[ايمان شوقى]

بحاول اساعد ناس كتير بكل الطرق الممكنة واتسبب فى سعادتهم ولكن بسرعة بلاقى انهم يسيئوا اليا بسرعة كبيرة
انا مش بشكر فى نفسى ولكن فعلا انا واسرتى بنحاول نكون مصدر سعادة لغيرنا وبدون ان نجرحهم والنتيجة انى انا اللى بنجرح جامد والموضوع دة بيتكرر كتير اوى مما يسبب لى اليأس
...اساعد حد ولا اشيل ايدى مع ان طبعى مش كدا وابونا بيقولى انتى بتحبى اوى
طب اعمل اييييييييه اساعد ولا لا ياريت اقدر احكيلكوا عن حاجة لكن المواضيع طويلة ومش عايزة اشغلكم
من فضلكم صلولى لانى فعلا لسة طالعة من ازمة مع انسانة ادتها كل الحب انا واسرتى وعاملتها زى بنتى ولكن بعد خدمة سنة ونص من الحب الغير محدود مع حاجات تانية كتير اوى لاداعى لذكرها لكن مش مادية اهانتى بشدة لمجرد عتابى ليها لانى طلبت حبهاااا فى عيد الام... والنتيجة انها اتسببت فى بكائى وحزنى احنا كنا ليها الاب والام والاخوات وكل اقرايبها لانها يتيمة ووحيدة وكل اهلها رفضوها الا انا وزوجى (عمها )وغيرها كتير من الناس اتسببوا فى ألمى بعد وقوفى جمبهم فى وقت شدتهم وبعد ماادتهم كل الحب غلطوا فيا وجرحونى والكل بيقولى اصلك عبيطة .........
قولولىى اساعد ولا ابطل اساعد , احب ولا ابطل احب .........انا فعلا عيييييييييت بسبب المواضيع دى ...ارجوكوا صلوا لاجلى وقولولى حل ...مستنية ردكم ......متنسوش......

المصدر: †† ارثوذكس †† - من قسم: الصلوات وطلبات الصلاة

[aymonded]

رب المجد يسوع أتى إليه عشرة برص فطهرهم ورجع واحد فقط منهم وهو غريب الجنس عنهم لأنهم كانوا يهوداً وشكره فقال :
" فأجاب يسوع و قال أليس العشرة قد طهروا فأين التسعة ، ألم يوجد من يرجع ليعطي مجدا لله غير هذا الغريب الجنس " (لو 17 : 17 - 18 )

ما تصنعيه تقدمية لله بالحب ، لأن الله وهبنا الحب لكي نخدم بعضنا البعض بلا مقابل ، ولنضع في داخل أنفسنا أنه لن يقدرنا أحد في النهاية أو حتى يشكرنا بل من داخلنا نرفض الشكر أو حتى أي إيحاء برد الجميل باي تعبير مهما كان ، لأن هدفنا الوحيد أن نُرضي الله ، فافرحي يا أختي لأنك لن تُعطي أجراً على الأرض ، بل أجرك في السماء في حضن ربنا يسوع والقديسين ....

وأنا عن نفسي تذوقت هذا المجد الحلو ، لأني في كل مرة أهان من أحد أخدمة بصدق اشعر أن قوة من الله تجتاح نفسي وأفرح جداً لأني لم آخذ أجراً على الأرض ولم أعطى كرامة من أحد من أجل خدمة أو تعب ، لأن كل ما نقدمة نقدمة بالحب من الله ولأجل الله ، كما أن العبيد يقدمون الخدمة لسيدهم لأنه واجبهم ولا ينتظرون أجراً عليه ، فالله هو من أحبنا أولاً وأقل شيء نخدم كل من لا يستحق ومن يستحق ، كما هو فعل معنا نحن ...

الرب يقويكم ويفرح قلوبكم بمجد حضوره الخاص
كونوا معافين باسم الثالوث القدوس

[ايمان شوقى]

انا مش بستنى شكر انا بزعل من المعاملة ومش بندم ابدا بس بجد التصرفات بتوجع قوىخصوصا لما نكون بنحب الناس قوى صحيح ارمى خبزك على وجة المياة ياتيك ولو بعد حين صدقونى انا مش مستنية اى شكر ولكن الرد بيوجع خاصتا من اقرب الناس لقلبك وانا منذ فترة اجد هذة التصرفات فى وشى تعبت

[aymonded]

مش قصدي شكر على فكرة ، أنا فقط باتكلم على اللي حصل مع رب المجد نفسه كمثال ، وقصدي أن دائماً ما تصنعين الخير وتقدمي المحبة وستجدي عكسها على خط مستقيم ومش بعيد تُقلب بعدواة ، حتى رب المجد نفسه في اول الأسبوع قالوا مبارك الآتي باسم الرب ورحبوا بالرب في دخوله أورشليم وفي نفس ذات الأسبوع قالوا دمه علينا وعلى أولادنا !!!
وان كان الناس فعلوا برب المجد ذلك فكم يكون نحن العود اليابس !!!

النعمة معك يا أختي ويقويكي دائماً بنعمته الحلوة

[ايمان شوقى]

شكرا على الرد على اكيد الى قلتة حصل فعلا بس انا لزمتنى انى احكى الى حصل لبعض الناس ودة زعلنى من نفسى صلولى ربنا يسامحنى

[love christ]

سلام :

فر رسالة يعقوب الأصحاح الرابع ايه 17 (فمن يعرف ان يعمل حسنا ولا يعمل فذلك خطية له) مطبطليش تعملى خير طالما فى ايدك
بس لازم تتأكدى الأول انه خير لكل الأطراف
وسيبى الباقى على ربنا سواء كان رد الناس ليكى خير او شر المهم تتأكدى انك بتعملى الخير لكل الأطراف

[ايمان شوقى]

مع الكلام معاكم ماقدرتش اطلع برة مشكلتى وهى انى استمر فى حبى ويستمروا من ياذونى مش ببطل وبسبب زلك اتعرضت لموقف جديد مع القديم وهو حبى وعطفى على انسانة احببتها ذى بنتى واعطتها كل مجهودى ورعايتى انا واسرتى كلها حتى اقاربى فى الخارج جيرانى مهما اقول ربنا وحدة اللى يعلم ومن حولى والنتيجة انى مرضت جدا بصداع ليس لة حل وقىء والم مبرح والدكاترة تعبوا معايا وقالوا انة صداع نفسى اخدت فى يومين 11 حقنة مسكنة لتحمل الالم وهى عرفت ولم تكلف نفسها السوءال دة غير كم المسكنات الحبوب وادوية المعدة 7ايام الم مبرح بقراء كتير رسائلكم فى ان الواحد مايزعلش وينسى لكن مشاعر الانسان مش بيدة وانا بحب بقلب ربى بيعطينى قلب بيحب قوى انا تعبت اليومين دول جدا صلولى المحاربات على شديدة جدا من جهات كتيرة لوحكيت هاتسمعونى ساعات طويلة تعبتكم معايا صلولى

[aymonded]

بصراحة يا محبوبة الله الحلوة
أنا مريت بنفس ذات المشكلة ، أحببت إنسان جداً واعتبرته ابن وصديق واخ صغير ، والفرق في السن بيننا في حدود 17 سنة ، أحببته جداً لدرجة أني كنت أفعل له كل يفعله الأب والأم (( من جميع الاهتمامات )) ، حتى ان أسرتي أحبته جداً حين وجدوا محبتي له ، ومكثت معه ثلاثة سنوات أخدمة بكل إخلاص ، وفي لحظة بعني لكي لا يعترف بخطأة أمام شخص آخر ، وتفوه بكلمات لا يليق أن يقولها ليوقع بيني وبينه ليهرب من مسئولياته متهمني ني أنا من أثر عليه لكي لا يعمل العمل الذي هو تحت مسئوليته (( في شغله الخاص )) ، وحتى انه رد عليا بشكل لا يليق حين تحدثت إليه ، ولم يعمل أي حساب حتى ولو لأجل فرق السن بيننا ، ووجدت منه شخص آخر تماماً محاولاً أن يشوه صورتي أمام الآخرين بشكل مستفز جداً ، وأنا عمري ما اهتميت أصلاً بكلام الناس سواء بالسلب أو الإيجاب بسبب اني لم أقم معهم علاقة أو شركة ، فالكلام كان بالنسبة لي عادي جداً أنه يكون من اي شخص آخر لم أعرفه أو حتى اقمت معه علاقة سطحية جداً ، ولكن لما يخرج من شخص أحبه وأخدمة بكل قبي وإخلاص المحبة ، هذا كان كالصاعقة لأني لم أكن أتوقع منه هذا على الإطلاق لا من بعيد ولا من قريب !!! ولم أكن أتوقع أبداً أني أجد غير الجحود وعدم الأحساس بل وتشوية السمعة وعدم حفظ أقل جميل !!!!

ولكن بالطبع لا زلت أحبه ، وتضايقت كثيراً على رد المحبة بالجفاء ، وأنا قررت اني لا أتعامل معه مرة أخرى على الإطلاق وابتعد تماماً ، واكتفي أني اصلي من أجله فقط ، لم ولن أعاتبه ، لأنه من أعماقه بالتأكيد مدرك ما صنع ، فساتركه لضميره ولفكر قلبه ، مع أنه تسبب في جرح عميق ، ولكني سأحول هذا الجرح لصلاة وشكر لله الحي ، لأني لست ندمان على ما صنعت ، لأنه من أجل ربنا يسوع ومن أجل حبه المجاني لنا ، لأننا لا نستحق محبة الله الفائقة ، ولذلك انا أغفر له كل ما صنع وما سوف يصنع ، لأني أعتقد أنه لن يتوقف عن الجحود والاستمرار في الإساءه ، لأنه لا يعرف طريق الحب ولا يصون العشرة ولا يحفظ المحبة ...

فاقول لك عن خبرة أطلبي الله وارفعي عينك لربنا المصلوب الذي خانه يهوذا الذي أكل وشرب معه ، فالخيانة من أقرب الناس ومن فعلنا معهم معروف هو أشد آلام الإنسان وأكبر أوجاعه .... ولنا أن نتعامل معهم كاوثني والعشار ، نحبهم ونصلي لأجلهم ولكن لا نتعامل معهم مرة أخرى ، ونجعل العلاقة في إطار العلاقة مع اي شخص آخر ، ولا نأتمنهم على سرّ لنا ، بل تكون العلاقة في الحدود السطحية مثل معرفة أي شخص ، وعلى قدر طاقتنا نسالم جميع الناس :
ان كان ممكنا فحسب طاقتكم سالموا جميع الناس (رو 12 : 18)
و ان لم يسمع منهم فقل للكنيسة و ان لم يسمع من الكنيسة فليكن عندك كالوثني و العشار (مت 18 : 17)

[aymonded]

ممكن ان تضغطي على عنوان هذه الموضوعات ليكون قصدي كله واضح يا أجمل اخت حلوة:
https://www.orsozox.com/forums/f34/t31383/
https://www.orsozox.com/forums/f91/t31202/

[ايمان شوقى]

اد اية الرد دة اسعدنى كائنة انا شخصيا اللى بتتكلم الدكتور نصحنى انى ازعق اتكلم اعاتبها وبعدين قالى بات مظلوم ولا تبات ظالم انا هااحكى جزء من المشكلة احتمال ارتاح ودموعى تهدى البنت دى ابنة اخو زوجى وكانت امها حبيبتى وهى تصغرنى ب17 شنة واصيبت بضيق فى صمام القلب وعملت العملية وقبلها زوجى اصيب بذبحة صدرية وكان من الضرورى اجراء جراحة سريعة جدا لان الحالة خطيرة وهو مريض ضغط وشكر وكوليسترول وعمل العملية وللاسف الدكتور عمل تغيير شرايين غلط مع انة استاذ كبييير وخرج بقوة ربنا وعايش بالمسيح كمايقول الاطباء وهى عمليتها نقلت لها ميكروب فى الدم وقعدت فى المستشفى 4 شهور وجالها اكتئاب وماقلوش لحد وامها توفت وهى خفت وتخرجت من كلية الالسن فرنسى وابوها شايل جواه اذاى بنتة اقعد فى المستشفى 4 شهور واخوة اسبوع وطبعا بعد عننا لهذا السبب المهم انا زوجى فية حنان وبرضة بيسال وبيحن المهم الاب توفى وانا حزنت جدا على البنت لانها مرتبطة بابوها فقط فى الدنيا وعمتها صممت تاخدها عندها وبدات مشكل من الاهانات والشتيمة والعايرة وعدم المساعدة فى البيت لان البنت مش بتشيل حتى الكوب بتاعها ومعايرة بالمرض وكان يدوب تقدم لها عريس واذا بزوج عمتها يطردها بدون ان ادوشكم بالتفاصيل وليس لها احد وطبعا زوجى الحنين تعب بسبب هذاالموضوع وجالة ذبحة جديدة وجالطة ولازم الصرف وهى جائت عندى فى نفس الوقت وبداات اعراض الاكتئاب واتا لا اعرف حاجات غريبة بتحصل لحد ماقلت لى وبقيات اجرى بزوجى واجرى بيها وعملتلها خطوبة جميلة صحيح هى اللى دفعت بس ليلة الخطوبة كانت عندى احلى من الخطوبة وعملت لزوجى دعامة وكن بيموت لحظة دخول الدعامة الشريان وعاش بمعجزة وجريت معاها فى جهازها وشقتها وخدمتها وعزومة اهل عريسها حتى تزوزجت اجمال بنت عملتلها حنة رائعة وكحك وبسكوت وكل حاجة للعروسة فوق ماتتخيلوا وعملتلها عيلة وصلحتها على عمتها وعمها الكبير وحعلت اهلى اهلها وسافرت لقضاء اسبوع عسل وارسلت لها اقاربى هناك ليفسحوها ولم اتركها يوم واحد وبعد كدة كل يومين عندى وماتفعلة الام افعلة لها وبعد سنة باقول ابقوا تعلوا اتغدوا عندى وبعد ماعزمت اهل زوجها كذا مرة المهم قلتلها لما تصلحى العربية ابقى خدينا وبعد فترة عمها بيقولها العزومة بتاعتنا ضاعت وردوا علية هى وزوجها بطريقة وحشة جدا احرجتة واحرحتنا وفى خلال السنة بتيجى تبيت عندى وجوزها معاها يعنى اهلها وجائت مرة عمها لم يخرج يقابلها وانا قلتلها انة زعلان وجاء عيد الام وارسلت لى بوكية ورد مع عامل وجوزها اتصل يقولى لم اشكورونى قلتلة وجودكم كان افضل واذابها تتصل بى وتبهدانى انا وعمها انا مهما اقول عملنا ايه مش هتصدقونى سمحونى دوشتكوا




















الاك