[safrota el shakia]

لما تكون زعلان متضايق لما تحس انك وحيد محتاج لما تحس انك بتتكلم و محدش سامعك لما تحس انك عاوز تجري و تترمي في حضن حد لما تحتاج حد يسمعك و تشكيله همومك و مشاكلك حد حنين يمسح دمعك و يشد ايديك يقومك تاني كل ماتقع مش هتلاقي حد غيرة مفيش غير( بابا يسوع )ابوك السماوي

هو الوحيد اللي دايما هتلاقيه جنبك في وقت الضيق
يهتم بيك و يخاف عليك و يبعت ملايكته حوليك و مش هيخلي رجلك تزل
عمرك ما هتحس بالخوف و انت معاه و هترمي كل حمول الدنيا بس ثق فيه
ده حنانه فاق الكل و حضنه يضم كتير
كمان بشرط بسيط .... خليك واثق فيه على طوووول
و متجيش عليك لحظه تشك مرة او يهتز ايمانك انك واقف لوحدك
من النهارده اتكلم معاه و هو هيسمعك اكيد
ببساطه جدا من غير لا عقد و لا كلاكيع من قلبك كلمه
احكي معاه ... افتحله قلبك..... قوله اللي مضايقك كله و سيب الباقي عليه

و عمرك ما هتقوله علي حاجه و متلاقيش حلها على طوووووول لو لمصلحتك
مين منا فكر بالليل قبل ما ينام يقول لبابا يسوع و ماما العدرا تصبحوا علي خير
و يصلي و يحكي معاهم و ينام ......
دي اقل حاجه ممكن نعملها للذي احبنا حتي المنتهي
و اتصلب عشاننا علي خشبه الصليب و دفع كل ديوننا
ملقيين كل همومكم عليه لانه هو يعتني بكم

امضاء
+++
بنت سيدى

المصدر: †† ارثوذكس †† - من قسم: التأملات الروحية والخواطر الفكرية

[krsta]

ملقيين كل همومكم عليه لانه هو يعتني بكم
موضوع جميل قوى وبجد جاى فى وقته تسلم ايديكى وشكرا ليكى

[twaty]

ملقيين كل همومكم عليه لانه هو يعتني بكم
مش عارفة اقولك اية
بجد تسلم ايدك وربنا يعوض تعب محبتك

[اشرف وليم]

من النهارده اتكلم معاه و هو هيسمعك اكيد
ببساطه جدا من غير لا عقد و لا كلاكيع من قلبك كلمه
احكي معاه ... افتحله قلبك..... قوله اللي مضايقك كله و سيب الباقي عليه

[الامير الحزين]

جميل جدا
ربنا يبارك حياتك