[رويس]

زي ما مكتوب في العنوان بتاع الموضوع كده
من زمان وانا شايف ننا كأبلودرز مسيحيين للاسف الشديد - ومع كامل أحترامي لكل الناس - مش بالمستوي الاحترافي

لا الناس فاهمه طريقه المواقع وسياسه كل موقع
ولا فاهمه ايه فايده كل موقع
ولا فاهمه ايه احب المواق للاعضاء واسهلها في التعامل معها
ولا ولا ولا ولا

طبعاً هناك مواقع عربيه مشهورة في مجال الافلام والابلود
عندنا مثلا :-
ماي إيجي
عرب ليونز
ووووووو غيرهم كثير جدا
وكلنا ننظر لهم علي انهم عمالقه الابلود
وحقيقه أنهم غير ذك بالمرة
- طبعاً ليس جميعهم -
والناس مبهورة بحكايه الرفع علي أكتر من سيرفر وغيرة وناس كتير يأملوا ان يحصلوا علي لقب
Pro UpLoader
وناس كتير مش فاهمه ايه اللقب ده وايه فايدته
ومين اللي يستحقه عن جدارة
المهم يعني احنا ليس في صدد اننا نتكلم عن اللقب ده لما تتعاملوا اكتر وتفهموا الموضوع أكتر هتلاقوا ان اللقب ده ليس له قيمه لان اسمك لوحده هايبقي كفاية
أنا مش هاتكلم عن نفسي او ن طريقه شغلي
بأذن المسيح التعامل هو اللي هايحدد مستوي كل واحد

بدايه انا بكون فريق أبلودر مسيحيين فقط للميديا المسيحيه فقط

الفريق هايبقي نظامه أو سياسته كالاتي :-

1. الفريق غير تابع لاي موقع علي الاطلاق (شخصي أو غير شخصي) ولكن يستم وضع المواضيع في منتدي أرثوذكس فقط
بمعني ان اللي هايبقي في الفريق ده مش هايحط أسمه أو أسم موقع أو أيميل علي الملفات الصوتيه او المرئيه او علي الملفات المضغوطه او الفولدر او امتداد الروابط نهائياً
كل اللي هايتحط عبارة عن
ملف تكست في الفودر هايتكتب فيه كلام معين هابقي أقولكم عليها
وعلي الملفات الصوتيه هايبقي يتكتب اسم الفريق فقط

وده هدفه ان الموضوع لا يتحول اللي مجد ذاتي او طريقه للاشهار بأنفسنا
وايضاً لنشر الملفات في أكتر من موقع بدون خرق قوانين هذه المواقع المتعلقه بعدم كتابه اسماء مواقع أخري في الملفات
وده من حقها

2. شغلنا هايبقي عبارة عن :-
أفلام - شرائط ترانيم كامله
فقط لا غير
يعني محدش هايرفع ترنيمه منفرده ويعمل عليها موضوع ويحط اسم الفريق عليها
ممكن يحط اسمه دي حريه شخصيه ولكن اسم الفريق لأ

3. سيتم الرفع جميع الملفات علي السيرفرات الاتيه
RapidShare
MediaFire
MeGaUpLoade
الرابيدشير لضمان بقاء الملفات لاطول فترة ممكنه وعدم ضياعها
الميديافير لانه بأختصار افضل مع من حيث السرعه
الميجاأبلود موقع خرافي ولكن للذي يعرف قيمته

وهنا انا هاتبرع للناس اللي عندها النت مش بيساعدها اوي انها ممكن ترفع علي الميديافير وانا هارفعلها الملفات علي الرابيدشير وعلي الحساسبات بتاعتها مش بتاعتي

مع العلم ان انا لما بلاقي موضوع فيه فيلم مرفوع علي الميديافير والميجاأبلود
بحمل من الميجاأبلود بدون تررد

4. هايبقي لينا طريقه معينه في الشغل وكلنا هانمشي بيها
مش اي حد يجي يقوم رافع شريط او فيلم بمزاجه او من نفسه
لا ولكن سيتم الاعلان عن الافلام او الشرائط قبل رفعها
وسيتم كتابه عنواين المواضيع بطريقه معينه
لو الافلام هايبقي علي سبيل المثال
فيلم مار جرجس نسخه ديفيدي أصليه بحجم 200 ميجا علي أكتر من سيرفر
لو الشرايط الترانيم هايبقي علي سبيل المثال
شريط مجروح بجودة 192Kbps بحجم 50 ميجا علي أكتر من سيرفر
وكلنا هانعمل اسامي المواضيع بالطريقه دي فقط لا غير
ودي ليها فوائد هامه خاصه بالموقع

5. أن يكون خد النت عنده ثابت يعني سرعته ثابته مش بيقطع كتير علشان لا يؤثر علي شغله

6. هام جداً كل المواضيع اللي هايعملها الفريق هايتكتب في أخرها
مسموح بنقل الموضوع ويفضل كتابة
منقول عن
Christian UpLoaders Team
CH.U.T

لان ده هايبقي أسم الفريق
محدش في الفريق يقول ان الناس متنقلش مواضيعه الا لما ياخدوا أذنه
احنا هدفنا الخدمه وليس شهرة أسمائنا وبالتالي الشرط ده مهم جداً اي حد يقدر ينقل مواضيعنا بدون أخذ اي أذن منننا

الشروط اللي فاتت دي غير قابله للتغيير الا عن أقتناع مني لان دي قوانين مش موضوعه هباءاً دي لضبط الفريق

فايده الفريق ده قبل كل شئ الاتي :-

1. اننا هانعلم الناس الشغل الاحترافي في رفع الافلام او تحويل الافلام والصوتيات وغيرة
2. هايبقي معانا الادوات بتاعتنا من ملفات SRT و كودك وبرامج ومشغلات
3. هايبقي لينا فواصل خاصه بي الفريق
4. هايبقي فيه صورة تتحط في التوقيع مكتوب عليها اسم العضو وانه تابع للفريق اللي هي دي


5. هايبقي في صورة هاتتحط في أخر كل موضوع تعبر عن الفريق
ودي موجوده عندي بس هاديها للناس بعد كده


طبعاً الفريق ده هايبقي شغال بكل طاقته في الصيف فقط
ولكن في ايام الدراسه مش هايبقي شغال بكل طاقته لان مينفعش نمسك حاجه ونسيب حاجه لازم نهتم بدراستنا زي ما بنهتم بالنت

مال قيصر لقيصر ومال الله لله

اللي شايف ان الموضوع فعلاً يستاهل ان يبقي عندنا فريق أبلودرز محترفيين علي مستوي المواقع المسيحيه انه فعلاً يستاهل وأننا محتاجين للحاجات دي يكتب هنا في رد
واللي مش شايف كده او عنده أعتراض علي نقطه معينه يكتب هنا في رد واللي عنده أقتراح يكتبه هنا في رد


الفريق هايكون عدده 5 أشخاص فقط وتم أختيار
اي حد شايف ان عاوز يشترك في الفريق وانه موافق علي شروط الفريق يبعتلي علي الخاص فقط
أنا مش هاقبل اي طلب أنضمام من أي حد مهما كان من خلال الايميل او الموضوع هنا
اللي عاوز ينضم هايبعتلي علي الخاص (الرسائل الخاصه)
لا يشترط ان يكون عندك درايه بمجال الابلود نهائياً فهذه مهمتي أنا لانه هايتم تعليم الفريق بالكامل كل حاجه
ومن هنا مش هايكون الفريق غير قاصر علي الاولاد فقط لا لو في اي أخت لينا عاوزة تدخل في المجال ده مفيش اي مشكله
وده شئ مش غريب أنا أعرف بنات ابلودرز عمالقه

أي حد من الاخوة اللي ليهم مجال في الابلود وشغالين بمفردهم وعندهم رغبه في الانضمام للفريق مفيش اي مانع علي شرط أنه هايخضع للشروط المكتوبه فوق

واللي هايشترك معانا ويخالف الشروط دي سيتم الاستغناء عنه بدون تردد

في النهاية أحب أقول ملاحظتين مهمين جداً

النقطة الاولي ان انا علي أتم الاستعداد وأملك الامكانيات أني أشتغل لوحدي أنا ليا خبرة في المجال ده أكثر من أربع سنين وفي ناس هنا أخويه ليا عارفه الكلام ده
ويمكن في ناس مشافتش شغلي هنا في المنتدي ولكن بأذن المسيح الناس مش هاتشوف شغلي لوحده هاشتوف شغل الفريق كله والشغل الجماعي بيبقي ليه مزاق وطالما هدفنا الرئيسي الخدمه قبل اي شئ ربنا أكيد هايبارك في حياتنا

النقطه التانيه أن مقر الفريق هايبقي هنا في أرثوذكس وده شئ أحب أشكر عليه استاذي هيما علي انه وافق
مع الاخد في الاعتبار ان الفريق زي ما قولت مش تابع لاي موقع
ولكن أرثوذكس هو هايبقي المقر الرئيسي وبالتحديد القسم ده
وسيتم عمل اي موضوع أولا في المنتدي هنا قبل أي منتدي أخر

تحياتي للجميع وأسف علي الاطاله دي
ربنا يبارك حياتكم ويكون معاكم وبالتوفيق لاخوتنا اللي في الثانويه العامه

المصدر: †† ارثوذكس †† - من قسم: أرثو نيوز – OrsoNews

[Team Work®]

الله على الجمال يا رويس بجد حلو قوى قوى القوانين والموضوع منسق ومفهوم وفيه شرح وافى وانا هاحاول بقدر الامكان اقدم ليكم وسائل مساعدة وربنا يعمل الخير

[رويس]

المشاركة الأصلية كتبت بواسطة team work® الله على الجمال يا رويس بجد حلو قوى قوى القوانين والموضوع منسق ومفهوم وفيه شرح وافى وانا هاحاول بقدر الامكان اقدم ليكم وسائل مساعدة وربنا يعمل الخير

أشكرك كتير يا هيما
ربنا يقدم اللي فيه الخير ونلاقي ناس قد المسؤليه ومتوكنش واخده الموضوه مجرد مجد وخلاص
وعلي فكرة الناس لو فكرة صح هتلاقي ان ده فيه فائده للمنتدي وخاصه قسم الميديا بطريقه كيرة جدا
الخمسه بتوع الفريق دول لو اشتغلنا كلنا صح هايبقي في طفره في أرثذوكس
اصلها بتعتمد علي طريقه الشغل وليس كثرة الاعضاء

[@Sherif@]

مفيش مشكلة يا رويس اعتبرني اول واحد من الخمســة

[رويس]

المشاركة الأصلية كتبت بواسطة mashmousha مفيش مشكلة يا رويس اعتبرني اول واحد من الخمســة

هو الموضوع مكتوب بالهندي ياشريف ولا ايه !!
امال كنت عملت ايه لو مكتش كاتب الموضوع بحجم 5 وملون الكلام
أنا كاتب
...
..
.
اي حد شايف ان عاوز يشترك في الفريق وانه موافق علي شروط الفريق يبعتلي علي الخاص فقط
أنا مش هاقبل اي طلب أنضمام من أي حد مهما كان من خلال الايميل او الموضوع هنا
اللي عاوز ينضم هايبعتلي علي الخاص (الرسائل الخاصه)


يارب يكون الكلام مفهوم المرة دي
ههههههههه

[tamr ashak]

الرب يبارك خدمتك ويقويك اما بخصوص الموضوع الذى طرحته كل عمل جماعى مبارك وهى بصراحه فرصه لنتعلم كيف نرفع الفديو والصور بطريقه سريعه ولاكن انا عن نفسى لا اصلح اكون عضو معكم

[رويس]

المشاركة الأصلية كتبت بواسطة tamr ashak الرب يبارك خدمتك ويقويك اما بخصوص الموضوع الذى طرحته كل عمل جماعى مبارك وهى بصراحه فرصه لنتعلم كيف نرفع الفديو والصور بطريقه سريعه ولاكن انا عن نفسى لا اصلح اكون عضو معكم

مرسي كتير أستاذ تامر لتشجيعك الطيب
ويكفي فقط انك نورت الموضوع

[mina-lana]

يا مينا ابعت رساله خاصه

[كيرلس سعد جرجس سعد]

شكرا والرب يعوضك

[ملكه الاحزان]

بص هو انا مش فاهمه حاجه اصلا
بس شكله حلو يعني
استمرو استمرو