[keroo82]

مشكلة ترك المسيحيه للفتيات ....!!

بسم الثالوث القدوس

نعمه وسلام للكل مشمولين فى الرعايه الالهيه
ضاق صدرنا من تلك الازمات التى تمر بها الكنيسه من اضطهادات لهرطقات لانقسامات .. الخ
ويزيد علينا مايجعلنا نصمت لحظات لنشاهد فقط منتظرين حتى النهايه وهو موضوع ترك بعض الفتيات للمسيحيه واعتناقهم الى أي دين اخر ...
اسئلة تداعب عقلى وتحثنى كى اخرج عن هذا الصمت الذى شاخ بقائه فى صدرى املاً فى هداية ربنا يسوع لهؤلاء ولكن برغم اننا نعلم ان قوة الله تحيطنا وان العناية السمائيه هى اساس بقائنا على الارض وبما اننا ليس من هذا العالم ولاعلاقة لنا بالارضيات الا وجودنا فقط
دعونا نفتح باب النقاش لهذا الموضوع لاول مره كى نجد سوياً السبب الاول فى ضعف الفتيات وهروبهم من يد ربنا يسوع ليجدوا انفسهم وقعوا فى فخ الصيادين

سيكون هذا الموضوع عباره عن بحث طويل حول هؤلاء الفتيات نرجو التفاعل من الكل
وعلى كل واحد الان ان يتحدث عن هذه الظاهره من وجهة نظره وعن دوافع البنت الى ترك المسيحيه وممنوع التطرق الى اى دين معين الكلام خاص بالمسيحيات

العناصر التى ستشمل موضوعنا :_
1- البنت والاسرة
2- البنت والكنيسه
3- البنت وحياة العفه
4- لماذا تتمثل البنت بالاوربيات فى ملابسها
5- هل الكنيسه تمنع البنت من الدخول بملابس غير لائقه
7- الحب من وجة نظر البنت
8- اهداف البنت فى الحب
9-كيف تنخدع البنت
10- هروب البنت مع من تحب وتركها حتى دينها
11- اسباب اخرى لترك البنت للمسيحيه
12- ختام الموضوع

اامل ان يكون هذا الموضوع جرس انذار للكل وان يشارك الكل نحو تلك الظاهره ليكن لنا بركة
وكما يقول الكتاب المقدس بالامر الالهى على لسان بولس الرسول
"الذين يخطئون وبّخهم امام الجميع لكي يكون عند الباقين خوف "(1 تي 5: 20)

انتظر الاراء حول هذا الموضوع ....

سلام ونعمه .

المصدر: †† ارثوذكس †† - من قسم: كلام فى الممنوع

[elphilasouf]

العناصر التى ستشمل موضوعنا :_
1- البنت والاسرة

علاقه البنت بالاسره المفروض انها تكون علاقه مش شفافيه اوي لكن المفروض ان الام بالزات او من ينوب عنها هى الى تكون عارفه كل صغيره وكبيره عن بنتها

2- البنت والكنيسه

كمان دور الكنيسه فى التوعيه واظهار حلاوه المسيح ومحبته و قلبه الى مليان حب والافتقاد ومتابعه الحياه الروحيه لمخدوميها

3- البنت وحياة العفه
المفروض ان قوه ارتبطها بالمسيح هى الى بتحميها
بس مش هعرف اقول حاجه تانى

4- لماذا تتمثل البنت بالاوربيات فى ملابسها

مفيش مانع انها تلبس شيك بس فى حدود اللائق ببنت المسيح

5- هل الكنيسه تمنع البنت من الدخول بملابس غير لائقه
لا وبجد للاسف

7- الحب من وجة نظر البنت

انا مش بنت بس الى اعرفه انها لو اي ولد قالها كلمتين حلوين بتميل ومش بدور ع الجمال الداخلى للشخص ده

8- اهداف البنت فى الحب
اكيد الجواز يعنى مش حاجه تانى

9-كيف تنخدع البنت
عندا يتحكم القلب فى التفكير

10- هروب البنت مع من تحب وتركها حتى دينها

تجربه كبيره اوي وخسار كبيره بتعرف البنت اد ايه هى فى زل لا تتضح الصوره بعد الجواز

11- اسباب اخرى لترك البنت للمسيحيه

بغض النظر عن الحب والحنان المفتقد هيكون المؤامره المدبره من الغير

12- ختام الموضوع
ختام الموضوع هو الف شكر انك فتحت موضوع مهم زي كده
والاهم انه يجيب ثمارهوتم

التثبيت والتنبيه للاهميه

[RoZaLeTa]

موضوع فعلا مهم جداااااا
وميرسي ليك علي تعب محبتك

[Stray sheep]

سلام المسيــــــــح
موضوعك بجد من الموضوعات المهمة جداً جداً مش بس على مستوى المجتمع ككل ولكن على مستوى المسيحية نفسها
لأن البنت هى أساس المجتمع وعن طريقها بعد كدة بتتكون مجتمعات فرعية بتأثر سواء بشكل مباشر او غير مباشر فى المجتمع كلو

المشاركة الأصلية كتبت بواسطة keroo82 1- البنت والاسرة

من أهم النقط فى موضوعك هو البنت والأسرة لأن النقطة دى بتبقى أثر بعد كدة للنتايج اللى جاية دى كلها

يعنى لو البنت ليها علاقة كويسة بأسرتها ومرتبطة بيهم ارتباط اسرى سليم اساسو المحبة والتفاهم وان البنت بيكون ليها دور ايجابي فى اسرتها واسرتها بتديلها المكانة دى اكيد مش هتتأثر بأى تأثيرات خارجية لأنها أصلاً متشبعة بمبادئ معينة مش هتحيد عنها أبداً مهما ساءت الظروف من حواليها

المشاركة الأصلية كتبت بواسطة keroo82 2- البنت والكنيسه

الكنيسة بيكون ليها دور وعامل كبير جداً فى تكوين شخصية اى بنت عموماً بس ده بيعتمد على ان البنت نفسها لازم يكون ليها رغبة فى انها تقبل التوجيه اللى هيجيلها من خدام وكهنة الكنيسة بشكل او بآخر
كمان بيختلف على حسب الهدف اللى البنت بتروح الكنيسة علشانو
للأسف معظم بناتنا بيروحوا الكنيسة علشان يقابلوا اصحابهم او اهداف تانية
وتلاقيهم سايبين الاجتماعات وواقفين برة يتكلموا فى كلام تافه
ليه ؟ ايه السبب اللى يخليهم يقفلوا ودنهم عن كلام ربنا ويسمعوا كلام تانى ؟

الخدام هنا دورهم لازم يظهر فى توجيه البنات دى ويعرفوا ايه سبب بعدهم عن الخدمة او عن الكنيسة بشكل عام وايه طبيعة علاقتهم بأسرتهم ؟ ويبتدوا يقربوهم من الكنيسة بطريقة غير مباشرة علشان البنت متحسش ان اللى قدامها ده بيوجهها او بيجبرها على رأيو

لازم برضو الكنيسة يبقى ليها احترامها يعنى ببيتك يارب تليق القداسة يعنى لازم نختار لبسنا قبل مننزل الكنيسة ونبص كويس فى المرايا هل لبسي ده ينفع للمكان المقدس اللى هيبقى موجود فيه الملايكة والقديسين ولا لا ؟ ياريت بجد ناخد بالنا جداً من النقطة دى

المشاركة الأصلية كتبت بواسطة keroo82 3- البنت وحياة العفه

أحلى حاجة بجد عاجبانى فى موضوعك ان كل نقطو مترتبة على بعض
مهو لو البنت قريبة من الكنيسة وبتقرا فى الكتاب المقدس وعرفت امثلة لفتيات عفيفات اكيد هتتمثل بيهم زى مثلاً سوسنة العفيفة وعندنا كمان اشهر مثال يوسف الصديق
كل ده هيبقى رد فعل طبيعى ان البنت دايماً لازم تفكر انها مختلفة عن اى حد تانى لأنها مسيحية فلازم تسلك السلوك المسيحى الصحيح تجاه عفتها

المشاركة الأصلية كتبت بواسطة keroo82 4- لماذا تتمثل البنت بالاوربيات فى ملابسها

لسبب بسيط جداً ان بعض البنات بيبقى مخها فاضى فالعقل الفارغ معمل للشيطان
زائد كمان انها بعيدة عن الكنيسة فأكيد هتتشبه بأى نموذج سلبى هتقابلو وهتحاول تقلدو

المشاركة الأصلية كتبت بواسطة keroo82 5- هل الكنيسه تمنع البنت من الدخول بملابس غير لائقه

احنا كنيستنا فيها آباء كهنة بيعترضوا على موضوع اللبس الغير لائق بس للأسف اكتشفت حاجتين مهمين جداً
ان فى كنايس تانية بتسمح بكدة عادى جداً فبعض البنات بتعتبر الكنايس اللى مبتسمحش باللبس اللائق ده انها يعنى
old fashion
فبتروح للكنايس التانية دى بس للأسف مفيش اى موانع للبنات فى الكنايس علىى لبسهم ده

المشاركة الأصلية كتبت بواسطة keroo82 7- الحب من وجة نظر البنت

اى بنت اكيد تتمنى ان يكون فى حد فى حياتها بس المهم انها تختار الشخص المناسب وتحاول تفهم من الأول هل هو ده الشخص المناسب اللى ربنا مختارهولها ولا لأ
وياريت نمشى على مقولة بتعجبنى
لاتمنح قلبك لمن لايستحق محبتك
ومتحبيش حد غير خطيبك اللى مرتبطة بيه رسمى ودخل بيتك من بابو مش من شباكو ولا من النت ياريت بجد كلنا ناخد بالنا من النقطة دى علشان مفيش واحدة تنجرح بعد كدة ويبقى السبب انتى

المشاركة الأصلية كتبت بواسطة keroo82 8- اهداف البنت فى الحب

لازم يكون حب واعى
اللى بيحب اى بنت لازم يكون علشان شخصيتها وكيانها
لازم ينتهى بالإرتباط لأنو لو مكنش كدة يبقى ملوش لزمة من الأساس
لازم الاتنين يكونوا بيكملوا بعض
حبهم بيقربهم اكتر من المسيح مش بيبعدهم عن طريقو

المشاركة الأصلية كتبت بواسطة keroo82 9-كيف تنخدع البنت

تنخدع البنت اذا سمحت لقلبها أن يطغى على عقلها لأن احكام العاطفة بتبقى خاطئة دائــــماً

المشاركة الأصلية كتبت بواسطة keroo82 10- هروب البنت مع من تحب وتركها حتى دينها

ده مش عارفة سببو بصراحة بس انا عن نفسي مش شايفة ابداً اى سبب يخلى بنت تعمل كدا
ده المسيح نفسو عاوزنا نسيب كل حاجة علشانو ونتبعو يبقى احنا اللى نسيبو ؟
بس اكيد بسبب ان البنات البعيدة عن الكنيسة هيبقى سهل
إنها تتأثر بأى كلام من برة


موضوعك بجد رااااااااااائع وانا لو اتكلمت فيه هطول عليكم وهدوشكم
ميرسي على تعبك
ربنا يحافظ على كل بناتو يارب دايماً

أذكرونى فى صلواتكم

[IO-Mena]

موضوع مهم جدا والرب يباركك لطرحه وانا اتفق مع جميع الى قالوا الفيلسوف نفس ارائوا
مع التعليق على
غرض البنت من الحب

انا ولد مش عندى خبرة لكن

اعتقد انى البنت بتحب وبس ومش بصه على الجواز

[merve]

فعلا موضوع اكتير مهم ولازم كل الناس تقراءه وتفهمه علشان الموضوع ده كتر جداااااااااا دلوقتي اي واحد تزهق او تحب واحد من ديانه تانيه تسيب دنها علي طول دون تفكير

بجد موضوع في غايه الاهميه

ميرسي كتير ليك

[bolalover]

ياااااااااااااااه
بجد الموضوع ده منظم و منسق
و ردروده كملت ليه فايدة
فعلا موضوع مهم بجد
ولازم كل البنات تستفيد منه
شكرا اوووووي علي الموضوع المهم ده يا اجمل كيرووو

[اس اسامة عوض]

الرب يحفظ دخولك وخروجك

[zaza2006]

فعلا موضوع مهم جدا بنات كتير بتعمل كده عشان الحب مع انه مش حب ده اكيد شيطان فصورة انسان وبيمثل عليها الحب وفى بنات بتعمل كده علشان خاطر تهرب من المعاملة السيئة فالبيت وهما بيمثلولها ان عندهم هتحس بالامان بس الكنيسة ليها دور مهم جدا بس للاسف مفيش حد بيتقبل الكلام خصوصا الجيل ده

شكرا على الموضوع المهم ده

[كيرو رافت]

[quote=keroo82;268218]

مشكلة ترك المسيحيه للفتيات ....!!

بسم الثالوث القدوس

العناصر التى ستشمل موضوعنا :_
1- البنت والاسرة
الاسرة بجد هيا اللى ليها العامل الاكبر فى تنشئه الطفله سواء كانت بنت او ولد وهى عليها العائل الاكبر فى تقويم الطفل وتربيته على اسس سليمه يعنى موش من المعقول ان احنا نلاقى اسرة بتعيش فى الايمان والتقوى ويخرج منها عضو فاسد
جو الاسرة المسيحى بيفضل فى وجدان الطفل الصغير وبيحب يتمثل بابائه فى كل شئ ومن هنا نجد ان الاسرة هى العامل الاكبر وتقع عليها المسئوليه كامله فى وصول الولد او البنت الى هذه الحاله
2- البنت والكنيسه
الكنيسه بتكمل عمل الاسرة بتعلم البنت الاخلاق وبتعلمها ممارسه طقوس دينها وكيفيه ان تعيش حياه الايمان وتسير على درب من سبقوها فى الايمان وتعلمها الحشمه والزينه لمسيحيه السليمه
وتعليمها ان تكون صورة حيه لكليه الطهر والنقاوة ام النور
3- البنت وحياة العفه
حياه العفه لن تحياها الطفله من نفسها بل يجب غرس القيم النبيله فيها وتعليمها ان تحافظ على نقاوى نفسها وجسدها وان جسدها هذا هو جسد المسيح
وتقول مثل بولس الرسول
افاخد اعضاء المسيح واجعلها اعضاء زانيه
يجب ان نعلم فتياتنا كيف يعيشن حياه الطهارة وان يتمثلن بام النور فى حياتها وطهرها ونقاوتها ويتخذنها مثال لهم وذلك عن طريق البيت والكنيسه والمدرسه
4- لماذا تتمثل البنت بالاوربيات فى ملابسها
المشكله المتمثله فى هذه الاجيال هى التقليد الاعمى لشبابنا وشاباتنا للغرب فى الامور الشكليه فقط فى الاغانى فى الملابس فى الشكل الخارجى ولكن هل نستطيع تقليدهم فى التذامهم وحبهم لعملهم وتقدمهم العلمى واحترامهم لادميه الانسان بالطبع لا
لان الاشياء دى بالنسبه لينا اشياء هامشيه لاتفيد لكن المهم هو التقليد الاعمى فى الملابس والعرى فقط
5- هل الكنيسه تمنع البنت من الدخول بملابس غير لائقه
كل الاشياء تحل لى ولكن ليس كل شئ يوافق
الكنيسه من المفترض ان ا تمنع من يدخلها ولكن المفروض المنع ده يكون من داخلنا احنا من جوانا احنا وعن اقتناع وحب وان تكون ملابسنا محتشمه والزينه الواجب توافرها فينا هى الزينه المسيحيه الحب والاتضاع والايمان ونقاوة القلب والسلام هذه هى الزينه التى يجب على كل بنت ان تتزين بها
7- الحب من وجة نظر البنت
الحب من وجهه نظر البنت فى هذه الايام هو عبارة عن مجموعه شكليات تحب ان تتمثل بها الفتاه تحب ان يكون لها شخص يشاركها فى كل شئ فى الخروج فى الفسح فى المناسبات شخص تتباهى به امام اقرانها ولكن ان يكون الهدف الاسمى هو الارتباط المسيحى اعتقد غير موجود حاليا بسبب مشاكل الحياه وسرعتها وتفاهه وضعف مستوى الفكر وغياب الهدف والقيمه للاسف
8- اهداف البنت فى الحب
نفس نقاط النقطه السابقه
9-كيف تنخدع البنت
تنخدع الفتيات بالكلام المعسول الذى يتكلم به الشباب اليهم ومن المؤكد انهم كانوا فى احتياج لمن يتكلم به اليهم وبحثوا فلم يجدوه هنا فبدأو يبحثوا عنه فى اماكن اخرى وبمجرد ظهور من يلعبعلى هذا الوتر الحساس تضعف قلوبهم وتغيب عنهم عقولهم
10- هروب البنت مع من تحب وتركها حتى دينها
لكل الظروف السابقه نجد ان الفتاه فى احتياج لمن يشعر بها ويشعرها بانوثتها وكينونتها وتشعر بانه هو كل الدنيا لها ولا يوجد على الارض من يشبهه او يساويه بسبب اكازيب ذلك الشاب وياتى هذا بسبب الفراغ الدينى الذى نعانى منه وحاله الامبالاة وعدم الاهتمام من المنزل بشئون واحوال ابنتهم فتجد هى كل هذا الاهتمام والحب الزائف من ذلك الشاب
وانه هو الطريق لها من اجل ان تعبر الى عالم اخر ودنيا اخرى مليئه بكل ما حرمت منه من ملذات
11- اسباب اخرى لترك البنت للمسيحيه
من الممكن ان تكون اسباب ماديه طمعا فى الغنى والثروة من الممكن ان تكون اسباب نفسيه ورغبتهامن الهروب من جحيم اهلها ومن الممكن ان تكون اسباب ان تبحث عن حياه اخرى ظنا منها ان حياتها التى تعيشها ليس لها فائدة
12- ختام الموضوع
ختاما ارجو من الجميع سواء كان الاهل فى البيت او الخدام فى الكنيسه او المدرسين فى المدرسه بعدم ترك فتياتنا ان تقع فريسه فى يد الذئاب وان يراعوا الحاله النفسيه لهم وان يبحثوا كيف يشبعوا رغباتهم بالروح وليس الجسد وحدة
الافتقاد الدائم من خدام وخادمات الكنيسه لاولادها البعيدين حتى لا يضلوا ويكونوا فريسه سهله للذئاب الخاطفه وان يراعى الاهل بناتهم ومحاوله معرفه احتياجاتهم ومراقبتهم جيدا وتربيتهم تربيه مسيحيه سليمه
ربنا بجد يحفظ اولاده من الذئاب الخاطفة ومن الثعالب الصغيرة المفسده للكروم

ميرسى بجد وموش لاقى كلام اشكرك بيه يا كيرو لانك عودتنا دايما على مناقشه مواضيع غايه فى الاهميه والقوة
بجد ميرسى ليك وربنا يبارك حياتك ويحقق جميع امنياتك ويحفظك من كل الشرور