[كراكيب]

اخي الشاب عاوز تتجوز ابعد عن البنت المتطفلة والمنفسنة والمعقدة واللي لابسة نضارة

عااااااوز تحب بلاش عاوز تحب طب عاوز تعرف بنت وبعدين تبقي تحبها بلاش دي ودي وقعت تحت ايدك شقة ايجار قديم وبتدور علي بنت الحلال وناوي تتخلي عن كلمة شاب بكل ماتحمله من معان يبقي انصحك تبعد عن الانواع دي من البنات
اولا البنت المتطفلة ودي هتلاقي كلامها كتير وكله طبعا هيبقي عنك فهتسالك اسئلة تبدا من هو عمو (اللي هو باباك) حب طنط (اللي هي مامتك) ازاي لغاية اخوك الصغير شال كام مادة التيرم ده ودي لو اتجوزتها فهتبقي حياتك عبارة عن ورقة اسئلة اجباري ولازم تجاوبها كلها
تاني نوع هو النوع المنفسن والبنت اللي من النوع ده تلاقيها وهي قاعدة جنبك عمالة تبص علي البنات اللي رايحة واللي جاية يمكن كمان اكتر منك انت شخصيا لكن طبعا انت بتبص من منظور وهي بتبص من منظور تاني هتلاقيها مثلا علقت علي طريقة كلامها او طريقة تسريحة شعرها او ان الكوتش بتاعها مش لايق علي البلوزة او انها رفيعة ودي لو اتجوزتها يبقي تضمن انك هتتخانق مع بنت خالتك اللي ياما بعتتلك مسج ع الموبايل او بنت الجيران اللي لسه مجلهاش العدل
النوع التالت المرفوض هو البنت المعقدة ودي عادة هتلاقيها مابتضحكش كتير وجايز كمان متلاقيش معاها موبايل تبعتلها عليه مسج واكيد هتسمع منها الجملة المشهورة (ماينفعش نتقابل ولا تمسك ايدي الا لما نتجوز) طبعا دي لو جازفت واتجوزتها اضمن لك تحديد النسل والشيخوخة المبكرة
اخر نوع من الانواع المرفوضة هو البنت اللي بتلبس نضارة ودي غالبا هتلاقيها خريجة صيدلة او طب او علوم او هندسة او شغالة في مجلس حقوق المراة ودي غالبا مش هتعرف تقولها ولا كلمة حب وطبعا ماتستناش منها اي كلمة من الكلام ده لان معظم كلامها هيكون (انه لجدير بالذكر او اخر الابحاث بتاكد او شفت امبارح برنامج الظل الاحمر) ودي طبعا لو هي رضيت واتجوزتها يبقي ماتحاولش تتباع مسلسل نور الشريف الرمضاني علي دريم او حتي روتانا سينما لكن ممكن قوي تتابع قناة الجزيرة والحرة
اخي الشاب لو لسه عندك نفس للجواز دور علي واحدة مافيهاش ولا صفة من دول لكن طبعا مش هتلاقي

المصدر: †† ارثوذكس †† - من قسم: الموضوعات الشبابية

[اللة يرعانى]

اولا شكرا ليك

بس ياترى اية هى موصفات البنت الى تعجبكو طلما كل دة وبتقول ابعد عن انواع البنات دى دايما بتظلو البنات كلما بنت كويسة ومحترمة لا يوجد بها اى عيب وشكرا ليك

[جوسى]

احم احم
ميدو انت زنيت على خراب عشك
مالهم البنات اللى لابسين نضارة يعنى ها
ما انا لابسه نضارة مش معنى كده انى معقده و بصراحه انا مش فيا اى حاجه من اللى قولتهم دووووووووووول
ابعد عن اللى لابسين نضارات احسنلك
ميرسى ليك يا جميل و ربنا معاك و يحافظ عليك و فعلا ايه مواصفات البنت اللى تعجبكوا
و فى انتظار المزيد

[minabobos]

اهم صفه ف البنت انها تكون قريبا من الكنيسه

وميرسى ع الموضوع

[jannis]

ربنا يخليك يا كراكيب وتكركبنا كمان وكمان صدقني انت ظالم البنات مش كل البنات وحش ومش كلهم بردوا حلوين زي ما فيه رجاله حلوين وفيه بردوا وحشين --- ويااااااااااااااااااااااا ااارب تقع مع حد مش من اللي قلت انت عليهم

[جوسى]

يارب يقع مع واحده معقده ولابسه نضارة
ههههههههههههههههههههههههه هههه

[Team Work®]

ههههههههههههههههههههههههه هههههه

لا تعليك يا كراكيب

[yasmin0]

موضوع جميل اوي ... بصراحه المنتدي كله جميل ... يسوع يحافظ عليكم ويبارككم ... وبعدين انا بلبس نضاره ياسي كراكيب ... اعمل فيك ايه انا دلوقتي ؟!! ...

[melanora]

ههههههههههههههههههههههههه ههههه

[قلب يسوع]

يااستاذ كراكيب اولا تحيه ليك على موضوعك
طبعا التحيه مش لانه حلو لا طبعا لكن لان انت تعبت وكتبت وشاركت واحنا لازم نثنى على تعبك
لكن صدقنى بامانه انت متحامل على البنات .. لانه دائما شخصيات الناس تتفاوت سواء فى الرجال او السيدات والكل له هفواته وعيوبه كما ان له ميزاته وايجابياته فليس احد كامل الا الله وحده
كما ان النظاره ليست قياس لنفسيه الفرد ربما هى من دواعى ضعف الابصار وليس كل من يلبسونها مثقفين
ولو وجد المثقف الذى يرتدى نظاره ليس بالضروره ان يكون فكره هكذا حتى وان اثرت عليه كثرة القراءات
وعموما ليس بالضروره ان كل الذين يقراءون كثيرا يرتدونها
انا عايز اقولك ان موضوع الاعتدال ف التفكير ومدى تواضع الفرد ووجوب وجود ايجابيات وميزات تحسب له فى حياته هو فى المقام الاول يرتبط بمدى تمسكه بالهه وارتباطه به ارتباطا ليس شفاهيا ولكن بالعمل وليس بالقول فقط ..بمدى محبتك لالهك وتمسكك به ونظرك لحياته على الارض وتمثلك به فقد كان ربنا يسوع
يجول يصنع خيرا ليس له اين يسند راسه يقول عنه الكتاب هكذا .. ان للكلاب اوجره ولطيور السماء اوكار اما ابن الانسان فليس له اين يسند راسه.. وكان يقضى الليل كله مصليا على جبل الزيتون
عاش الرب على الارض يعطى ويصنع الخير للجميع غير معطيا لنفسه ولا لجسده راحه فى اتعاب واسفار وكرازه وتبشيربه هوا نفسه مخلصا وابا حانيا يصنع الخير للجميع دون مقابل
اذا فعلنا كسيدنا وتمثلنا به هو قادر ان يصلح كل ضعف وكل وهن وكل ضيق داخلنا فاطلبوا من الفخارى الاعظم ان يزيل ويصلح كل ضعف وعجز فى نفوسنا .. وهوا يقول هكذا تعلموا منى لانى وديع ومتواضع القلب ..فهوا الاروع جمالا من بنى البشر
ليكن الرب مع جميعنا