[kamer14]

هشرح الطريقة Step By Step وبشكل مبسط جداً
الطريقة دى مجربة وفعالة جداً وسريعة لحفظ ودراسة اى كتاب فى سرعة قياسية وبمقدار استيعاب ممتاز والجميل ان الطريقة دى هتنجح مع اى انسان مهما كان مستوى ذكاءه ومهما كان قدرته على الحفظ ...
المهم تطبيق الطريقة خطوة بخطوة

اولاً مرحلة الاعداد :
1- نختار مكان هااادىء تماماً من اى صوت او اى حاجة ممكن تقلل من تركيزك
2- تكون نايم بشكل جيد جدا قبليها

ثانياً الطريقة :
1- قبل البدأ فى المذاكرة, حاول تكون ريلاكس قدر الامكان وغمض عينيك لمدة 5 دقائق بالضبط وفى خلال الخمس دقائق لازم متفكرش فى اى حاجة ... ممكن بس تفكر فى المادة او الكتاب اللى هتدرسه ... لو مثلاً كتاب عن الفيزياء, يا ترى المادة دى بتكلم عن اية.. يا ترى يعنى اية فيزياء؟ ... وهكذا
المرحلة الاولى دى تحضير للذهن لدراسة المادة ودى مهمة جدا مش مجرد تغميض عين المهم تركيزك ميكنش فى اى حاجة تانية غير الكتاب فى خلال الخمس دقائق ومهم جدا ميكنش فية اى نوع من الصوت او اى حاجة ممكن تجذب انتباهك ومهم جدا يكون ذهنك مرتاح تماماً, تكون نايم قبليها كويس جداً


2- بعد الانتهاء الخمس دقائق (ممكن تستعين بالمنبة فى الموبيل وخلى صوت المنبة واطى قدر الامكان ) فتح عنيك وابدأ بالقراءة الكتاب مش كمذاكرة ولكن كأنك بتقرأ قصة بالضبط ... شوف انت بتقرأ قصص والروايات ازاى اقرأ الكتاب بنفس الطريقة وبنفس السرعة .. تخيل الكتاب قصة او رواية وعاوز تعرف بيتكلم عن اية ... والكاتب عاوز يقولنا اية فى الباب دا ؟ ... اية المعلومات اللى عاوز يوصلهلنا فى الباب دا ؟ ...

3- بعد متخلص الباب الاول اقفل الكتاب وغمض عينيك وحاول تفتكر كل اللى تعرفو عن الباب الأول ...
وممكن تستخدم نفس الطريقة مرة آخرى بنفس الترتيب والخطوات للباب الاول علشان تضمن انك استوعبته 100%

وهنعمل نفس الطريقة دى فى بقية الابواب حتى انتهاء المادة او الكتاب

النتيجة اللى هنحصل عليها اية ؟
1- سرعة فى المذاكرة (رغم قراءة الباب مرتين بس هتكون اسرع من المذاكرة التقليدية بكتيييير)
2- سهولة ومتعة فى المذاكرة
3- استيعاب ممتاز جدا ومضمون

الأخطاء اللى كتير بيقعو فيها :
- الفضول انهم يجربو الطريقة الان وهما مش مهيئين ليها ولا مكان ولا ذهن بالتالى مش بتجيب النتيجة المطلوبة ... واحدة بعد مشرحتلها الطريقة بالتفصيل لقتها عاوزة تبدأ الان ونست خالص مرحلة الاعداد !!
- القراءة بسرعة مفرطة اكتر من اللازم
- عدم الثقة من جدوى الطريقة وفاعليتها بالتالى مش بينفذها بالدقة المطلوبة

المصدر: †† ارثوذكس †† - من قسم: قسم المناقشات الثقافيه والعلميه

[وردة حزينة]

ميرسى خالص يتقمر على النصايح والطريقه الحلوه ده
ربنا يقف مع كل اخواتنا للى بيذاكروا ويعوض تعبهم خير

[kamer14]

يااااااااااااااارب ياوردتى وميرسى بجد ياعسل لردك الجميل ربنا يباركك

[miro_rook]

مرسي ياقمر بس في ناس مبتعرفش تذاكر غير مايكون جانبه صوت وانا واحد من الناس مرسي كتير رررررررررر

[kamer14]

المهم المزاكرة نفسها ميرسى لردك الجميل ربنا يباركك

[elphilasouf]

اممممممممممممم
موضوع حلو يابت ياقمر زي ماعودتينا
وفكره نحاول نجربها يللى مش مهم

نضيفه للمميز بس لما نشوف عمك هيما الكبير عشان فى مشكله فى تعديل المواضيع

[kamer14]

ههههههههههههه ميرسى بجد يافيلو لردك واضافته للمميز ربنا يباركك

[elphilasouf]

ههههههههه
لسا ياختى مضفش
لما نشوف مشكله تعديل الموضوعات دي ابقى قولى ميرسي
خدي المرسي بتحتك دلوقتى خليها معاكى

[kamer14]

هههههههههههههههههههههه المهم النية طلما نويت يبقى كله هيبقى فل انشاءالله ميرسى بردو