[emmmy]

استكش لاعدادى عن الكذب

------------------------

سوزى : صباح الخير يامارينا

مارينا : صباح النور

سوزى : اية مالك بتقوليها من غير نفس كدة لية ؟؟

اللة ما تردى عليا يا بنتى - مكشرة لية !! جعانة ؟؟

مارينا : انتى رايقة يا سوزى وانا مش فيا دماغ ليكى النهاردة سبينى من فضلك

سوزى : اية دة انتى زعلانة بجد بقى!! مالك يا مارينا بجد فى اية قلقتينى

مارينا : ابدا بس مخنونة ومتضايقة وحاسة انى مش طايقة حد ولا حتى نفسى

سوزى طيب خلاص انا هسيبك براحتك مدام دى رغبتك

مارينا : لأ يا سوزى خليكى جنبى انا محتاجة وجودك جنبى بيخفف عنى ويريحنى انتى صديقتى اللى بتحبها وبحس معاها انى مش لوحدى بتشيل همى وتمسح دموعى انتى وجوليا

سوزى : حبيبتى انا عاوزة افضل جنبك بس مش عاوزة اضايقك - طيب حاضر زى ما تحبى - مش هتقوليلى بقى مالك ؟

مارينا : تعبانة يا سوزى تعبانة اوى ومخنونة حاسة ان مفيش حد بيحبنى فى الدنيا دى كلها

سوزى : كدة بردوا يا مارينا مع انك لسة قاليلة انى صحبتك اللى بتحبيها وبترتاحى معاها - طيب يا ستى هعديها عشان خاطرك - قوليلى بقى مالك ولية مكشرة وقاعدة لوحدك - ولية بتقولى كدة .. كلنا بنحبك يا مارينا ماما وبابا والمس فى الكنيسة وكلنا بنحبك يا مارينا

مارينا : يووووة انا شبعت من الكلام دة ومن المواعظ دى مش عاوزة اسمعها يا سوزى من فضلك انا ادرى باحساسى واحساس الناس ناحيتى

سوزى : طيب اهدى طيب اهدى يا حبيبتى ممكن اسالك سؤال !! انتى حاسة بالاحساس دة لية ؟؟ اية السبب ؟؟

مارينا : السبب انى وحشة وكل حياتى فارغة ومش عارفة اعمل حاجة حلوة بكذب كتير بكذب على طول كل حياتى كذب فى كذب حاسة بقرف من نفسى

جورج : صباح الخير يا مارينا صباح الخير يا سوزى

سوزى : صباح النور يا جورج ازيك عامل اية

جورج : كويس نشكر ربنا مالك يا مارينا مكشرة لية ؟

مارينا : ابدا يا جورج مفيش

جورج : اومال مش بتردى لية ؟

مارينا : معلش اسفة يا جورج اصلى مشغولة شوية مأخدتش بالى سورى - ازيك

جورج : سورى ولا ازيك هههههههه طيب يا ستى ولا يهمك - المهم بقى انا عندى ليكم خبر جميل يوم الجمعة جايلنا فى الاجتماع الاستاذ عماد شكرى طبعا عارفينة دة خادم ممتاز جدا وكلنا بنحبة وبنستناة كل فترة ياريت تبقوا موجودين

سوزى : اوك يا جورج طبعا مرسى لافتقادك ومحبتك هنيجى ان شاء اللة

جورج : طيب اسيبكم بقى تكملوا كلامكم بااااااى

سوزى : هتروحى يا مارينا الاجتماع معايا يوم الجمعة ولا زى العادة هتكسلى وتقوليلى 100 حجة وسبب وتتهربى ؟؟

مارينا : يوووووة يا سوزى بقى هو انا ناقصة مواعظ هعمل بيها اية انا اساسا زى ما انا مش بتغير ابدا ومش هعرف اتغير ابدا

سوزى : اليأس دة هو اللى هيضيعك يا مارينا انتى محرومة من نعمة الرجاء لأ يا مارينا انا مش هسيبك تضيعى نفسك بالشكل دة ولو حكمت هقول لمامتك وباباكى عشان يتكلموا معاكى وينصحوكى حتى لو هتزعلى منى بكرة هتعرفى انى بعمل دة لمصلحتك

مارينا : هههههههههه لأ بجد ضحكتينى هتقولى لمين ؟؟ يا سلام تعرفى انها فكرة عبقرية فعلا

طيب انا موافقة روحى يا سوزى قوللهم روحى مستنية اية ؟ انا هستناكى هنا لحد ما تروحى وتقوللهم

سوزى : انتى بتتريقى ؟؟ حتى ماما وبابا مش هتسمعى كلامهم ؟؟

مارينا : لأ يا ستى مش بتريق ولا حاجة بس اصل انتى جيتى على الجرح وضغطتى بكل قوتك - يا سوزى انا بشوف بابا وماما بيكذبوا عليا وبيكذبوا على على بعض واتعلمت دة منهم اساسا -- حتى بطلت اروح الكنيسة من زمان وبعدت عن يسوع وعن حضنة هروح اقولة اية اروحلة باى وش وبأى قلب اروحلة ازاى اروح اعمل اية ؟؟

سوزى : مش عارفة اقولك اية الموقف صعب اوى

جوليا : ازيكم يا بنات وحشتونى انتوا قاعدين لوحدكم لية ؟ مالكم سكتين كدة لية ؟ شكلكم بتتكلموا فى سر - طيب سورى انا همشى انا بس حبيت اسلم عليكم باااى

مارينا : استنى يا جوليا خليكى من فضلك انتى صحبتى زى سوزى بالظبط تعالى يمكن نلاقى عندك الحل

جوليا : حل ؟؟؟ حل لاية خير ؟؟؟ انا تحت امرك طبعا يا مارينا فى اى حاجة لو بايدى

سوزى : اية رايك يا جوليا مارينا زعلانة عشان باباها ومامتها بيكذبوا وهى اتعلمت دة منهم ومش عارفة تبطل الكذب

جوليا : هو دة اللى مزعلك ومخليكى فى الحالة دى ؟؟

مارينا : اااة انتى شايفة انة سبب تافة يعنى ولا حاجة ؟؟

جوليا : طيب اهدى طيب لأ مقصدتش بس يعنى مستغربة

طيب اسمعى يا مارينا انا مش هقولك انها بسيطة ومش هقولك متزعليش بس عاوزة اقولك حاجة انتى كبرتى دلوقتى وعارفة ان الكذب غلط ومش من صفات ولاد ربنا وبيتعب صاحبة زى ما انتى تعبانة اهو

احنا كل اللى نقدر نعملة اننا نصلى عشان بابا وماما يبطلوا كذب ومدام احنا عارفين ان دة غلط يبقى هنتحاسب عن نفسنا بس لما كنا اطفال مش فاهمين كان ممكن نقول مش هنتحاسب لكن دلوقتى لأ كبرنا وفهمنا وعرفنا خلاص - والكتاب المقدس بيقول انت بلا عذر ايها الانسان

وبعدين متركزيش اوى كدة على سلبيات غيرك وخصوصا بابا وماما اعتبرى ان دة نقطة ضعفهم يعنى انتى مفيش عندك نقطة ضعف خالص مفيش حد فينا خالى من الضعف يا مارينا ومن نقطة الضعف مفيش حد فينا معندوش خطية معينة مسيطرة علية ونفسة يبطلها

واوعى تفتكرى انك مش هتتحاسبى على شئ اتعلمتية من غيرك مدام انتى عارفة ان دة غلط وبتعملية يبقى هتتحملى نتيجة عملك لان ربنا ادنا ارداة بيها نقبل الخير ونرفض الشر صدقينى يا مارينا مشكلتك حلها عندك انتى لو عاوزة تتغيرى ىوتبقى احسن هتتغيرى بنعمة ربنا لازم تقربى منة عشان تاخدى معونة تسندك وتثويكى وتساعدك وبابا وماما انا اقدر اصلى ليسوع عشان هما كمان يبقوا احسن وياريت اركز على ايجابياتهم وحسانتهم وكل حاجة حلوة فيهم وانسى ضعفهم ومشغلش بالى بية اوى كدة

وفى حاجة كمان يا مارينا وغلط ابشع انتى وقعتى فية من غير ما تحسى

مارينا : اية هو الغلط دة يا ترى ؟

جوليا : انك تحكى عن سلبيات بابا وماما فى البيت لاصحابك مهما كانوا وتعريهم بالشكل دة انتى كدة مكنتيش امينة معاهم وحافظتى على صورتهم اللى هى صورتك انتى لان دول اهلك

اذا كان يسوع علمنا نستر على الاغراب والاعداء ونحبهم يبقى هنعمل اية مع اقرب الناس لينا اهلنا ؟؟ لأ يا مارينا مش حاجة اللى تتقال لاصحابنا دى اسمها اسرار البيت ميصحش نطلعها برة - ولا اية ؟

سوزى : اللة عليكى يا جوليا صححح تمام انا مقتنعة بكلامك جدا

جوليا : طيب وانتى يا مارينا ؟

مارينا : بحزن والم وصمت لحظات ودموع انا عاوزة اروح الكنيسة عاوزة اقابل يسوع واتكلم معاة وترفع عينيها نحو السماء

ويختموا الاصدقاء الثلاثة حديثهم بالصلاة واعينهم مرفوعوة نحو السماء

مع عهد جديد ووعد جديد وصفحة جديدة

الرب قادر ان يعطينا حكمة السماء ونعمة ومعونة الهية فى غربة العالم

المصدر: †† ارثوذكس †† - من قسم: مركز البابا شنودة لوسائل الايضاح

[ريم الخوري]

جميل ايمي يسلموا يا قمر الرب يبارك تعبك

[اشرف وليم]

شكرا لتعب محبتك
الرب يبارك حياتك
رائع

[emmmy]

مرسى يا ريم ربنا يخليكى
مرسى يا اشرف اشكرك حقيقى