[bondoaa]

هاي ياشباب
دى لعبه حلوة اوى كل اللي عليكوا تعملوه انكوا تقولوا مين من شخصيات الكتاب المقدس ينطبق عليه المثل ده
1-يوم ليك ويوم عليك.
2-المعيشه تحب طوله البال.
3-اللقمه الهنيه تقضى ميه.
4-كل هدمه تنادى لباسها.5-على وشك يبان يا نداغ اللبان.
6-اللبس ما ينطلى الا علي اصحابه.
7-اللي تخاف منه ميجيش احسن منه.
8-خلي العسل في جراره لما تيجى اسعاره.
9-عيوبي لا اراها وعيوب الماس اجرى وراها.
10-زى المراكبيه ميفتكروش ربنا غير وقت الخوف.











يلا بقه مستنيه احلى ردود من احلي اعضاء

المصدر: †† ارثوذكس †† - من قسم: الالعاب والمسابقات بين الاعضاء

[croconile_co]

المشاركة الأصلية كتبت بواسطة bondoaa هاي ياشباب دى لعبه حلوة اوى كل اللي عليكوا تعملوه انكوا تقولوا مين من شخصيات الكتاب المقدس ينطبق عليه المثل ده 1-يوم ليك ويوم عليك. أيوب 2-المعيشه تحب طوله البال. يعقوب 3-اللقمه الهنيه تقضى ميه. الخمس خبزات 4-كل هدمه تنادى لباسها. قميص يوسف 5-على وشك يبان يا نداغ اللبان. عخان الكرمي 6-اللبس ما ينطلى الا علي اصحابه. داود مع لبس شاول 7-اللي تخاف منه ميجيش احسن منه. مقابلة يعقوب و عيسو 8-خلي العسل في جراره لما تيجى اسعاره. الغني الغبي 9-عيوبي لا اراها وعيوب الماس اجرى وراها. الفريسي في صلاته 10-زى المراكبيه ميفتكروش ربنا غير وقت الخوف. شعب اسرائيل يلا بقه مستنيه احلى ردود من احلي اعضاء

أنا عارف إن فيه كذا شخصية بينطبق عليها الأمثال دي
و كل واحد فب تفكيرة شخصية غير التاني
يعني ممكن القايمة اللي عندك غير اللي عندي غير عند اللي حيجاوب بعد كده
بس اللعبة جميلة
و مستني ردك على إجابتي

[bondoaa]

هو بصراحه انا جيباهم من كتاب مسابقات
بس مش زى اللى انت كاتبهم
بس على فكرة انت تفكيرك صح

[croconile_co]

شكراً ليكِ
طب إيه هي الإجابات بتاعة الكتاب

[croconile_co]

طب انا هقول مثل و اللي بعدي يحله و يقول مثل تاني
"اللي يخرج من داره يتقل مقداره " بينطبق على مين في الكتاب المقدس؟

[bondoaa]

الابن الضال
تدبل الورده وريحتها فيها

[الجوهرة الثمينة]

بذمتك يا بندقة في وردة تدبل وريحتها فيها
انا مش عارفة
غلب حصاني

[croconile_co]

يا ريت تقولي الإجابة الصح
أنا حقول : الست العدرا وقت نياحتها
و مثلي سهل :
قالوا الجمل بيطلع النخلة , قولنا آدي الجمل و آدي النخلة