[مايكل عبد الشهيد]

السلام لكم يا احلى اعضاء فى الدنيا..



امبارح كان يوم اغرب من الخيال بجد


كنت من يومين مخنوق وشادد مع اهلى فى البيت وحاسس بوحده رهيبه لدرجه انى حسيت انى لوحدى حتى وانا وسط الناس..ياعنى من الاخر كان اتعس ايام حياتى بلا شك...




المهم دخلت المنتدى وكتبت موضوع قلت فيه كل اللى جوايه واللى ماقلتوش قبل كده وولله انا ماعارف كتبت الموضوع ده ازاى...




ليا ولد صاحبى مسلم بس ولد جدع جدا اسمه حازم اعضاء كتير عارفينه هنا على المنتدى من زيارتهم ليا فى اليكس..بيكلمنى فى التليفون وحس انى مخنوق . قالى



تبات نار تصبح رماد....بعصبيه رديت عليه وقلتله لا يا حازم فى حالتى دى وعلى اللى جوايه تبات نار تصبح جهنم...






بس الغريبه ...ان لا أنا طلعت صح ولا هو طلع صح لانها باتت نار اصبحتنور



نور للامل نور للسعاده... نور رجعنى اقوى من الاول بمراحل






1_حاجات كتير كنت باتمنى انها تتغير واتغيرت فعلا واهمها نظره اهلى ليا...واتكلمنا والحمد لله حاجات كتير بازن ربنا هاتتحل







اما اللى فعلا كان مخلينى طاير من السعاده..


انى امبارح وبالصدفه وبعد اكتر من خمس شهور




اتصالحت انا والانسانه اللى ماحبتش حد فعلا غيرها و كان انفصالى عنها هو من الاسباب الرئيسيه لسوء حالتى النفسيه وشعورى بالوحده.. بالرغم من محاولاتى انى ارتبط ببنت تانى وابعد عنها وانسحابى من الارتباط ده فى اخر وقت لانى مش عارف انساها




الانسانه اللى كانت سندى وحمايتى من رياح اى مشاكل كانت ممكن تواجهنى ...الانسانه اللى اتعلمت من ضعفها ازاى استمد قوتى وصلابتى ...ومن قوتها اتعلمت الثقه بنفسى وفى شريك حياتى




ههههههههه

اوعو تفتكرو الموضوع ده تم بالساهل ده كان اصعب من المصالحه الوطنيه فى فلسطين ....... ياعنى من الاخر اتصالحنا بعد فاصل من اللكمات الردح وشد الشعر والعض وضرب الروصيات والمقصات وتمت الموافقه على المصالحه بقسم الحالات الطارئه والعنايه المركزه....ياعنى من الاخر كانت معركه حربيه ههههههههههه....





اللا حد يصدق ويجى يطمن عليا وجايبلى بوكيه ورد ولا كيلو موز اللى عايز يجيلى حاجه يجبلى حقى ناشف عايزين نكون نفسنا بقى.....






اما اغرب حاجه انى اكتشفت ان وش الواد ميكى طلع حلو عليا وده اللى ممكن الناس ماتصدقهوش هنا بس ده اللى حصل ولا ايه يا مكمك ههههههههه





ادى وشه الحلو وانا سايب ليكو الحكم؟؟؟




واخيرا كل اللى ممكن اقوله (الحمد لله نشكر ربنا على كل شئ لان مع ربنا فعلا تبات نار تصبح نور )

المصدر: †† ارثوذكس †† - من قسم: صندوق مناقشات الاعضاء

[ZEZOMERO]

انا عارف حازم



هههههههههههههه

ما دام انت رميت اتكالك على الله كل شى هايبقى تماااااااااااااااااااام

[kottah_sh]

بامانه يا مايكل فرحت اوى علشانك
انا معرفكش اصلا
بس بجدكنتمضايقه علشان الحاله اللى انت كنت فيها
ودلوقتى الحمد لله بقيت كويس
والدنيا رجعت تضحكلك من تانى
واهم حاجه فى الموضوع بقى
انك رجعت لحبيبتك من تانى
ربنا يسعدك ويهنيك ويفرح قلبك

وتعزمنا على الخطوبه قريب

[الماكس مايكل]

بجد ربنا يسعدك ياباشا
وتبقا ايامك
كلها افراح

[نورالمنتدى]

ربنا يسعدك وكل امنيات حياتك تتحق بفرح وسعدة ديما يا مايكل

[مايكل عبد الشهيد]

هههههههههههههههه ربنا يستر والحدق بقى يفهم بس نشكر ربنا برضو