[لطفى]

انا حملت فيلم يسوع من مكتبة الافلام الحديثة 117 فيلم الموجوده فى ارثوذكس والمشكلة فىالجزء الثانى من الفلم نزل ناقص وكمان الصوره رديئه و حملت فيلم الصايا العشر ف وجتهومترجم وليس مدبلج وكمان فلم ابو الاباء ابراهيم ليه مترجم وليس مدبلج مش اليعمل الجميل يكمله ماتخلوه مدبلج؟ كمان فيلم بداية الخليقه ليه مترجم فقط مش مدبلج ليه لمه انتو ماتحملناش افلام مدبلجه طب نروح لمين ونقله ساعدنا ودبلج لنا افلامنا انا اسف من طريقة كلامى لانى بحب افلام العهد القديم

المصدر: †† ارثوذكس †† - من قسم: قسم طلبات الميديا

[Katy_Archi-Mekhaeel]

معلش اسمحلى اعلق ع كلامك بغض النظر عن الى عملو الافلام دى

انا لو مكان الناس الى عملت الافلام دى بجد هيجيلى احباط

المفروض يكون فى تشجيع وايه المشكلة لما غلطه ف حاجة او حاجتين

دى مش جريمة عملوها

ع فكرة المنتددى دا بيتعب جداا علشـان يجيب الحاجات الى حضرتك بتشوفها دى

المفروض تشكرهم لو مفيش شكر يبقى بلاش كلام يخليهم محبطين

مانت ممكن ماكنتش تعرف تشوف الافلام دى خالص

يعنى ولا حتى كنت شوفت الفيلم مش كمان مدبلج

كان ممكن فى رسالة خاصة للمدير او مشرف القسم

عموما انا مش بحاسب حضرتك ع كلامك بس دا كان تعليقى

[بنت الراهب الصامت]

صح انا مع كاتى
هما كويس انهم بيحاولو فى حط الافلام فى المنتدى
بس متزعلش حضرتك انشاء الله هتتحل ونشوف ازاى تشتغل مدبلجه لو مقدروش يعنى يبقى اشكر ربنا على كده واحضرها انت وابقى اقراها من الترجمه
ماشى بس بلاش زعل
ربنا يباركك

[لطفى]

صدقونى انا مقصدش ازعل احد ولاكن ب امانه انا شغال حلاق رجالى بشغل الافلام دى فى المحل والناس الغير مسيحيين ب ينبسطو خالص ومعلومات كتيره بتبقى نقساهم وبمجهودكم بيعرفوها عن طريق الدبلجه ب امانه مش علشانى ولاكن من اجل اسم المسيح والناس الى بيعرفهوش

[بنت الراهب الصامت]

طيب خلاص
لما يجوا المشريفين بتوع القسم
نقولهم بهدوء كده
ينزلوا الافلام مدبلجه
خلاص متزعلش
وربنا يباركك

[الناى الحزين]

حبيبى الغالى
دبلجه الافلام مش من اختصصنا كا منتدى
اختصصنا اننا نقدم كل ما هو جديد وفريد
ولو الافلام دى موجوده مدبلجه هتلاقينا جبنهاك
لكن لو مش متدبلجه من الاصل
هندبلجه ازى
الدبلجه شى مش سهل والدبلجه دى كمان بتكون مسئوليه شركه الانتاج نفسها
بتنتجه وتدبلجه
او جهات انتاج اخرى بتشترى الفيلم وتدبلجه
لان الدبلجه بتحتاج استودوهات وامكانيات
وصدقنى ده مش تقصير مننا
بعيد خالص عن المنتدى
ربنا معاك
ولو موجوده الافلام دى احنا تحت امرك وهنجبهالك

[mina faleh]

ياجماعه بجد اي حد بيحط افلام بيتعب اوي اوي اوي ومحتاج تشجيع عشان يعمل كده وكتر خيره بجد وربنا يعوضه ولو كانوا غلطوا في حاجه بيبقي غصب عنه خاصه لو كان مش فاضي

[Team Work®]

مش عارف اقول اية اتقال الكلام كلوا ربنا يبارك فيكم وكل عام وانتم بخير وانا هاحاول لو فى اى جديد هايتم نزولوا على الفور بأذن ربنا

[jesus for me]

حصل خير يا جماعة
وكل سنة وانتم طيبين