[bolalover]

ربي خدني بين اديك



ماشي انا حر طليق فرحان بكل طريق
دنيا كبيرة مليانة شرور جميلة
عايش انا فيها ليل نهار و اكني بسبح فيها
بحر خطية تتشد فيه و انا احسن غواص فيه
و يارتني غواص في الخطية و بداري علي الكنز الي في اديا
ماشي انا اتباها بكنز اسود اصله تفاها
سارح في عالم من الضياع و ناسي عمري
عمري الي هيكون في ايد الحبيب
و لما الموج يشد و احس اني هغرق اصرخ انا للحبيب
و كل ما اجري عليه و اقوله كفايا
يخدني هو و يريحني من بكايا
و ارجع تاني اغوص و اغوص
و انسي نفسي في بحر حسه محروص
و الموجه تاني تشد و يرجع صراخي ينوح
و بكايا يزيد و كلامي يفضل يبوح
لحد امته يا ربي هفضل زليل
لحد امته اقبل كلامك و ابكي قدامك
و يجي الوقت انسي حنانك و اخون امانك
تعبت الهي تعبت و ضعفت
تراب اشتهي للمياه
جعان ضل الهوية
ارويني انت من ينبوع اديك
ربي خدني بين اديك
خدني ليك و خليني احافظ عليك
احافظ علي فداك و صلبك الي اتكتب عليك
ليه كل مرة اجري ناظر لحضن عنيك
نفسي اعيش وياك طول العمر
يا ربي يا مالك عمري
اصبحت شجرة مترتويش غير من اديك
ارض فاسده محتاجه نهر صلاحك
طريق الخطية اشتهيته و كان هو كل ما ليا
بس نفسي ربي تكون انت مالك عنيا
قدامي ديما متسبنيش للخطية
صدقني بجد ضعيف انا لاكبر حد
انسان خاطي منيش قديس
انسان شهواني عايش تعيس
كل لحظة فراق بيني و بينك
فيها ميت لحظة زل للشيطان
فيها احساس خوف كاني جبان
ايدي في ايدك هعيش انا في الامان
هنسي انا طبع الخيانة
و هكون عبد حافظ للامانة
و اوعدك اني ليك و ملك اديك
ما انت الهي ربي و يسوعي
بس ارجوك
ربي خدني بين اديك

المصدر: †† ارثوذكس †† - من قسم: القسم الادبي

[دموع بالدم]

اصبحت شجرة مترتويش غير من اديك
ارض فاسده محتاجه نهر صلاحك
طريق الخطية اشتهيته و كان هو كل ما ليا
بس نفسي ربي تكون انت مالك عنيا
قدامي ديما متسبنيش للخطية
ميرسى ليك يابولا ربنا معاك

[كيرو رافت]

تصدق يا واد انت
بجد ان اقتنعت بمقوله ان الحاجه تخلق الابداع
بجد التجارب لما بتزيد علينا بتخلق نوع من الابداع قدام عينينا
بجد يا بولا موضوعك حلو قوى قوى قوى
وانت عارف سر جماله انى حاسس بيه وحاسس انك كاتبه من اعماقك من جواك
علشان كدا طالع بالشكل ده مشاعر حقيقيه
مترجمه الى كلمات وروائع نصيه

ميرسى ليك يا بولا وربنا يبدل احوالك السيئه الى الافضل والاجمل والاحلى

[kottah_sh]

بجد يابولا مكنتش اعرف انك مبدع كده
وشاعر جميل
ايه يابنى الكلام الجامد ده
بجد تحفه جداااا

ربنا يهديك كمان وكمان

عقبال ماتكتبلنا شعورك وانت
ناجح من غير عيال
ههههههههههههههههههه

[مادونا نبيل]

و بعدين بقا معاااااااااااك انتا مش هتجيبها لبر
كل مرة تسرق منى كده الكلام الحلو ده و اعديها



























































بس بجد تسلم ايديك يا بولا على الكلام
الجميل اللى انتا كاتبه بجد كلام روعه و حسااااس
يارب اشوف شعرك وانتا ناجح كده
ربنا يعوضك

[merrete]

تسلم ايدك يا استاذ بولا الشعر تحفه بجد تعيش وتكتب

[bolalover]

ميرسى ليك يابولا ربنا معاك

سنكس يا دموع الدم علي ردك الجميل و مرورك

[bolalover]

تصدق يا واد انت بجد ان اقتنعت بمقوله ان الحاجه تخلق الابداع بجد التجارب لما بتزيد علينا بتخلق نوع من الابداع قدام عينينا بجد يا بولا موضوعك حلو قوى قوى قوى وانت عارف سر جماله انى حاسس بيه وحاسس انك كاتبه من اعماقك من جواك علشان كدا طالع بالشكل ده مشاعر حقيقيه مترجمه الى كلمات وروائع نصيه ميرسى ليك يا بولا وربنا يبدل احوالك السيئه الى الافضل والاجمل والاحلى

بجد شكرا اوي يا مستر رافت علي ذوقك و ردك الجميل ده
و بجد انت بتشجعني كل مرة عن الي قبلها
سنكس يا مستر رافت

[bolalover]

بجد يابولا مكنتش اعرف انك مبدع كده وشاعر جميل ايه يابنى الكلام الجامد ده بجد تحفه جداااا ربنا يهديك كمان وكمان عقبال ماتكتبلنا شعورك وانت ناجح من غير عيال ههههههههههههههههههه

هههههههههههه
حكاية العيال دي بقت مطلب رسمي دلوقتي من المنتدي كله
والهي يا اخت كوتا مظنش اني هيبقا عندي شعور من غير عيال
ممكن السنة الي جاية و عليكي خير بقا

سنكس كوتا علي ردك الجميل و مرمرك

[bolalover]

بس بجد تسلم ايديك يا بولا على الكلام الجميل اللى انتا كاتبه بجد كلام روعه و حسااااس يارب اشوف شعرك وانتا ناجح كده ربنا يعوضك

ههههههههههههههههه
تشوفي شعري ازاي و انا ناجح يا مادونا
انا الفرحة بتاعت النجاح شعري هيطير
مش هتعرفي تشوفيه
هههههههههههههه
سنكس يا دودو علي ردك الجميل