[Shosei]

المشاركة الأصلية كتبت بواسطة شريف منصور الاحباء اعضاء المنتدي سلام الرب معكم جميعا انا اسمي شريف منصور مهندس وكاتب قبطي ومقيم في كندا . استوقفني موضوع هل الشباب اصبح لدية هدف ؟ والتعليق الخاص بموضوع ان البلد مقفولة قوي ولو تفكر في عمل مشروع تلاقي واحد تاني جة وفتح جنبك نفس المشروع. الموضوع له خلفيات كثيرة والخوض فية لا يحتمل رسالة واحدة. ولكن افزعني كلمة جاءت في الطرح الاخير وهي ان مفيش حاجة سهلة. وهذه الجملة في حد ذاتها هي التي استوقفتني لكي اؤكد لكم ان فعلا مفيش حاجة تستاهل وستكون حاجة مفيدة وحتكون سهلة. الطريق السهل مملوء بالمنافسين الكسالي . و الطريق الصعب يوجد به القليل و الفرصه اكبر فية . لو كل مشروع سهل ما كنش حد غلب يا شباب. ولو فية مليون مشروع جنب بعض بيقدموا نفس الشيء ، الفارق حيكون في الخدمة ومعاملة الزبون . لو كانت السلعة هي هي و السعر هو هو ... حتشتريها من اللي بيعاملك احسن ومكانة انضف و عندة ذوق . حتي لو كنت غالي شوية الناس بتحس بالفرق . لو كنت عاوز تكون لكل الناس يبقي بتضيع وقتك. لازم تختار زباينك الزبون ايضا من اختيار صاحب العمل. ان كانت اسعارك رخيصة ومحلك مش نضيف يبقي حتلاقي زباينك زي دكانك ولو كان دكانك نظيف ومعاملتك كويسة واسعارك معتدلة و الجودة مرتفعة ستجد زباينك محترمين ومعاملتهم كويسة و سيشترون سلعتك. الهدف في الحياة شيء لا تجدة وانت ماشي علي الرصيف او علي شاطئ البحر ؟ الهدف فكرة و تحقيقها يحتاج الي بحث و تفكير واصرار و عدم الرجوع عن الطريق مهما كلفك الامر ، و الاقتناع ان نسبة الفشل تساوي نسبة النجاح. و ان لم تتعلم من الفشل لن تذوق طعم النجاح. الاعتماد علي الصلاة في تقوية الارادة ولا تعتمد علي الصلاة لكي تكمل نواقصك المتعمدة . من الكسل و عدم الاهتمام او السطحية في البحث عن طرق تحقيق الهدف. عندما يجتمع العديد من اصحاب نفس المهنة او المشروع في مكان واحد يخلقون فرص عمل ونجاح لبعضهم البعض اكثر واكثر . لانهم يخلقون ما يسمي بالسوق . فلا تقلق من وجود 10 مشاريع مشابهة بجوارك لان مهما كانوا متشابهين تماما . فلا يمكن ان يكون فيهم شخصك . انني اكون سعيد جدا ان ارسل لي احدكم يستشيرني في في اي موضوع او مشروع . انا عندي مجموعة اسمها الاقباط حول العالم ادعوكم للاشتراك فيها . مجموعتنا سياسية اجتماعية تضم حوالي 9000 عضو من جميع انحاء العالم copts-in-the-world+subscribe@googlegroups.com

يمكن لو جوا مصر هتعرف معنى الكلام اللى بنقوله لو تنزل وتلاقى كمية الشباب اللى على الاقهاوى ولا فى الكافى شوب وكل متمشى تلاقى المناظر دى ولما تكلم حد اجمعلى شغل وانا اشتغل دا بلا هدف لانو متعلمش يعنى ايه هدف يمكن لانى فى سن المراهقة ملقيش حد يعلمه ايه معنى الهدف ايه معنى انى اجرى وراه يجماعة كلكم بتردو انى هدفنا الرب يسوع كلنا دا هدفنا الاول والاخر بس مش معقول عايش بلا هدف يعنى كل مرحلة ليها هدف احنا وفى ثانوى هدفنا نخلص ثانوى وندخل كلية معينة وبعد الكلية نخلصها نكون نفسنا نتجوز او ندور على شغل حكومة يمكن الاجيال اللى قبلنا كانو ابسط من كدا اتخرجو اتوظفو علطول مش زينا ايامنا اللى ميعلم بيها الا ربنا دى تحقيق الهدف مش سهل بس محتاج شوية مرونة يعنى انا مثلا كلية تجارة مش لازم ابقى محاسب فى اكبر شركة ممكن محاسب بسيط وبعدين اكبر واحده واحده
ولازم اعرف امكنياتى اعرف مواهبى دا هيساعدنى كتير وفى الاول والاخر لازم احط مشيئة الرب طبعا كانت نقطة حوار وفيصل بين ابونا وبين اتنين شباب اعرف ذاتى الاول ولا احط مشئة ربنا ابونا قال نحط الخمس خبزات يعنى نعرف امكانياتنا ومواهينا بعدين ربنا يشتغل
سليمان الحكيم اللى عاش الدنيا بطوزل والعرض وقال باطل الاباطيل الكل باطل ولا منفعة تحت الشمس فى سفر الجامعة قال كدا

13 فلنسمع ختام الامر كله اتق الله و احفظ وصاياه لان هذا هو الانسان كله

وقال كمان انى ربنا مدبر خطة لحياة كل واحد

كَمَا أَنَّكَ لَسْتَ تَعْلَمُ مَا هِيَ طَرِيقُ الرِّيحِ، وَلاَ كَيْفَ الْعِظَامُ فِي بَطْنِ الْحُبْلَى، كَذلِكَ لاَ تَعْلَمُ أَعْمَالَ اللهِ الَّذِي يَصْنَعُ الْجَمِيعَ.

[Shosei]

المشاركة الأصلية كتبت بواسطة booo بجد موضوع جميل جداااااااااااا بس لازم الاول نقول ايه هو الهدف قبل مانقول احنا هانعرف تحققه ولا لأ ومن وجهة نظرى المتواضعه والبسيطه جدا (ان هدف كل مسيحى حب الله والوصول الى الملكوت للتمتع مع الله فى فردوس النعيم) وده اللى قاله السيد الميسح" اطلبوا اولا ملكوت الله وبره وكل هذا تزاد لكم" يعنى خلاصه الكلام لو عرفنا ربنا صح وحبنا وخلناه هو الهدف بتعنا يبقى اختارنا ك اهداف حياتنا بحلها كمان تخيلوا (لانه هو الطريق والحق والحياه)اى الطريق.....اللى بنمشى فيه ناحيه الهدف الحق....اى هو اللى فاديه تحقيق كل الاهداف الحياه..... هو ايضا مدبر كل حاجه محتاجنها فى الحياه اسف لو كنت طولت عليكوا

يعنى هلخص كلامك كلو فى ايه سليمان

فلنسمع ختام الامر كله اتق الله و احفظ وصاياه لان هذا هو الانسان كله

[adelgr]

موضوع جميل جدا . بلاش ياجمعه الاحباط والياس اللى اخره الفشل البيت او العماره او البرج بدايتها طوبه بس كل واحد على حسب مقدرته وامكانيته ومنين يبدا يعنى النجاج الكبير ما الا انه مزيد من عده نجاح لازم نعرف احنا بنحب ايه وايه اللى ممكن نجح فى المشكله ان مجتمعنا الان بدور على ما هو نجاح سريع فا للاسف بينتى بسرعه لكن لو كل منا نظر حوله يلاقى اللى مستمر هو اللى بدا من فتره طويله ومكن يكون الاب كمان اللى بدا مش هو . ومش عيب اجرب وافشل لكن لازم ابدا تانى واتعمل من فشلى والافضل ان اتعمل من الاخريين الناجحين واتعلم من التجار الى مره بكل واحد علشان اوفر وقت . وبعديين غحنا مشكلتنا ان كل اهدافنا تجاريه وماديه ففى اللى بينجح لان يقدر عنده ما يوهله لهذا وفى اللى بيفشل لان عايز كده لكن عندى امكانيه اخره ونجاح فى مجال تانى خالص لازم نعرف ان النجاح مش شرط اكون مليونير لكن النجاح ان افيد ويكون ليا بصمه فى الحياه مش مجرد انسان اتولد وانسان مات وانتهى ربنا يعطينا النعمه ويرشدنا ونور اعيننا على ما يميزنا حت نسدخمه كما يليق لتمجيد اسم الرب امين

[emmmy]

تحديد الهدف هو الخطوة الاولى من نجاح الهدف زى ما قالت بعض الاراء
لو احنا حددنا هدفنا وركزنا فية بكل اصرار مهما كانت متاعب الطريق
وصعوبة الوصول للهدف هنحقق الهدف لكن مشكلتنا اننا بنفضل ماشيين ومش عارفين احنا عايزين اية بالظبط وللاسف كتير بنستلم للاحباط والضعف ومش بنكون عندنا حماس وعزيمة ودة بيفقدنا رؤية الطريق لاننا بنكون سلبيين مش ايجابيين

[adelgr]

معلش ياجماعه ممكن اشترك تانى اصل الموضوع مهم جدا ليا ولكل شاب واحب اعرف اذا كان تفكرى صح او لاء.
انا شاب 28 سنه تعليم متوسط وليس جامعى لان اخترت مجال العمل مع العلم ان الفرصه للتعليم العالى كانت متوفره لكن انا فضلت على حد تفكيرى لقيت ان بحب تصليح الاجهزه الكهرومنزليه فا اخترت المجال اللى بحبه وحاليا اعمل فى مجال التبريد والتكيف الهواء ليس مهندس او مشرف بل فنى والحمد لله حاليا اعمل بشركه والغريب انها شركه اتصالات وفنى ايضا لكن زيد بعض المجالات بجانب المجال اللى انا بحبه مع العلم انه تصليح ايضا بس فى ما يخص المجال اللى انا فى انا اسف انى كترت فى الكلام .
وجهت بعض المشاكل وهى فى لاول التميز احنا مشكلتنا اننا كل اب بيحب ابنه حاجه من اتنين يا دكتور يا مهندس لكن نعرف هو يحب ايه او ميوله ايه لاء بنغرز مفهيم غريبه فى مجتمعنا وتانى حاجه احترامنا لاى شخص مختلف بيكون اقل مما يكون لذلك اكتر الشباب على حسب المجتمع بتحب التعليم العالى باى شكل ان كان ده كويس انا غير مخالف للراى لكن اتعلم تعليم عالى فرض . مثلا كليه تجاره واكتشف انى غير موءهل وميولى مختلفه واجى اشتغل فى حاجه اقل الاقى نظره المجتمع وكان غير مرغوب فيا .
والمشكله الاكبر اننا فى مجتمعنا وكاننا بنحارب كل ما هو ناجح منا بمعنى الانسان الناجح نحربه ونضيق عليه كل باب والانسان الفاشل ياخذ منا كل تعاطف يعنى الشجره المثمره نحدفها بالطوب لحد ما تموت بدل ما ننميها ونساعدها على اكثر . والشجره الغير مثمره نتركها ولا نحاول حتى علاجها .
اعتقد ان هذا سبب من عده اسباب للمشاكل التى نواجها ليه كل انسان متعلم اى كان تعليمه وما توفقش فى سوق العمل ينتظر الفرصه على القهوه هل القهوه ها توهلك اعتقد لاء لازم انمى هدفى بمعنى ان لو حابب اشتغل بمجال محاسب مثلا ايه المطلوب منى حتى اكون متميز وعندى الاولويه لهذا المجال يعنى تقويه فى الغه الكمبيوتر وهكذا لكن ما كل عام بيتخرج الوف من كل مجال لكن فى اشخاص متميزه اعتقد ان الاشخاص ديه مش ممكن تكون على القهوه بعد التخرج .
لازم اولا نعرف هدفنا وما العوامل التى تساعد على تحقيق الهدف اتمنى ان اكون ساهمت ولو بكلمه بسيطه تفيد والرب معنا فا من علينا ربنا يقدر كل من على تحقيق هدفه امين

[Shosei]

المشاركة الأصلية كتبت بواسطة adelgr معلش ياجماعه ممكن اشترك تانى اصل الموضوع مهم جدا ليا ولكل شاب واحب اعرف اذا كان تفكرى صح او لاء. انا شاب 28 سنه تعليم متوسط وليس جامعى لان اخترت مجال العمل مع العلم ان الفرصه للتعليم العالى كانت متوفره لكن انا فضلت على حد تفكيرى لقيت ان بحب تصليح الاجهزه الكهرومنزليه فا اخترت المجال اللى بحبه وحاليا اعمل فى مجال التبريد والتكيف الهواء ليس مهندس او مشرف بل فنى والحمد لله حاليا اعمل بشركه والغريب انها شركه اتصالات وفنى ايضا لكن زيد بعض المجالات بجانب المجال اللى انا بحبه مع العلم انه تصليح ايضا بس فى ما يخص المجال اللى انا فى انا اسف انى كترت فى الكلام . وجهت بعض المشاكل وهى فى لاول التميز احنا مشكلتنا اننا كل اب بيحب ابنه حاجه من اتنين يا دكتور يا مهندس لكن نعرف هو يحب ايه او ميوله ايه لاء بنغرز مفهيم غريبه فى مجتمعنا وتانى حاجه احترامنا لاى شخص مختلف بيكون اقل مما يكون لذلك اكتر الشباب على حسب المجتمع بتحب التعليم العالى باى شكل ان كان ده كويس انا غير مخالف للراى لكن اتعلم تعليم عالى فرض . مثلا كليه تجاره واكتشف انى غير موءهل وميولى مختلفه واجى اشتغل فى حاجه اقل الاقى نظره المجتمع وكان غير مرغوب فيا . والمشكله الاكبر اننا فى مجتمعنا وكاننا بنحارب كل ما هو ناجح منا بمعنى الانسان الناجح نحربه ونضيق عليه كل باب والانسان الفاشل ياخذ منا كل تعاطف يعنى الشجره المثمره نحدفها بالطوب لحد ما تموت بدل ما ننميها ونساعدها على اكثر . والشجره الغير مثمره نتركها ولا نحاول حتى علاجها . اعتقد ان هذا سبب من عده اسباب للمشاكل التى نواجها ليه كل انسان متعلم اى كان تعليمه وما توفقش فى سوق العمل ينتظر الفرصه على القهوه هل القهوه ها توهلك اعتقد لاء لازم انمى هدفى بمعنى ان لو حابب اشتغل بمجال محاسب مثلا ايه المطلوب منى حتى اكون متميز وعندى الاولويه لهذا المجال يعنى تقويه فى الغه الكمبيوتر وهكذا لكن ما كل عام بيتخرج الوف من كل مجال لكن فى اشخاص متميزه اعتقد ان الاشخاص ديه مش ممكن تكون على القهوه بعد التخرج . لازم اولا نعرف هدفنا وما العوامل التى تساعد على تحقيق الهدف اتمنى ان اكون ساهمت ولو بكلمه بسيطه تفيد والرب معنا فا من علينا ربنا يقدر كل من على تحقيق هدفه امين

برافو عليك د اللى عاوز اقوله اننا نكون مرنين شوية بمعنى انى مش لازم اشتغل بدراستى لانى بصراحة كاقباط وكمان اقلية فى مصر مش كتير بيشتغل فى اى وظيفة حكومية وكلنا عارفين دا المهم اننا نحاول على قد منقدر ندور على هدفنا منستناش الوظيفة الحكومية هيبقى هنستناها كتير اوى لو كل واحد كان عنده مرونة واشتغل فى حاجة بيحبها او حتى مش بيحبها عشلن توصله لهدفة هيبقى حلو اوى

[Shosei]

المشاركة الأصلية كتبت بواسطة emmmy تحديد الهدف هو الخطوة الاولى من نجاح الهدف زى ما قالت بعض الاراء لو احنا حددنا هدفنا وركزنا فية بكل اصرار مهما كانت متاعب الطريق وصعوبة الوصول للهدف هنحقق الهدف لكن مشكلتنا اننا بنفضل ماشيين ومش عارفين احنا عايزين اية بالظبط وللاسف كتير بنستلم للاحباط والضعف ومش بنكون عندنا حماس وعزيمة ودة بيفقدنا رؤية الطريق لاننا بنكون سلبيين مش ايجابيين

صح عندك حق

[شريف منصور]

انا فعلا عايش خارج مصر ولكني عايش يقلبي في مصر وعارف المشكلة التي تواجة الشباب.
التعليم او الشهادة الجامعية مجرد اساس نبني علية ، ولكن في مصر الشهادة هي الهدف الاول . وبالتالي بعد تحقيق الهدف الاول يصبح هذا الهدف هو الهدف الاخير.
من يخجل من العمل مهما كان يستحسن انه يدفن نفسة من الان.
قبل ان يعرف الشباب العمل في خارج مصر اثناء الاجازات ، كانت هناك مهن معينة تستهويني . من ضمنها ميكانيكا السيارات. ومع ان هذة المهنة من المهن المطلوبة جدا نجد الشباب يبعد عنها .
بين السنة الاولي ثانوي و ثانية ثانوي في الاجازة الصيفية قررت ان اتعلم ميكانيا السيارات علي يد احسن ميكانيكي في مصر الجديدة . وكان هذا الميكانيكي يسمي بالاطرش. لانه لم يكن يسمع ولكنه كان يتكلم بصعوبة ، ومع هذا كان من افضل الميكانيكية في هذا الوقت.
ذهبت الية اطلب العمل كصبي ميكانيكي !! نظر الي وقال انت شكلك ابن ناس ومش حتنفع في الشغلانة دي ؟ فقلت له أنا لي مزاج اني اتعلم . فقال طيب تحب تتعلم اية في ميكانيا السيارات؟ فقلت له يعني تخصص فقال ايوة ؟ فقلت له انا سمعت انك افضل ميكيانيكي تصليح الكاربيرتير !! فقال نعم ولكن ممن سمعت هذا ؟ فقلت له من الدكتور فلان زميل و الدي في الجامعة ؟ فقال لي يعني ابوك دكتور في الجامعة وعاوز تشتغل ميكانيكي عندي ؟ فقلت له نعم وما هو العيب في هذا ؟ فقال انت حر بس لازم تقول لولدك الاول ؟ وفعلا ذهبت لولدي الله يرحمة وطلبت منه ان يوافق علي هذا؟ فقال لي ما هو الهدف من هذا ؟ فقلت له افضل شيء ان اجرب الشيء قبل ان اكملة بالدراسة حتي اعرف ان كانت هذه الوظيفة ستستهويني. فوافق وعملت مع الاسطي الاطرش 3 صيفيات متوالية حتي اتقنت تصليح الكاربيرتير وهذا كان قمة الميكانيا في ذلك الوقت . الاستفادة الغير مباشرة انني تعلمت التواضع و معاملة الزبائن و تعلمت كيف احترم المهنيين و كيف ان عالمهم مختلف عن عالم اصحاب الوظائف . وكيف ان عالمهم اكثر انضباطا عن عالم الموظفين لان مصالح الناس تتعطل لو لم يقوموا بواجبهم بسرعة وحياة الناس تتعرض للخطر لو لم يقوموا بالوظيفة بكل دقة. هذا كان زمان الوضع تغير حاليا لان السائد هو الاهمال في كل شيء.
سافرت للعمل في اوربا في الصيفية وكانت فرص العمل قليلة جدا ولكن معرفتي بميكانيكا الكاربيرتير اتاحت لي العمل في جراج في العاصمة الانجليزية. و تعلمت وتعلمت وصرت من متخصصين تصليح الكاربيرتير. لم اعمل في المهنة بعد تخرجي من الجامعة لانني كنت من اول من تخصص في الحاسبات الاليكترونية وكانت تحتاج لخبرة اكثر منها ميكانيكية عن خبرة اليكترونية نتيجة لطبيعة الكمبيوترات في ذلك الوقت. وهكذا العمل في جراج الاسطي الاطرش فتحت مجالات اخري امامي .
الشهادة بدون خبرة لا قيمة لها و الخبرة بلا علم تقف بصاحب الخبرة عند حد معين لا يتخطاه ابدا . وهذا يذكرنا ( الايمان بلاعمل و العمل بلاأيمان كلاهما ميت) .
العزيز الاخ الذي قال ان الاباء ينحازون للمتعلمين اؤكد له ان من يفعل هذا هو السبب في مشكلة الشباب الجالس علي المقاهي ينتظر العمل .
الطيور تقذف بأفراخها من فوق الاشجار حتي يتعلموا الطيران و الطريقة المصرية في تربية الشباب تجعل منهم شباب بلا سواعد او همه او طموح. ينقلون الخوف من العمل الخاص من جيل الي جيل و يبتعدون بالشباب عن روح المغامرة و الابتكار.أما عن الايمان و الملكوت وهو يجب ان يكون هدفنا الاول في الحياة هذا شيء حقيقي وبلا شك هو شغلنا جميعا الشاغل. المهم يا اخوتي ان نتعلم ان الانسان في طريقة الي الملكوت يحيا علي الارض وجياتة علي الارض يجب ان تكون مثمرة ثمر يمجدون به اسم الاب . فكيف يمجد اسم الاب في الارض لو كنا دراويش متواكلين ؟ الايمان و الحياة المسيحية تجعلنا نتقن ما نقوم به وهي دائرة متصلة لا بداية لها ولا نهاية . الايمان اولا ام العمل العمل اولا ام الايمان. العمل بأيمان و الايمان بالعمل شيء واحد لا يتجزاء.
اذكروني في صلاوتكم يا اخوتي الاحباب . الرب يبارككم ويبارك خطواتكم وينير عقولكم ويعضدد اعمالكم بأسمة القدوس.

[parthenos]

هل فعلا فى هدف لينا فى الحياة ؟
مش كل الشباب ... اكترهم زى كل الناس اشتغل واتجوز واجيب عيال وخلاص ... ولو واحد اتاخر شويه فى حاجه من دوول وحقق نجاح فى حاجه تانيه المجتمع بيبص له انه قليل البخت وفاشل

هل تحقيق الهدف سهل ؟
لا طبعا

هل كل انسان ليه هدف ؟
الصح يكون لكل انسان هدف ... ولو ماكنش كده يبقى فى حاجه غلط

وكيفية تحقيق الهدف ؟
اعمل كل اللى اقدر عليه واقول يارب بارك زى ماباركت الخمس خبزات و السمكتين

وايه الامكانيات اللى تساعدنى فى تحقيق هدفى ؟
كل الظروف اللى ربنا بيحطها فى طريقى وانا يمكن اعتبرها انها حاجه عاديه من حقى ومش واخد بالى ان فيه ناس كتير بتتمنى اللى ربنا مديهولى ده

ورفض اللى حواليا من هدف او حلم ليه رده بيكون ازاى
بيكون بالتحطيم يعنى ... لازمته ايه اللى بتعمله ده... شوف ابن فلان عمل ايه ... انت بتضيع وقتك وعمرك على الفاضى... انت مش فاهم مصلحتك

بس ضياع هدف ليك بيكون رد فعلك ايه ؟
اكيد بازعل ... وافضل اسال ربنا والقديسين ليه ماوقفتوش معايا... بس بعديها بفتره باعرف ان اللى بيعمله ربنا مافيش احسن منه... وباقول ... اشكرك يارب انت بتخاف على مستقبلى اكتر من نفسى... واشوف المجال الجديد اللى مفتوح قدامى وابذل اقصى مجهود فيه يبقى ربنا عاوز منى ده دلوقتى

كلمه اخيره
هدفنا نعيش مع ربنا فى الابديه
واى عمل بنعمله على الارض هو لتمجيد اسم ربنا ونكون ملح للارض ونور للعالم

شكرا على موضوع النقاش الجميل ... اعتذر على الاطاله

[farah012]

على فكرة الموضوع دة جامد جدا بس انا عندى سوال ان ليسة مخلص كلية ودخلت الجيش هل دة صح انا مش عارف اعمل اية ممكن حد يرد علية فى الموضوع دة انا ملكتش فرسة انى اشغل بعض ما خلص كلية