

المشاركة الأصلية كتبت بواسطة elshbah ربنا يبركك يا دكتور ويحافظ عليك يارب متقلقش

متشكر خالص يا نادر، صلى من اجلى

[M@@@NOOOO]

ماتقلقش ابدا بجد
ربنا دايما بيعمل كل حاجه للخير
وربنا يشيل اي حزن او ضيق من قلبك
ويجعل ايامك وحياتك كلها فرحه ومحبه

[nanas_2010]

ربنا بيعمل كل حاجه لصالح اولاده
واكيد كله للخير
ربنا يكون معاك ويفرح قلبك

[Dr.PeRO]

ماتقلقش ابدا بجد ربنا دايما بيعمل كل حاجه للخير وربنا يشيل اي حزن او ضيق من قلبك ويجعل ايامك وحياتك كلها فرحه ومحبه

متشكر خالص لمحبتك يا مانو ربنا يبارك حياتك .. صلى من اجلى

ربنا بيعمل كل حاجه لصالح اولاده واكيد كله للخير ربنا يكون معاك ويفرح قلبك

متشكر لمحبتك وردك الجميل، ربنا يبارك حياتك، وصلى من أجلى