انا قلبى قايد نار
دملنل ف شوارعنا انهار
وحوادثنا مبقتش اسرار
دى واضحة وضوح النهار
لو زمان سكتونا باجبار
وكانوا فرضين علينا حصار
جه اليوم اللى احنا نختار
وع الظلم هنبقى ثوار
وهنفرض لغة الحوار
واصوات الحقوق احرار
..............................
لوكناساكتين من سنين
دلوقتى صوتنا له رنين
هنقول كفاية ياظالمين
هنقول كفاية للارهابيين
هنقول حرام دم المسيحين
ده تمنه غالى وثمين
لو عايزنا فى البيوت خايفين
او يتحول ضحكنا لانين
تبقوا غلطانين
داحنا بشهدائنا فرحنين
وف كنايسنا هنبقى موجودين
.................................
يابلادى فين الوعود
تأمينك للناس الحشود
مواضيعك عدت الحدود
ولسة بتقولى سكوت
مش هقدر امنع الصوت
والمقابر مليانة ورود
..............................
انا لما ارفع صوتى يسجنونى
وقدام كنيستى يموتونى
دا اللى جوه بيظلمونى
واللى بره بيرهبونى
واللى اتنين بيقتلونى
دى الحقيقة مش جنونى
واطفالى جايين يسألونى
عملت ايه عشان يعقبونى
ولحالى مش بيسبونى
دانا مصرى مش معتدى صهيونى
.......................................
ماهى بقيت عادة سنوية
يقتلوا كل سنة مننا شوية
واما تسأل عن الشخصية
يقولك دا مختل العقلية
او الفعلة مجهولين الهوية
ومش قصدهم المسيحية
ومعلش لكل متطرف ضحية
وحقكم علينا كمان المرة دية
............
وانت بذات ياسكندرية
قابلتى حوادث اللى هى
من ساعة استشهاد كاروز دارنا المصرية
وانت شورعك غرقانة بدم المسيحية
لكن عمر ماتبقى اللرض بالدم مروية
او عمر ماتبقى ابواب الجحيم قوية
......................................
واحب احيك يا ارهابى
قدرت تاخد منى احبابىولكن موت ولادى
يزيد ثباتى ويجدد شبابى
................
وياللى فرحتوا بموت الابناء
وفاكرينهم خلاص بقوا اشلاء
غرقانة فى بحر الدماء
واحنا مالناش غير البكاء
لكن غلطانين يا اعداء
دول محسوبين شهداء
وهم دلوقتى احياء
وبايديكم وصلتوهم لرب السماء
.....................................
ويا شهدائنا يافرحنين
سلمولنا على القديسين
ونجع حمادى وكل التانيين
واذكرونا امام عرش الامين كل حين
واطمنوا هنفضل معترفين
ان احنا مسيحين
وهنفضل فى كنايسنا موجودين
ومش خايفين
عشان احنا على كفةمنقوشين
وفى حدقة عينه محفوظيين
واحنا واثقين
ان ديما هما هيبقوا خسرنين
واحنا بايمنا بالهنا نكون كسبنين
...................................