[kamel]

كنا زمان سمنة على عسل
أييية النهاردة اللى حصل
كنت تيجى تقول تمام
الله يقوى همم الرجال
تقف معانا شوية
تشرب يا عمى الشاى
ولما تيجى تقول مستعجل
تاخد حقك مال..ومااال
وأنت رايح وأنت جاى
شايف العمل شغال
جاى دلوقتى تقول مخالف
فييين تمااااااااااااام
بتاع زماااااااااااااااان
عرفنى مين أنت يا خال؟
لية سايبنى..بعيط وبهاتى
لا أنت سامعنى
ولا سامع صرخاتى
أروح لمين يا أخواتى ؟
سامك سامعك يا عيونى
معاك قرشين غاظونى
قولت أسيبك تعلا..وتعلا
مدام كل ما تشفنى ..تدينى
هقولك أنا ميين يا حبيبى
موظف محلى شغلتى
قاعد مربع ظاهر شخصيتى
وإن جانى مواطن عاوز خدمتى
قواااااام أقوم أمسك دفترى
أصلى راصصها عيرة على مكتبى
عشان أحلل لقمتى
وأمتا تشوفوا خلقتى
لما نقلة رمل أو طوب تنزل دايرتى
تلاقينى صاروخ واقف على نقلتى
حاااااااورنى..حاااااااورتة
حط أيدة... فى جيبى
أدعيلة.. يتمم شغلتة
تفلسف.....
مهانش علييييية
يا ويل.. ويلة
فى كل طلعة شمس
يلاقى شخصيتى
فى ..خلقتة
أصلى موظف.. ودى صنعتى
***************

المصدر: †† ارثوذكس †† - من قسم: القسم الادبي

[عماد حسنى]

شكرا جدا جدا يا استاذ كامل على موضوعك
فعلا موضوع مهم زى كل موضوعاتك
ربنا يباركك ويكون معاك

[الناى الحزين]

مبدع يا عم كامل
انت دايما مبدع بكلامك فعلالالالالالالالالالالا

المصيبه ان البلد كلها ماشيه كدا يا عم كامل

طب جرب كدا وادخل مطعم وادى الواد اللى هيلفلك السندوتشات ربع جنيه

هتلاقيه عاوز يلفلك المحل كله ويدهولك

ما هى كدا يا عم كامل

ظبطنى اظبطك

هههههههههههه

وربنا يرحمنا

[وردة حزينة]

بيحصل بجد على قد مابدفع على قد ماورقى يخلص هواء
اهى مصر كلها كده لزم الواحد يتمص دمه عشان يخلص مصالحه وشغله

موضوع جميل جدا وللاسف حقيقى وواقعى

شكرا يااستاذ كامل

[شمعة]

قاعد مربع ظاهر شخصيتى
وإن جانى مواطن عاوز خدمتى
قواااااام أقوم أمسك دفترى
أصلى راصصها عيرة على مكتبى
عشان أحلل لقمتى
وأمتا تشوفوا خلقتى


حلوووووووووووووووووووو اوى
بجد جميلة مرسى جدا
على الموضوع الرائع

[kamel]

المشاركة الأصلية كتبت بواسطة عماد حسنى شكرا جدا جدا يا استاذ كامل على موضوعك فعلا موضوع مهم زى كل موضوعاتك ربنا يباركك ويكون معاك

شكرا لأحساسك الجميل ياعمدة
ربنا يبارك حياتك ويكون معك

[kamel]

المشاركة الأصلية كتبت بواسطة الناى الحزين مبدع يا عم كامل انت دايما مبدع بكلامك فعلالالالالالالالالالالا المصيبه ان البلد كلها ماشيه كدا يا عم كامل طب جرب كدا وادخل مطعم وادى الواد اللى هيلفلك السندوتشات ربع جنيه هتلاقيه عاوز يلفلك المحل كله ويدهولك ما هى كدا يا عم كامل ظبطنى اظبطك هههههههههههه وربنا يرحمنا

ههههههههههههههههههههههههه هه
ههههههههههههههههههههههههه ه
ربع جنية ياناى حبيبى
ههههههههههههههههههههههههه هههههههه
ربنا يرحمنا حتى فى السندوتش
أشكر تعليقك الظريف
الرب يبارك حياتك

[كيرو رافت]

لالالالالالالالالالالالال ا
يا عم كامل لالالالالالالالالالالا
بجد انا محتار اكتب ايه واقول ايه
ايه الروعه ورقه الاداء وجمال التعبير وتنوع المواضيع
الله بجد كل مرة بشوف موضوع وفكرة غير الفكرة
الله بجد عليك وتسلم وتعيش ايديك
فعلا انت مبدع والكلام عنك مهما كان لا يوفيك حقك

[kamel]

المشاركة الأصلية كتبت بواسطة وردة حزينة بيحصل بجد على قد مابدفع على قد ماورقى يخلص هواء اهى مصر كلها كده لزم الواحد يتمص دمه عشان يخلص مصالحه وشغله موضوع جميل جدا وللاسف حقيقى وواقعى شكرا يااستاذ كامل

صدقينى يا استاذة الواحد ما عارف يعمل أية
ربنا كرمنا وقلنا نبنى كام طوبة للولاد لحسن العمر ولى
يادوب بتاع الطوب وقف عربيتة لقيته واقف وراة
وهات وخد فى الكلام
وفى الآخر.......
أنتى عارفة الباقى
وخليها على الله
وهو قادر يخلصنا.....منهم
أشكر تعليقك الذى أسعدت بة
الرب يحافظ عليكى وعلى كل أولادة

[kamel]

المشاركة الأصلية كتبت بواسطة شمعة قاعد مربع ظاهر شخصيتى وإن جانى مواطن عاوز خدمتى قواااااام أقوم أمسك دفترى أصلى راصصها عيرة على مكتبى عشان أحلل لقمتى وأمتا تشوفوا خلقتى حلوووووووووووووووووووو اوى بجد جميلة مرسى جدا على الموضوع الرائع

أشكر أشكر دائما لقاءك يسعدنى
الرب يفرح قلبك
ويكون مع كل أولادة