[thered flower]

عايزة اعرف ايه رايكو فى اتنين بيحبو بعض بجد لدرجة كبيرة جدا وهى بالذات بتحبه اوى اوى اوى فوق ما تتخيله ومابتعرفش تخبى عنه اى حاجة بس فى حاجة واحدة ماينفعش انها تقولهاله او خايفة عشان حاسة انه هيبعد عنها بس الحكاية دى مالهاش اى ذنب فيها لكن تخصها وفى نفس الوقت قطعت كلام معاه مرة واحدة من غير ما يعرف السبب عشان خاطر هى مش قادرة تتكلم معاه وتخبى عليه تعمل ايه فهل تبعد من غير ما يعرف وخلاص رغم انها عارفة انه زعلان جدا وهى تعبانه جدا من الموضوع ده والا تصارحه وهو لو بيحبها هيقبل الموضوع ده والا ممكن هو يقبله واهله لا يقبلوها هى حاجة صعبة بس ياريت تردو بصراحة عشان الموضوع ده مهم جدا .

المصدر: †† ارثوذكس †† - من قسم: الموضوعات الشبابية

[M@@@NOOOO]

هو انا معرفش ايه السبب فى انك تبعدى بس هقولك رايى
اول حاجه لو بيحبك بجد هيتقبل الموقف خصوصا لما يعرف انك ملكيش يد فيه زى ماقولتى
ثانيا بالنسبه لاهله هو لو بيحبك هيعرف ياثر عليهم بطريقته وهيقنعهم وبجانب كل ده
لازم تصلى عشان ربنا يعمل اللى فيه الخير
تقبلى مرورى ورايى
وربنا معاكى

[sawsaw]

وانا كمان رائىى من راى مانو
بس فى حاجه لو هى حاجه ضروريه جدا وليها قيمه وهتتبنى عليها حجات بعدين يبقا لازم تقولو
احسن الصراحه اهم حاجه
ولو هو بيحبها هتكبر فى نظره ومش بعيد يحبها اكتر
ولو حاجه تخصها هى ممكن تقولو وهو مش لازم يقول لاهله كل حاجه
يعنى يبقى سر مابنهم
اما لو كانت عندها مشكله معينه ذى مرض مزمن صعب علاجه
لازم تقولو عشان متبقاش غشتو
وهو حر وليه القرار اذا كان يكمل معاها ولا يسبها
ولو كانت حاجه عاديه ومش هتاثر على علاقتهم
يبقى ملهوش لازمه الرغى فى حاجات ملهاش لازمه
ولو مشكله كانت زمان ودلوقتى خلصت يبقى خلاص
يبقى الى فات مات
وربنا معاكى ويباركك ويفرح قلبك
تقبلى مرورى
اختك سوسنه

[melanora]

اذا كانت حاجة ممكن تاثر علي علاقتهم بعد كدة لازم تقولو علشان متبقاش غشتو ولكن لو حاجة ملهاش اهمية اوي ممكن متقولهاش بس راي
ان الصراحة افضل الطرق

[Michael_Sabry]

انتى ليه بتحكمى على الموضوع انه ممكن يسيبك من قبل ماتشوفى رد فعله اولا انتى لازم تقوليله على الصراحه كلها وهو هيقدر الموقف اكييد لو انتى مالكيش زمب فعلا و لازم تعرفى ان طالاما هو حبك مش هيقدر يستغنى عنك وبالنسبه لعيلته هو ممكن يقدر يقنعهم ولو الموضوع مش واضح هو ممكن مايقلهمش اصلا بس انتى قوليله على الموضوع عشان هو ممكن يكون مضايق جدا جدا من بعدك المفاجء دى وخصوصا انه ذى مابتقولى بيحبك اوى و هو مش عارف في ايه بس شيلى من الحسبان موضوع انك تبعدى مره واحده و هو اكيد مستنى رد منك فى اقرب وقت واخيرا انا رائي مع رائى كل الناس الردت على الموضوع

[ايريني حشمت]

انا تقريبا مرت بنفس التجربه و هقولك علي حاجه الصراحه اهم حاجه اقوليلوه علي المشكله لو قدر يبقي بيحبك بجد و هقدر ياثر علي اهله لو عارضوا بس لو قالك لا و مقدرش ظروفك و مشاكلتك و قالك اهلي مش موافقين يبقي مش بيحبك بجد و مستحقيش ربنا يكون معاكي و يقف جابك و تفكري بعقلك كويس

[thered flower]

مرسيه يا احلى اعضاء فى احلى منتدى على المشاركات والردود الجميلة دى وربنا يعوض تعب محبتكم

[بنت الراعي]

بصي بقي الصراحه اهم شئ بس امتي الصراحه اما تكوني واثقه اوي فيه انه مش هايستخدم اسرارك استخدام سئ وزي ماقالو لك لو هو كويس وبيحبك هايتقبل اي حاجه
ربنا معاكي ويحافظ عليكي ويساعدك

[thered flower]

بصي بقي الصراحه اهم شئ بس امتي الصراحه اما تكوني واثقه اوي فيه انه مش هايستخدم اسرارك

ميرسي جدا على مشاركتك الجميلة دى وانا فعلا واثقة فيه جدا ربنا يعوض تعب محبتك

[بنت الراعي]

بصي اقولك علي حاجه كمان بما انه موضع ثقه بالنسبه ليكي
انتي ممكن تقولي له علي الحاجه دي بس اكنها مش عندك مثلا عند واحده من اصحابك
وشوفي رد فعله لو كان ايجابي قولي له ان الحاجه دي تخصك ولو كان سلبي مش عارفه انتي بقي اللي تحددي علي فكره انا مش بحردك ع الكذب لا بس علشان تعرفي رد فعله
وصلي كتييييييييير علشان ربنا يرشدك وربنا معاكي ويساعدك