[elphilasouf]

المشاركة الأصلية كتبت بواسطة بنت الراعي فيلو اولا ميرسي جدا لمرورك وردك الجميل بس سامحني انا مش معاك خالص اننا علشان مانقعدش ساكتين نقوم نجيب في سيرة خلق الله لا طبعا في كذا حاجه مفيده ممكن نعملها غير اننا نتكلم عن غيرنا ممك نقرا كتاب نتناقش في موضوع كده يعني مش شرط نتكلم علي حد ده احني ممكن نلعب لعبه احسن مانتكلم عن غيرنا اشكرك جدا وربنا يعوضك ويباركك ويفرح قلبك

ويعنى لو زرنا حد معين نسأل عليه اونشوفه
ايه نوعيه الكلام الى ممكن نتكلم فيه؟؟

الاول ممكن نسال عليه وعن صحته وبعدين
عن صحت الى العايله
وبعدين الجيران وبعدين الشارع كله
طب وبعدين
هنعد سكتين

هنجيب كتاب ونقري فيه

يعنى انتى برده يا ايمى لو اعده مع ناس هتقومى تجيبى كتاب وتعدي تقري وتتنقشي معاهم فى موضوع معين من الكتاب

وهى عقول وثقافات الناس المتاحه حولينا والى ممكن نعد معاها ممكن نعمل معاها كده

وهنلعب معاهم ايه؟
وايه هى اللعبه الى هتلعبيها معاهم دي
طيب وانتى لو اعده مع ناس كبير واتكلموا ع حد
هتقوليلهم تعالو نلعب

ولا كمان يا استاذ ايمن اغلب الناس تحب تجيب سيره القديسين
ويتكلموا فى الروحيات
ولو نفرض مثلا اعدين مع ناس مش كلهم مهتمن بالروحيات

انا بجد نفسي الاقى حاجه تفيد ممكن نتكلم فيها
واحنا اعدين مثلا مع وسط الناس المعتاد حوالينا

يمكن مثلا
نفتكر مواقفنا الطريفه او الاخطاء اللى ممكن نتعلم منها
او يمكن لو فينا واحد عنده من المعرفه ما يفيد ممكن يعرضه ببساطه
بس ده فى وجود الشخص الى ممكن يكون مصدر الثقافه دي

او ممكن نتكلم فى الحياه السياسيه والاقتصاديه
كانوع من تفريغ الكبت الموجود

بس كل ده احتمالات حدوثه هتكون مع ناس قليله
مش كل الناس البسيطه ممكن تتكلم فيه

[aymonded]

صديقي الحلو لازم نميز بين الكلام يا جميل ومش نعممه
أنا مش قصدي التعميم ، يعني مثلاً لو انت قاعد مع غير المسيحيين هاتجيب سيرة قديسين ، أو حتى مع مسيحيين مش بيروحوا كنيسة ، أو حتى بيروحوا بس مش مهتمين !!! وهل أنا اقصد كده يا مفتري ... ههههههههههههه !!!

يا جميل لكل مكان أو تجمع أو لقاء مع الناس له مجاله الخاص ، وعلينا أن نُميز بين الكلام ، وما هو الناسب أن يقال في هذا اللقاء !!!

وهناك فرق بين أني أنم على إنسان بقصد سيء ، وبين أني أتكلم عن أخباره مع أحد يسألني عليه أو حتى حينما نسأل عن الأصدقاء ، فلا نأخذ الكلام بحرفيته في الموضوع يا جميل ، بل نأخذ روح الكلام !!!

يعني المقصود من كلامنا كله بأن الناس مش تجيب في سيرة الناس بشكل مقزز ، أو بهدف إننا نظهرهم بشكل سيء أو نستلذ بضعفاتهم أو نتحدث عن أسرارهم الخاصة التي نعرفها عنهم ، أو نجعل الحوار عن خطاياهم وزلاتهم ، وفي النهاية ننفر الناس منهم وننفر منهم أيضاً !!!

وبعدين يا جميل أحنا بنتكلم كمان على الثقافة وعقلية الناس ، من جهة الفراغ ، لأن ممكن الأحاديث تسري في اتجاهات أخرى حسب ثقافتنا ومعرفتنا ، فنتناقش في أمور أخرى ، ومش قصدي مع كبار السن البسطاء أو مع الأشخاص الذين ليس لهم نوع من أنواع الثقافة ، لأن كما قلت لكل تجمع أو لقاء لابد من الحكمة ، والحديث الذي يليق بالجلسة حسب حكمة كل شخص وثقافتة وقدرته على الحديث ...

ولابد من أن نختار أصدقاء لنا ينمونا ، وننميهم ونحيا في جو نفسي وصحي سليم ، ومكثر الأصحاب يخرب نفسه ، وايضاً هناك فرق بين صديق وزميل وصاحب ، والإنسان الذي يميز فطوباه لأنه سيربح كثيراً جداً ...

أقبل مني كل تقدير بمحبة ، النعمة معك

[elphilasouf]

ههههههههههههههههههههه
مهو الواحد فى الغالب هيكون اعد مع الناس دي
لان قليل ماتجد انسان روحياته عليا
متاح امامك

بس
جميل ع فكره اننا نتكلم ع الناس بصوره حلوه
بدل مانجيب كلام وحش عليهم
ان كنا كده كده هنجيب سيرتهم
ههههههههههههههههههههههههه هه

[aymonded]

ههههههههههههههههههههههههه ه
مهو أكيد هانجيب سيرة الناس في كل الأحوال
بس لما نجيبها بالمحبـــــة في عمق اتساعها
بتبقى السيرة حلوة وبتخلي الكل يحب الكل ، بس طبعاً لازم نذكر كل جانب إيجابي حقيقي وواقعي - دون أدعاء كاذب - في سيرة كل صديق أو أخ أو قريب ، فنعمل على أن الناس تحب هذا الجانب ، وبالتالي حينما يسمع الصديق أو الأخ أو الزميل أو القريب هذا الكلام يحاول جاهداً أن يقوي وينمي هذا الجزء الذي أعجب به الناس ، وبذلك نربح الجميع ونفرح ونقوي علاقتنا بالحب الصادق والعملي بطرق غير مباشرة مع الآخرين ...

أما أن حدث واضطررنا أن نذكر جانب سلبي غصب عنا ، أو لأسباب أنها واضحة للجميع ، لابد من أن نتعلم منه ، وأن نصلي من أجله ، طبعا مش هانقول لكل الناس أنها تصلي من اجله ، لأن فيه كثيرين لا يصلوا ولا يقبلوا الصلاة أصلاً ، بل نطلب أن الكل يعذره لأنه مسكين مش قادر يوصل للجانب الإيجابي والسوي !!!

النعمة معك يا أحلى أخ رائع جداً لينا كلنا

[bolalover]

عارفة يا ايمي يا ريت الناس بتكلم بالصح حتي الواحد مكنتش هتفرق معاه
لاكن كلام و غلط و اشعات دي الي بتوجع اوي بجد
ياريت الناس تبطل الداء ده الي فيها مش كلام و خلاص و بيتقال

سنكس ايمي علي موضوعك الجميل ده و الي مهم جدااا ف حياتنا

[miso]

انا عايزة اسال بس سؤال هو يعنى كل اللى بيبقو مع بعض بيجيبو فسيرة الناس
متهياقلى لا
فى ناس بتقعد تهزر وتضحك وفى ناس بتجيب فسيرة ناس بالخير
وفى ناس بتتكلم على ناس بكلام وحش
بس لو كل واحد حط فدماغه كما تدين سوف تدان متهياقلى الناس هتبطل شوية الكلام ده
لو هجيب فسيرة حد وحش انا بعقتد يبقى الصمت احسن او يقومو يمشو ومش يتجمعو من الاساس
وكفاية الشاى يتشرب وشكرا على كدة.

[aymonded]

صح يا أغلى ميسو
طبعاً مستحيل يكون كل الناس بتجيب سيرة الناس في كل لقاء
ده صعب ومستحيل ، ولكن نقدر نقول أن البعض هوايتهم الكلام عن الناس
ولكن طبعاً في معظم الحالات مش بيحصل كده ، والموضوع طبعاً مش للتعميم ، بل بنتكلم عن حالات خاصة وبخاصة في المجتمع المصري منتشرة عند البعض مش الكل طبعاً ...

أقبلي مني كل تقدير يا محبوبة الله

[Nana_English]

ميررسى على الموضوع الجميل ده
وفعلآ الفراغ والقلب الخالى من الحب والايمان والملىء بالشر ينتظر أى فرصة للحديث عن الأخرين بالسوء
ربنا يحفظنا وشكرآ ليكى يا قمر
God bless u

[mina_reda]

جامد اوى الموضوع

[ملكه الاحزان]

فعلا موضوع وحش اووووووي اننا نتكلام عن اي حد في غيابه وحاجه بتحملنا خطايه كتير اووي مرسي كتير علي الموضوع الحلو