[سالومي 92]

سلام ونعمة

أرجوكوا اللي يقرا يرد عليا لأنه ممكن بل أكيد إن ربنا يبعت لي تعزية على لسان أي حد منكم
أنا وأصحابي في ثالثة ثانوي
بجد تعبنا قوي خصوصا إن مجامعنا السنة اللي فاتت كانت مش كويسة قوي وكل واحد طلع له درجات كتير بأمانة فعلا في ناس وبدون مبالغة طلع لها حوالي عشرين درجة في مادة ودول ناس صحابي وقريبين مني قوي إحنا اتظلمنا في التصحيح بسبب حركة تسريب الأمتحانات اللي حصلت (إحنا من المنيا وكل ورق المنيا دخل لجنة خاصة في التصحيح) حاجة صعبة جدا إن كلنا نتظلم ونتحمل غلطة هي مش غلطتنا اصلا وتطلع علينا سمعة وحشة جدا ودلوقتي وفعلا ومن غير مبالغة كل واحد فينا بيتحارب بشكل غير عادي ومعظمنا عيان فعلا وبشكل غريب ومفاجئ حتي أنا مابقتش قادرة أذاكر وتعبت وزهقت وقرفت وانا عارفة إن ده غلط لأن دي ورزنة ربنا إداها لينا بس بجد إحنا مش عارفين نعمل إيه حتى أخواتي اللي جابوا درجات كويسة السنة اللي فاتت ونجيوا من الحكاية دي تعبانين قوي وبيقولوا مش هانجيب زي السنة اللي فاتت وأدينا في أسبوع الألام ومعظمنا مش هايقدر يركز علشان الصلوات والعيد وبعد أتنين شم النسيم هانبقى تقريبا في يوم 21-4-2009 وإحنا إمتحاناتنا 13-6-2009 يعني مافيش وقت
انا فعلا أسفة إني برغي كتير كدة بس فعلا إحنا كلنا ولاد وبنات في الكنيسة عندنا تعبانين جدا ومتعبين الخدام والبيت معانا إحنا فعلا في حرب شديدة وحاجة غريبة كل شوية تطلع لكل واحد من أصحابي مشكلة شكل في البيت بقى ولا في الكنيسة المهم بتمسك في واحد مننا علشان الشيطان يشغله بيها لكن إحنا بنحاول على قدر الأمكان مانركزش فيها
أنا فعلا تعبت كلنا تعبنا تعبنا من كتر البكى والتفكير ولازم ولاد ربنا يبقوا متفوقين بس يظهر إن إحنا تعبناه معانا أرجوكوا فعلا أذكرونا في صلواتكم كلنا لأن فعلا مستقبلنا متحدد على الكام يوم دول (وأنا عارفة كويس إن مستقبلنا مش هنا مش على الأرض ويمكن هي دي النقطة اللي بتصبرني شوية لما بفكر فيها بس كل الناس بيقولوا ده مويس لكن ركزوا برضه في واجبتكم الأرضية اللي إحنا تعبانين منها ومش قادرين عليها)
أنا بجد أسفة دوشتكم بمشكلتنا بس إحنا كلنا إخوات في ربنا وانا واثقة إنكم هاتذكروا إخواتكم في صلاتكم ودي أمانة أرجوكم أذكرونا في صلاتكم

وارجوا الرد

المصدر: †† ارثوذكس †† - من قسم: الصلوات وطلبات الصلاة

[Team Work®]

ربنا موجود مش تقلقى صدقونى خير واللى جاى هايكون افضل من اللى فات بأذن ربنا

[esshak]

تاكدى اننا لنا خيرا فى هذه الدينا ومكتوب لنا الفردوس بعد الانتقال وتاملى قوه السيد المسيح وربنا يحقق ليكى كل امالك

[karim]

احنا في اسبوع الألام زز أكيد ربنا ح يعمل الكويس ليكم كلكم زز بس كونوا متأكدين من ده.. بركة و شفاعة العدرا و البابا كيرلس و مار جرجس و ابوسيفين يكونوا معكم

[samerco75]

شوف يا جميل
طالما انتى بتعملى اللى عليكى خلاص سيبى الباقى فى يد ربنا
ولا انتى مش واثقة انه يقدر يعمل اللى فى مصلحتك؟
بيقول ليس الغارس ولا الساقى شيئا بل الله هو الذى ينمى
ثقى ان الله معاكى انتى ابنته والمجهود اللى بتبذليه عنده حاجة كبيرة لا تخافى
ربنا يفرح قلبك ويملى قلبك ايمان ويحميك
امين

[miro_rook]

هاي سالومي
سلام المسيح معكي عاوزك متخافيش انا لما كنت في الثانويه مريت بالي انتي في 2 ثانوي انا مجبتش مجموع لكن اتكلت علي ربنا في 3 ثانوي كنت زيك بتعب وبخاف وكان يجي شم النسيم كنت اترعب بس كنت بحط همي في المذكره وانا واثق ان ربنا موجود وفعلا خلاصت والمجموع اتظبط و دخلت كليه كويسه -مش عاوز اطول اكتر من كدا بس صدقيني انا في كليه هندسه رغم انا كان مجموعي صغير في 2 ثانوي-

ربنا موجود وكل الاشياء تعمل في الخير
هرمي كل تكلي عليك وعلي كلامك هرمي الشبكه

ذكري وثقي ربنا عليه الباقي
اسف علي الاطاله

[سالومي 92]

أنا فعلا متشكرة جدا لكلامكم المشجع
team work و karmin و samerco وأستاذ أسحق و وعلى فكرة مش أنا في اول الموضوع قلت ربنا هايبعت رسالة في رد أي حد من اللي هايردوا وأهي جاتلي من تشجيعكوا الجميل لي وأحب اقولك يا miro إني في رياضة 2 فصلي لي علشان أحصلك وعلشان مايحصلش في رياضة 2 للي حصل السنة اللي فاتت
بجد شكرا علي تشجيعكم لي وكل سنة وأنتوا طيبيين
وأذكروني في صلاتكم

[miro_rook]

ربنا معكي انشاء الله تتفوقي

[ELMAGEK]

بكرة تجيبى مجموع كبييييييييييييييييييييييي يييييييييييييير
قد الدنيا كلها وترجعى تشوفى الموضوع دا وتضحكى علية
لان ربنا مش بيضيع اجر حد تعب وعن تجربة ربنا معاكى
ويساعدك ويوفقك وهتيبج مجموووع كبيييييير اووووى
وهتخش الكلية الى انتى عايزاها وهترجع تقولى فادى
قال ربنا معاكى
وشد حيلك وهتجيبى اعلى الدرجات صدقينى

[elphilasouf]

الموضوع كله وهم انتى عايشه فيه بس
مفيش مشاكل ولا حاجه المشكله الكبيره ان الشيطان او انتى تعيشى نفسك فى وهم ان العالم كله ضددك او العالم كله مشاكل مش عاوزه تخليكى تعرفى تذكري
ادخلى اوضتك واقفلى بابا وابتدي بالصلاه واغسلى وشك كده وكونى مركزه
واقعدي كام دقيقه كده تبصى لمنظر طبيعى حلو
وبعد كده ابتدي زكري بكل هدوء واطلبى معونه ربنا
بس
صلوات العدرا والقديسين
وبركه الايام المقدسه تكون معاكى
اذكرينا فى صلواتك