[elphilasouf]

باقى الموضوع الاول لو مكنش حد شافه
https://www.orsozox.com/forums/f35/t27852/

وهى كمان طريقه جميل لكسب حب الناس

هنكمل الخمس سلبيات
2-المقارنه
فى ناس معينين ديما يحبوا يقارنوا نفسهم بالناس التانيه
يعنى مثلا واحد عنده عربيه محندقه كده وبص لواحد جاره عنده عربيه فخمه وبالتى هو كده قارن بين مميزات الاخر وعيوبه هو وبالتالى هيتعقد اكتر

لان لكل واحد فينا مميز فى حاجات معينه وفى عنده مشاكل وفشل فى حاجات معينه لما اقارن بين الحاجات الى انا فاشل فيها والحاجات الى غيري نجاح فيها اكيد هيكون نتيجه تضرنى مهما كانت وحتى المقارنه بين فشلى وفشل غيري مش هيكون مفيد ليا ديما

والاحسن من مقارنه نفسك بالاخر هو انك تقارن بين حاضرك وماضيك وتشوف الامور الى انت قدرت تحققها والامور الى فشلت فيها وفشلت فيها ليه ؟!...تقارن بين ماضيك وحاضرك وتتعلم من اخطأئك الى فاتت كده هيكون طريقك ديما لقدام.

3-العيش فى الماضي
بيستفذنى جدا لما نقعد نقول اجددنا المصرين واثار اجددنا والى عملوه والى سووه والغرب دول احنا الى علمناهم ومش عارف ايه واحنا اول الحضارات وكده هنقعد طول عمرنا نقول اجددنا عملوا اجددنا عملوا طب واحنا عملنا ايه ؟!!

الاحسن من اننا نقول اجددنا عملوا ونعيش نفتكر امجاد الماضى واد ايه احنا كنا ملوك وحكمين العالم والكلام ده ..اننا نحاول نعرف ايه الى غيرنا وخلى حالنا اتغير من الاحسن للاوحش ونتعلم من الاخطاء دي

فبدل من انك تعيش لتتذكر امجاد الماضي ان تحاول ان تتعلم من اخطاء الماضي وتعمل وتسعى لمجد المستقبل

4-النقد
من قوانيين المنتدي عدم توجيه نقد حاد لعضو معين ، لايمان اداريين ارثوذكس ان النقد بيولد الحساسيه بين الناس وبيسيب مكان لضيق او الاشمئزاز من الانسان الناقد

-والنقد نوعين
النقد الهدام
نوع ضار ومدمر هو انى انقد لمجرد انى شايف حاجه غلط
شايف انسان صوته وحش وبيرنم فى الكنيسه
هقوله ع طول : بس يابنى صوتك وحش كفايا

النقد البناء
ونوع مهم ومفيد جدا وهو النقد البناء
هو النقد الى بيكون فى شكل مديح ونصيحه

فى المطبخ لو عاوز احط ماده عذائيه مفيده لاكله معينه بس طعمها مش حلو " النقد " بحط عليها ماده تخلى الطعم حلو " المدح "
* كمان لازم تكون كميله الماده الحلوه اكتر من الماده المفيده .

يعنى المفروض عشان اقول لواحد صوتك مش حلو واحط ع كلامى حبتين سكر..اقوله مجمله لطيفه ونصيحه
اقوله صوتك حلو بس هيكون احلى لو كان واطى حبتين عن كده

فالمفروض نمشي بنظريه 1x3
فى كل مره عاوز انقد واحد امدحهه الاول 3 مرات

5-أنا وانت لا
كانت ممثله امريكيه منهمكه فى الحديث عن نفسها مع احدي صديقتها لمده طويله وفجأه توقفت ونظرت فى ساعتها وقالت لصديقتها انا اسفه لقد تحدثت لمده طويله عن نفسي والان نتحدث عنك انت... مارايك فى انا ؟

كتير بنغلط ونتكلم كتير عن نفسنا وبنتجاهل خالص الطرف التانى

فى مثل بيقول
حدث الناس عن نفسك سيستمعون لك ، حدثهم عن انفسهم سيحبونك

باقى جزئين من الموضوع
وحقيقى اضمن للى ينفذ الموضوع ده حب الناس واعتزازهم بيه

المصدر: †† ارثوذكس †† - من قسم: قسم المناقشات الثقافيه والعلميه

[ماروجيرافك]

والاحسن من مقارنه نفسك بالاخر هو انك تقارن بين حاضرك وماضيك وتشوف الامور الى انت قدرت تحققها والامور الى فشلت فيها وفشلت فيها ليه ؟!...تقارن بين ماضيك وحاضرك وتتعلم من اخطأئك الى فاتت كده هيكون طريقك ديما لقدام

جميله اوي دي يا فيلو فعلا لو كل واحد عمل مقارنه بينه وبين حد اكيد هو الخسران

[elphilasouf]

ميرسي مارو تابع الموضوع فعلا لزيز ومهم جدا
ربنا يعوضك وميرسي لردك الحلول

[zaza2006]

موضوع رائع فعلا يا فيلو وفى انتظار الباقى
ميرسى ليك

[elphilasouf]

الباقى قريب جدا جدا
ميرسي لردك يا قمر

[rozy lover]

فبدل من انك تعيش لتتذكر امجاد الماضي ان تحاول ان تتعلم من اخطاء الماضي وتعمل وتسعى لمجد المستقبل
ال3 اجزاء بجد احلى من بعض
ميرسى كتير ليك يا بنجر

[Malak sokar]

والاحسن من مقارنه نفسك بالاخر هو انك تقارن بين حاضرك وماضيك وتشوف الامور الى انت قدرت تحققها والامور الى فشلت فيها وفشلت فيها ليه ؟!...تقارن بين ماضيك وحاضرك وتتعلم من اخطأئك الى فاتت كده هيكون طريقك ديما لقدام.

عجبتني كمان تكلم عن نفسك هيسمعوك تكلمن عنهم هيحبوك بجد قواعد روعة روعة يافيلسوفتي ربنا يباركك

[الماكس مايكل]

بجد رائع يا فلفل اكثر من رائع بجد
تسلم اديك
ربنا يفرح قلبك

[mary george]

-العيش فى الماضي
بيستفذنى جدا لما نقعد نقول اجددنا المصرين واثار اجددنا والى عملوه والى سووه والغرب دول احنا الى علمناهم ومش عارف ايه واحنا اول الحضارات وكده هنقعد طول عمرنا نقول اجددنا عملوا اجددنا عملوا طب واحنا عملنا ايه ؟!!

(نحن نحب الماضي لانه ذهب ولو عاد لكرهناه)

حقيقي انتي فيلسوفة رائعة ،
ربنا يبارك خدمتك

[bright]

ميرسي ليك يا قمر