[elshbah]

انـــــــــــــــانى

حلفت ما اسمحك تاني قلبك طلع اناني

يا تري ده ظلم مني وبجد انتى بتهواني

طب ليه ضيعتى مشاعري واحساسي وانا شيلاك علي عيني وراسي

طب ليه عيشتني في حبك وانا كل منايا قربك

ده انا عمري ما حبيت الا انتى لكن انت طلعت اناني

طلعتى استاذة كبيرة في الغش والكدب الكتير

طلعتى ملكيش مثيل في الوهم بالحب الكبير

ولما انتى بتخدعى كتير طب ليه بقي كنت بتغيرى

ولا ده كله كان تمثيل

دلوقتي راجعة تقولى وتعيدى وفاكرني هحنلك تاني

مبقتش حمل جرح جديد من قلب كداب اناني

عايزة مني ايه تاني ابعدى عني بقي وانساني

حبيتى نفسك وبس لا يا ماما فوقى وحسى

مش كوني اني بحبك انك هتقدرى تغشى

وانا افضل موهوم بحبك لا ابعدى بقي وانساني

قربك مني عذاب وبعدك عني نهايه

فبلاش ترضي بعذابي وتبقى دي النهايه

نفسي اقولك كلام اخيرعلمتني حاجات كتير

انا اه حبيتك حب كبير بس انا مش هتخدع تاني

من قلب زيك هيعيش ويموت ويفضل

انــــــــــــانى

اخر ما كتبت واهدية الى من علمتنى كيف الجرح
بقلم :اخوكم نادر الشبح
الوتر الحزين

المصدر: †† ارثوذكس †† - من قسم: القسم الادبي

[كيرو رافت]

اخى الحبيب نادر
من علمتك الجرح لا تستحق ان تقدم لها اهداء
ولكن تستحق ان تقدم لها نسيانا لكل ماضيك وتنزعها من كل افكارك
ولا تعود تنظر الى الوراء بل انظر الى الامام دائما
وقل دائما انه كان سوء اختيار منى
والله اختار عنى
عيش حياتك يا نادر فمن خانت وغدرت لا تستحق حتى الذكرى

[Dr.PeRO]

مبقتش حمل جرح جديد من قلب كداب اناني عايزة مني ايه تاني ابعدى عني بقي وانساني قربك مني عذاب وبعدك عني نهايه فبلاش ترضي بعذابي وتبقى دي النهايه

مش عارف ليه حاسس من كلامك انك بتوصف امنا الغولة
ربنا يكون معاك، مش هعرف أقولك أكتر من كده، ماتقلقش هتنساها أكيد

[elshbah]

المشاركة الأصلية كتبت بواسطة كيرو رافت اخى الحبيب نادر من علمتك الجرح لا تستحق ان تقدم لها اهداء ولكن تستحق ان تقدم لها نسيانا لكل ماضيك وتنزعها من كل افكارك ولا تعود تنظر الى الوراء بل انظر الى الامام دائما وقل دائما انه كان سوء اختيار منى والله اختار عنى عيش حياتك يا نادر فمن خانت وغدرت لا تستحق حتى الذكرى

اللى حب مبيكرهش وانا شلتها حتى من ذكرياتى
ومش هقولك مش مأثرة فيا لا مأثرة
بس ربنا يخليلى حبيبتى
اللى عوضتنى عن حب كبير
وانا اللى كان مصبرنى هيا ذكرياتى الحلوة
لكن ذكرياتى الوحشة انتهيت
اشكرك استاذى كيرو رأفت على محبتك الجميلة
ربنا يعوض تعبك

[elshbah]

المشاركة الأصلية كتبت بواسطة dr.pero مش عارف ليه حاسس من كلامك انك بتوصف امنا الغولة ربنا يكون معاك، مش هعرف أقولك أكتر من كده، ماتقلقش هتنساها أكيد

امنا الغولة ههههههههههه تشكر يا دكتور
نورت يا باشا وميرسى اوى لوصفك الجميل

[بنت يسوع المخلص]

عندك حق يانادر اللى بيحب مابيكرهش وفعلا لازم تنساها
وربنا معاك ويفرحك دايما

[elshbah]

المشاركة الأصلية كتبت بواسطة بنت يسوع المخلص عندك حق يانادر اللى بيحب مابيكرهش وفعلا لازم تنساها وربنا معاك ويفرحك دايما

ويفرح قلبك يا اجمل اخت ربنا يعوض تعبك نورتى الموضوع
كل التحية والتقدير