[kamel]

أية اللى حصل فى البلد
النهاردة سمعت خبر قلبى لة إنخلع
تم القبض على 400 شاب وجدع
تهمتهم معاكسة بناتنا فى طرق البلد
الكلام دة..فى وضح النهار !!!!!!
أما الليل.... نقول يا ستاااااار
اللى ماشى يقول ياسوسو
واللى جاى يقول يانورا
سوسو ونورا يمكن فى يوم يكونوا أخواتك
يا ولد!!!!!!
أخدت أييية يا شاب من كلمة ..يا جميل
ولا من أنظر وراك ..يا غزال
بالطبع الرد هيكون عليك
ورايا حمار مش جدع
ولا كلمة يا أبو الشعور والكعب عالى
صدقنى ياابنى أنت ولد..
ما عندك أحساس .. ولا شعورك واطى
متقلش الذنب زنب البنت وحدها
أصل الحكاية طويلة متعددة أسبابها
لو كل واحد فكر وقال زى أختى رايحا شغلها
أو دى أمى نازلة من بيتها تشوف مصالحها
حط فى عينك حبة ملح ملحها
وقعدة القهااااااااااوى
ووقفة النواااااااااصى
أرجوك..بطلها
وشوفلك شغلة تنفعك..أحسنلك
وبلاش عيونك ..تمققها
التحرش مش بس لمس إيدين
التحرش برضة بالكلام والعين
النهادة أول حكم جرىء
لسواق لمس بنية لمس مشين
3 سنين خلف الأسوار سجين
أد أأأأأأأأية أنا أنبسطت ونمت قرير العين
القصة ومحواها يا سامعين
بنية رقيقة جسمها هزلان
سواق ما عندة نخوة لمسها وفر طيران
دافعت عن شرفها كأسد ولهان
مهمهاش مين اللى جاى..
ولا مين اللى مستخبى وخزلان
كل همها تاخد حقها من الجبان
جريت وراة..مسكتة من قفاة..
وتلم علية البشر..كبسارية وسط حيتان
وأااخرتة ..خلف الأسواااااار
ياااااااااااللجنااااان!!!!!!
عندما يغيب الوعى من أنسان
أكيد... أكيد بيتحول حيوااااااااان
ندايا لبناتى.. وبنات كل البلد
لو صاينة نفسك.. خايفة من ربنا
لو شاب حاول يضايقك
حاول يلمس إيديكى
إياكى تتسااااهلى
وتقولى غصب عنة وها عديه
أصلة جبان لو بصيتى ف عنية
على خلقتة بالقلم إدية
وإياكى تفوتيها ولا ترضية
دا حقك أوعى تفرطى فية
ندئى لأخوتى وأبائى
لا تتركوا خيولكم فى الفضاء وفى المراعى
بدون داعى
وتلوموا الضباع..عند نهشها
----------
فليحفظ الله أولادة من كل سوء

المصدر: †† ارثوذكس †† - من قسم: القسم الادبي

[miso]

بجد ولا اى رد ينفع يتقال
صدقنى ومش مجاملة
موضوع مهم وجىء وجديد
وطريقة الكتابة تشد انك تكمل مش تزهق من نص الموضوع
حيقيى ولا اى رد هيليق مع موضوع روعة كدة.

[شمعة]

روعة يا استاذنا بجد جميل اوى
بس نضرب دة صعب اوى
لكن ربنا معانا اكيد محافظ علينا
مرسى جداااا على لموضوع
ربنا يخليك لينا

[tony_algamid]

يااااااااااااه
400 شاب اتحرشوا بالبنات

أووووووووووف يابختهم



















































إزيك ياعم كامل
وحشتنى بأمانة الله

ســــــــــــــــــــــــ ــلام

[عماد حسنى]

موضوعك غايه فى الاهميه ورائع يا استاذ كامل طبعا
زى كل موضوعاتك الهادفه المهمه
ربنا يحافظ على كل بناته فى كل مكان
الف الف شكر لحضرتك على الموضوع

[نبيل نصيف جرجس]

اية يا استاز كامل الحلاوة دى بجد مش عارف اقول حاجة ربنا يخليك لينا يا اطيب قلب كبير موجود فى المنتدى ربنا يحافظ على حضرتك ويخيلك لينا يا رب

[جاسيكا]

لو كل واحد فكر وقال زى أختى رايحا شغلها
أو دى أمى نازلة من بيتها تشوف مصالحها
ميرسى كتير لحضرتك
وربنا يحافظ على كل بناتة
ويحميهم ويرحمنا
ويبعد عن كل بناتة اى شر

[kamel]

المشاركة الأصلية كتبت بواسطة miso بجد ولا اى رد ينفع يتقال صدقنى ومش مجاملة موضوع مهم وجىء وجديد وطريقة الكتابة تشد انك تكمل مش تزهق من نص الموضوع حيقيى ولا اى رد هيليق مع موضوع روعة كدة.

ربنا يباركك ويحافظ عليكى
ويكفينى قراءة كلماتى المتواضعة
الرب معك

[kamel]

المشاركة الأصلية كتبت بواسطة شمعة روعة يا استاذنا بجد جميل اوى

المشاركة الأصلية كتبت بواسطة شمعة بس نضرب دة صعب اوى لكن ربنا معانا اكيد محافظ علينا مرسى جداااا على لموضوع ربنا يخليك لينا

ربنا يباركك ويحافظ عليكى
طب بلاها ضرب
بصة بتكشيرة تلاقى الجبان فر طيران
أشكر أحساسك الرقيق
الرب معك

[kamel]

تونى حبيبى وصل ألفين سلام
لأجدع..جدع
دائما عندمت تظهر تظهر معك روح المرح
الرب يباركك ولا يحركنا منك يا جميل
الرب معك