جديد الشاعر مفدي صليب
بعد انا ارسل الابن فرحان جوابة الي ابوة وامة وقالهم مدمعيش علي ابنك يا امة
الام ايمان ترد علية في هذا القصيدة بمناسبة اربعين شهداء نجع حمادي
http://www.4shared.com/file/22181165..._om_eman_.html
بسم الاب والابن والروح القدس اله واحد امين
خطاب الام ايمان للابن المحبوب فرحان
وصلنا خطابك
وحشتنا كلام
ووحشنا هزارك
وانا اقولك روح انا مش فضيالك
ورايا طبيخ
روح ذاكر لاختك مريم
ولا اقولك اقري الانجيل
اقرالنا سفر المزمير
علشان دة كلامة دليل
لا يزول ولا يوم يتغير
بس خلاص ياوليدي
مش هرجع
اشوفك زي زمان
مش هرجع اسمع كلمه يا امايا
وبعيد عن الناس بتقولي ايمان
وصل سلامتي لست العدار
وقولها بنتك
بتقولك التجربة مره
مر تقيل
والدمع بينزل زي السيل
بس انا شايفة الشر ذليل
تحت اقدامك مهزوم وطريح
اصلي انا شوفتها جوه منامي
بتعزيني وتزود ايماني
وبتسالني اياك منفعش اكون له ام
قولها ياوليدي انها
اجمل
واعظم
ام
انها ادف
حضن
يضم
بس يا امي انت مبترضيش بالظلم
دم ولادك ياست ياعدرا
دم ولادك ياشريفا يحرة
لازم يرجع
والكل دة يدفع تمن الجرم
وانا سايبة الموضوع دة عليكي
بوس لي ياواد
ايد المحبوب
قله ايمان
داقت معني القلب المصلوب
داقت جراحتك
شافت انتاتك
بس اكيد لحزان هتفوت
زي ما عدي وقت الصلبوت
وفي قيامتك غلبت الموت
وكسرت المتاريس باديك
واخيرا ولست ختام
ابني المحبوب فرحان
انا مش زعلانة علشان
روحت البيت لفديك
طالت او قصرت
انا جاية اليك
امك ايمان
ارض الاحزان
والفرح دة ليك
بقلم
مفدي صليب
اريد التعليق
مواضيع منقولة من مواقع اخرى بخدمة Rss