[ero_mero]

اولا انا احب اوجه شكرى على المجهود الرائع اللى بتقدموه من اجل ربنا والرب قادر انه يعوض تعب محبتكم .صدقونى ف كل مرة اكون بأمر بضيقة لازم الاقى ربنا بيكلمنى من خلالكم وخصوصا كلام عماد جورج اللى كتير بأحس ان حاسس باللى فى ......
المهم.........
رجاء محبة انكم تذكرونى ف صلاتكم لانى باتعرض لخيانة من واحد كان مفروض انه قريب لى لكن ربنا صنع معجزة ووهبنى نعمة بطلان زواج منه .......مش قادرة احكى لكم على قد ايه ظلمنى وحتى الان لسه شغال ف ظلمه وانا بقوله يا رب انت صادق ف وعودك وانت اللى قلت انك بترد الحق المسلوب 7 اضعاف وانا مستنية تحقيق وعدك وانك كمان تحبسه فى يدى .صدقونى مش عشان انتقم منه لالالالا انا يكفينى ان ربنا نجانى منه لكن حق بنتى اللى ظلمها حرام ننساه وكمان حقى يا رب انا دلوقتى باقولك انا مش مسامحة ف حقى ولازم تجيبهولى انت شايف قد ايه ظلمه لى والاكتر من ده يا رب انت شايف انه كان بيحفر لى قضية زنا وانا ف قلب بيته وباصلى من اجله يا رب انت عارف قلبي كان ايه وقد ايه اترجيتك انك تقربه ليك لكن ف نفس الوقت اللى باصلى له هو بيحفر لى قضية زنا يرضيك كدة .يا ربي قلبي مليان وجع نفسي ارجع زى زمان مش قادرة اضحك كل اللى يشوفنى يقول على اتغيرت انا مش انا ممكن ترجع لى وتوهبنى قلب جديد ارجوك كفيانى احزان نفسي افرح انا واثقة فيك وعارفة ان كله للخير لكن قلبى مجروح وباشكرك انك مش بس نجيتنى من قضية الزنا الزور وكمان قضية المرض النفسي لا يا رب انت كمان نجيتنى منه نهائيا اشكرك يا رب وباترجاك انك لا تنسي فتاك وتتمم وعدك انك ترد الحق 7 اضعاف وكمان تحبسه فى يدى عشان آخد منه حق بنتى واقدرر اربيها وامنحنى انا وبنتى اننا نكون اولادك ونصنع مشيئتك
ارجوكم صلوا لاجل ضعفى

المصدر: †† ارثوذكس †† - من قسم: الصلوات وطلبات الصلاة

[حياتى معاك]

هالموضوع من وقت اكبير
ايش هيدا معقول ماحدا رد بصلاه ل هالحين عليكى
الله يوفقك يالغاليه ويكون معك كل حين
الله يباركك ويكون معين لك وقت الضيق

[kottah_sh]

ربنا معاكى ويردلك حقك وحق بنتك
وتأكدى ان ربنا عادل وهيحكم بالعدل
ودايما بينصر المظلومين

بركه ام النور ترعاكى

[الناى الحزين]

ربنا موجود ويتمجد ويمد ايده ويرجع لكل صاحب حقك حقه

[ero_mero]

نعم يا رب انت امين فى وعودك وقد وعدت انك لا تنسي فتاك المتكل عليك
الحمد لله ربنا رد الحق ف الوقت المناسب 100 ضعف
مش ح تتخيلوا ربنا رد الحق ازاى...ربنا عجيب ف احكامه ...من علم فكر الله من صار له مشيرا
اللى كان ظالمنى وطلبت من ربنا انه ينجينى منه ويحبسه ف يدى ...فعلا سمع لصلاتى
ابو بنتى مات ارتحت نهائيا من قضايا وتزوير وتلفيق ......اوعوا تفتكروا انى فرحانة فيه بالعكس انا حزنت عليه لانى كا نفسي يقدم توبة قبل ما يموت يعنى هو كسب ايه من كل الظلم دة
فعلا ربنا نجانى منه ..تخيلوا انه كان عايز يرفع قضية نفي نسب ...شفتوا واحد بيطعن ف شرف مراته
الحمد لله... شكرا لصلواتكم من اجل ضعفى وربنا معاكم وينجيكم من كل شر ...كل سنة وانتم طيببين