[aymonded]

خلاص يا اغلى أحباء أوعدكم أنا كمان آجي بدري شوية عن كده
وعلى فكرة يا بلبل أحنا اتجمعنا بعد لما انت مشيت وكمان اتناقشنا سوا ، ومش تقلق هانحاول نظبط الأمور المرة اللي جاية وانا السبب في التأخير في التجمع ؛ بس حقيقي في حب بعضنا نحو بعض ، حتى لو في حد جه مش قعد معانا أو سبنا ؛ النعمة معك يا جميل ومع الجميع

[IO-Mena]

شكرا يا ميكى على الموضوع
وانا اول مرة اقابلك وحبيتك وكل الى موجودين حلوين ومش عايزك تسيب موضوع الخروجه ده

انا اعدت بعيد اول لما جيت مفيش كام دقيقه علشان بس كنت جايب معايا صحبى ومش من المنتدى وهو كان تعبان من المشى الى مشيناه انا وهو فكان بس بيريح كام دقيقه وبعد كده دخلنا اقعدنا وسطيهم...

[الناى الحزين]

بس يا حبيبى انت وهو صدعتونا بكلامكم ده

استاذ ميكى اقبل منى تعليقى تزعل ازعل مش هتزعل برضوا ازعل
انت عارف انى بحترمك جدا المهم

الخروجه هى سبب نجاح المنتدى ومحبتنا لبعضنا بنسبه 75 /100
واراهن اى عضو لو المنتدى لغا الخروجه وتستمر روح المحبه وحبنا للمنتدى
يبقى 1: الخروجه لازم تستمر

مين يكون الزعيم احنا مش بنميل لحد معين كل الناس اللى انت قولت انهم ممكن يبقوا مسئولين عن الخروجه على راسى من فوق وكلهم عارفين انى بحبهم جدا وبحترمهم جدا لكن مع احترامى للجميع

مين العضو اللى يستحمل فى كل خروجه انه يعمل الموضوع وينظمه ويكتب التعليقات ويصنع روح المحبه والفرحه فى اعين الكل بمواقفك اللى بتعملها وكمان انا بلاحظ كتير انك بتيجى على نفسك قوى وبعدين كل اللى يهمك انك ترسم بسمه فى اعين الاخرين بدون اى مقابل لان بجد مش اى حد يعمل كدا واظن احنا جربنا الحكايه دى فى موضوع خروجه الصعيد بجد شئ مش سهل انك تنظم خروجه وتنزل موضوع يبقى 2 لازم ميكى يستمر فى مسؤليته عن الخروجات

كمان حاجه الناس بتقول انهم كدا مش هيشوفوا محاضره البابا هو من امتى حد دخل يحضر المحاضره فى يوم الخروجه غير نبيل نصيف مع احترامى للجميع وزى ما بيقول رافت فعلا الفكر هيكون متشتت جدا يبقى

انا عندى اقتراح لو يعجب الناس ياريت ننفذه

اولا الناس زعلت علشان المكان اللى كنتوا فيه مش كنيسه او دير
طب ايه رائيكم لو نخليها المره اللى جايه فى كنيسه العدرا فى المعادى اهى على النيل وكمان كنيسه

ثانيا فيه حاجه حلوه جدا عاجبتنى فى الخروجه بتاعت الصعيد صحيح العدد كان قليل بس عاجبتنى جدا

اننا قعدنا مع بعض واتكلمنا فى حاجات كتير تخص المنتدى وكل واحد قال اللى عاجبه واللى مضايقه يبقى ياريت نعمل حاجه زى كدا ونقعد كلنا مع بعض ونتكلم عن المنتدى وايه اللى عاجبنا وايه اللى مضايقنا وبجد هنفيد المنتدى جدا وهنستافيد

ثالثا لو يوم الاربع مزعل ناس علشان اجتماع قداسه البابا ممكن نخليه يوم تانى غير الاربع يعنى مثلا يوم حد علشان اللى يبقى عاوز ما يفوتش محاضرا لقداسه البابا يبقى براحته( نفسى نفسى يكون يوم حد اموت ويبقى يوم حد هتلاقونى فى وشكم فى كل خروجه )


معلش طولت عليكم بس صدقونى انا بحب اورثوذكس جدا ويهمنى بقائه وبقاء محبتنا لبعضنا

ملحوظه اعقل يا ميكى ويلاش تسرع

[elphilasouf]

ميكى كان نفسي اردع كل حاجه حته حته
بس انا هحاول اقول الى عاوز اقوله وخلاص
انا مكتش معاكوا فى الخروجه الاخيره
وده كان الشبب فيه بس المواعيد
لانى كل يوم بساقر تقريبا



1- ماهو اهم موضوع يدعم شريان الحياة بالمنتدي ؟؟

واستمر فى الخروجات بجد دي حاجه حصريه للمنتدي وحاجه حلوه اننا بنشوف بعض
والمحبه موجوده بنا انا مكنتش ظهره بس هى موجوده

2- ماهي مقترحاتك كي تدعم وتنشط دائما هذا الشريان ؟؟

زياده جرعه منشطات المحبه الى بنا هتخلى النس فله وزي الفل
3- هل الخروجات الشهرية سوف تنتهي في أحدي الأيام ؟؟
ده يتوقف علينا احنا لاننا احنا الى بنشطها واحنا برده الى هنموتها

4- ماهو الحل كي تبقي وتستمر هذه الخروجات

التغيير بجد حلو اوي
والافكارالجديده ممتازه
بس الله يخليك يا شيخ ابقى اعملى خريطه عشان متهش


حكايه منظم او قائد الخروجات دي
انا شايف برده انه محتاجه واحد تييييييييييت طائقق ع رايي مينا ام ام جى

[MICKEY]

اشكر جميع الردود اللي جت من الجميع
ولكن هعقم علي كم نقطة لفتوا نظري

المشاركة الأصلية كتبت بواسطة miso معرفش انا شايفة ان دى احلى حاجة فالمنتدى هنا خروجاتكم دى انا فعلا مشوفتهاش فاى منتدى تانى على العموم فكرة حلوة والناس اللى اخترتها برضو ناس هتعمل تجديد فالخروجة

شكرا ياميسو علي الرد الجميل وفعلا الخروجات ليها تأثير كبير وسطينا

المشاركة الأصلية كتبت بواسطة aymonded وممكن نقترح نتناقش في أيه المرة اللي جاية ، لأن موضوع ان حد يلقي كلمة صعب جداً ، مش علشان حاجة ، بس علشان كلنا نتحاور مش واحد يلقي كلمة والآخر يسمع

انا معاك ياايم في الفكرة دي جدا
هنخليها ندوة مفتوحه للنقاش بينا جميعا
ونتكلم في حاجات كتيرة تخص المنتدي وغيره
وشكرا ليك ياحبيبي علي تشجيعك الفكرة

المشاركة الأصلية كتبت بواسطة mina_reda مرسى جدا وانا احب اشكرك بس فى ملحوظه هما وهيا ان يوم 3 / 12 / 2008 ديت العشياة بتاعت ابو سيفين فى مصر القديمة الى هوا فى محطة الملك الصالح

هندخل الدير مجال الاستفتاء وربنا يقدم اللي فيه الخير
لكن ياجميل راعي ان عيد زي ده هيكون الدير مليان ناس بكمية كبيرة جدا
واحنا رايحين نلتقي بعضنا البعض لكي نتبادل الأراء
لكن في الازدحام مش هنلحق نتقابل بعد الاحتفال

المشاركة الأصلية كتبت بواسطة كيرو رافت انا هاختار الطاحونه اهوو نوع من انواع التغيير لان اللى بيطالبوا ان احنا نحضر العظه بتاع البابا هناك ثلاثه اسابيع اخرى من الممكن لمن يريد ان يذهب لانى بجد اتحدى ان كل اللى بيطالبوا بحضور العظه الاسبوعيه للبابا انهم بيداوموا على حضورها اصلا انا موش بعترض على حضور العظه اطلاقا لكن انا بقول مجرد رأى شخصى وغير مرغم للاعضاء اولا تفكيرنا داخل العظه هايكون مشتت ازاى هانقابل بعض بعد العظه وازاى هانقعد مع بعض ولحد امتى

وجهة نظر سليمة ياكيرو
مانا بقول ان الكاتدرائية مكان كبير وكويس وقريب للمعظم
ولكن صعب نقعد ونتكلم فيه
علي العموم الكاتدرائية هتدخل الاستفتاء ونشوف الناس عاوزة ايه

المشاركة الأصلية كتبت بواسطة ملكه الاحزان موضوع حلو اوووووووووووووووووووووووي والمنتدي بصراحه مفهوش اي حاجه ناقصه في كل حاجه بس عندي اقتراح صغنون عايزين نغير كل اسبوعين مثلا نعمل استيل جديد عشان يبقي في حاجات احلي ومايبقاش ملل ده اقتراحي ونعمل كمان راديو لينا اي رائيكم؟

زي ماقالك استاذ ايمن ياجميل انه صعب جدا جدا تغير استايل كل اسبوعين
ده بالميت لو اتغير كل سنة يبقي كويس

احنا علي العموم بنغيره في الأعياد الكبير والصغير

المشاركة الأصلية كتبت بواسطة @m@r!n وموضووع الخروجاات ده فعلا هو اللى بينشط المنتدى و وبيزيد المحبه مابيناا وبجد بجد بجد يوم الخروجه ده بحضر نفسي ليه من قبلها باسبوعين تلاته عشان اليوم ده بيكون جامد مووت ....

شكرا يامارينا علي كلامك الجميل
مع اني عاوز اعرف بتعملي ايه في اسبوعين يعني عشان تقابلينا
ههههههههههه
بتيجي بردوا وكلنا بنسد مناخيرنا من الريحه
نياهاهاهاهاا

علي العموم ميرسي علي الرد الجميل
وانا عارف انك عاوزة تعمليها في حديقة الازهر
لكن ممكن نخلي خروجه خاصة بالمنتدي فالعيد للأزهر مثلا او حاجه

وبرضوا ياجماعه اللي بيرشح الازهر بارك مع مارينا يقول

انا تحت امركم

المشاركة الأصلية كتبت بواسطة نبيل نصيف جرجس بس اخر مرة مش كانت حلوة خالص مش تزعل منى انا صريح واللى فى قلبى بقولة وكل واحد عندة وجة نظر هل لو كانت من جوة قلوبنا لبعض كنا نسيب بعض وكل واحد يروح يقعد فى مكان مختلف عن التانى

شكرا علي رائيك يابلبل
وصدقني الناس اللي كانت قاعده لوحديها دي مكنش بقصد حاجه
كل الموضوع مكملش خمس دقايق
وكمان انا كنت بره رايح جاي اجيب في الناس
وكمان يابلبل الكاتدرائية كان كل شوية مع نفسيهم ومش اتكلمت عن الانفرادات
فلماذا تتحدث عنها الان
متزعلش مني ياحبيبي
انا بس بوضح وجهة نظر

المشاركة الأصلية كتبت بواسطة io-mena شكرا يا ميكى على الموضوع وانا اول مرة اقابلك وحبيتك وكل الى موجودين حلوين ومش عايزك تسيب موضوع الخروجه ده انا اعدت بعيد اول لما جيت مفيش كام دقيقه علشان بس كنت جايب معايا صحبى ومش من المنتدى وهو كان تعبان من المشى الى مشيناه انا وهو فكان بس بيريح كام دقيقه وبعد كده دخلنا اقعدنا وسطيهم...

احنا كمان حبناك جدا يامينا
انت شخصية لزيزة جدا جدا
وكوكو كمان زي العسل بجد
هاتوا معاك كل مرة وسلملي عليه كتير جدا

المشاركة الأصلية كتبت بواسطة الناى الحزين انا عندى اقتراح لو يعجب الناس ياريت ننفذه اولا الناس زعلت علشان المكان اللى كنتوا فيه مش كنيسه او دير طب ايه رائيكم لو نخليها المره اللى جايه فى كنيسه العدرا فى المعادى اهى على النيل وكمان كنيسه

اول مرة من ساعت ماعرفتك ياناي ياحزين
تقول فكرة حلوة
هندخل العدرا المعادي داخل الااستفتاء
وشكرا للجميع

[الناى الحزين]

انت يا واد انت ما عجبكش كلامى ولا ايه

خلاص ازعل

بس ياريت نحاول نخليها يوم حد بجد علشان سببين

الاول ان الناس تروح المحاضره بتاعت قداسه البابا براحتها
والتانى انى هكون فى خلقتكم فى كل خروجه

[MICKEY]

لالالالالالالالالالالالال الالالالالالالالالا
دي بقي مش هاخد فيها رأي حد

دي علي جثتي

نياهاهاهاها
الخروجه الاربع الاول من كل شهر
انسي ياناااااااااااااااااااااا ي

[الرومانسى الشقى]

كنيسه العدرا فى المعادى اهى على النيل وكمان كنيسه

انا ارشح راى الناى الحزين وى يريت بردو تكون الخروجة يوم الاحد علشان في ناس بتشتغل وى نفسها تيجى معاكو ولا انتا رايك اية يا استاذ ميكى

[الناى الحزين]

خلى عندك دم واعمل استفتاء على يوم الحد

فيه ناس كتير اهو نفسها تيجى بس المشكله عنها الشغل وانا اولهم

[الرومانسى الشقى]

قولو يا ناى حاجة مش هينفع كدة