[nermos1982]

احباب كتير اتقابلوا النهاردة


فى عينيهم لهفة وشوق لبعض


قلوبهم مليانة بحب لبعض


اللى منهم اتكلم وقال بحبك


واللى بنظرة عين قال بحبك


واللى بلمسة ايد قال بعشقك


كل القلوب اتلاقت النهاردة


كل قلب قال لروحه بحبك


كل روح قالت لعمرها بعشقك


وقلبى قاعد يتفرج ويفتكر


قاعد يفتكر قلبه


قاعد يفتكر عمره


قاعد يفتكر حبيبه


اللى كان كل يوم ليهم عيد


كان احساسهم واحد


كان قلبهم واحد


بس القلوب اتفرقت


والاحباب اتفرقوا


غصب عنى فراقك ياعمرى


غصب عنى غيابك عن عينى


ده عمرى من بعدك مبقاش عمر


حياتى من بعدك بقت من غير حب


تهون عليا كل الليالى الا الليلة دى


يهون عذابى فى كل الليالى الا الليلة دى


اجمل ايام عمرى


اجمل الاعياد فى عمرى

عيد الحب

المصدر: †† ارثوذكس †† - من قسم: القسم الادبي

[aymonded]

كلمات رائعة يا أحلى نرمو

[miso]

جميل يا نرمووووووووووووووووووو بشكل
على اد ما بيجى عيد الحب على ناس ويجمعهم
على اد ما بيجى على ناس يفكرهم انه كان زمان بيحبو ودلوقتى لوحدهم
وناس تتمنى يكون ليها حبيب
بس بجد هايلة يا نرمو

[الناى الحزين]

الله يا نانا

كلامك ماليان مشاعر واحاسيس جميله
ربنا يفرح قلبك ويسعدك

بس على فكره عيد الحب مش للعشاق بس
لا

ده لكل الناس اللى بتحب بعض
وكمان عيد حبنا لربنا وحبه لينا
وحب الاخوات
وحبنا لمنتدانا
وحبنا لبعض

هو ده عيد الحب

[شمعة]

حلووووووووووو اوى ياقمر
ربنا يعوضك بالحب الى يسعد قلبك وايامك
وساعات كتير الذكرى بتخلى الواحد يقدر يعيش
ربنا يباركك يا جميلة

[MICKEY]

غصب عنى فراقك ياعمرى غصب عنى غيابك عن عينى

انت هتردحيله يابت ولا ايه
ايه ياروحي وياعمري وياعنيا

بس بجد جميل فعلا
صعب انك تبقي متعود تقول لواحد عيد حب سعيد
وفجأة مش تلاقيه معاك
سواء ربنا خده
او عربية خبطته
او اتجوز وباع

[اسامة ثروت]

كل القلوب اتلاقت النهاردة


كل قلب قال لروحه بحبك


كل روح قالت لعمرها بعشقك


وقلبى قاعد يتفرج ويفتكر


قاعد يفتكر قلبه


قاعد يفتكر عمره


قاعد يفتكر حبيبه


اللى كان كل يوم ليهم عيد

بجد مش لقى اى كلام ممكن يعبر عن الى عايز اقولة كل الى اقدر اقولها انك ملكة الاحساس بجد وكل امانة وذاك اقرار منى بذلك

[غدا افضل]

موضوعك جميل يا نرمين وكل سنه وانتى طيبه

[قهوة ساده]

ثانكس يانرمو
موضوع جميل

[kamel]

كل سنة وانتى طيبة أستاذة

ربنا يفرح قلبك
عام جديد فرح سعيد