[bolalover]

سلام و نعمة لكل اعضاء منتدي ارثوذوكس


بجد قمة الجهل من الحكومة المصرية
تخيلوا ايه الاجرائات الامنية الي اتعملت في القاهرة و في المحافظات الاخري علشان الرئيس الامريكي جاي يزور مصر

• غلق كل المحلات في الشوارع الي هيمر عليها الرئيس
  
• منع اي عربيات تركن في الشوارع دي
  
• خط السير الي هيمشي فيه اوباما مش شارعين تلاته و خلاص لا هيعدي علي كذا منطقة في القاهرة
  
• منع فتح الشبابيك و البلكونات و ان اي حد يبص منها من الساعة 9 الصبح لحد الساعة 5 مساء
  
• ممنوع اي حد يمشي في الشوارع دي من الساعة 10 لحد 5
  
• تاجيل امتحانات بعض المعاهد و الكليات يوم الخميس في المحافظات الاخري

ده الي انا عرفته يعني
طيب انا راضي زمتكم ايه الخرف الي بيحصل ده
بجد قمة الجهل ده يعتبر حذر تجول
طيب ده علشان الرئيس يلاقي الشوارع جميلة و هادية و حلوة
طيب ما هو اكيد هيستغرب و يقولك الناس فين المحلات قافلة ليه مفيش بشر في الشوارع ليه
كل ده علشان ايه ... علشان نبان بمظهر جميل قدام الرئيس الامريكي
ولا احطياطات امنية
طيب ما هي لو احطياطات امنيه ليه يمضوا اصحاب المحلات علي تعهدات بانهم يقفلوا محلتهم
و بدون اي تعويض عن الوقت الي هيقفلوه ده
منطقة زي الخليفة مامون او الجيزة فيها اجار اقل محل شوفوا كام و شوفوا صاحب المحل مطلوب منه يطلع كام في اليوم الواحد علشان يقدر يسدد احتياجاته
و طبعا امتحانات يوم الخميس في كل كليات جامعة القاهرة و المعاهد الي حولين جامعة القاهرة
كله لاغي و موجل

هل ده تفكير سليم من الحكومة المصرية
هل هو ده الحل علشان يامنو الرئيس الزائر
متهيئلي لو رئيس سوريا ولا الكويت ولا ولا هو الزائر مكنش هيحصل ربع الي بيتعمل ده
انما ايه بقا ده رئيس امريكا

مش عارف راي الشخصي ان ده جهل من الحكومة
و بجد انا خايف من منظرنا قدام الرئيس الزائر لما يشوف كده يقول ايه
يا نري انتم رايكم ايه

؟؟؟؟!!!!

المصدر: †† ارثوذكس †† - من قسم: صندوق مناقشات الاعضاء

[IO-Mena]

طبعا ده مبالغه

وخوف وعدم سيطرة او عدم وجود علاقه جيده ما بين الشعب والحكومه

----------

الفكر اللى موجود خوف حيوانى مش اجتماعيه ومحبه

--------

عمتا كل الاشياء تعمل معا للخير

سواء كان تكتيم منهم فده هايلفت نظر

سواء كان علشان الظهور بمنظر افضل فباردوا هايعمل للخير

[magdy totti]

انا معاك يابولا ان ده جهل من الحكومة
انت عارف ده بيدل على ااية يدل على احنا
مش عرفين ننظم بلدنا وكمان ان بلدنا مش نظيفة
وكمان مش ها نعف نحمى الرئيس الضيف فى وسط الزحكة
بعنى من الاخر احنا ما نعرفيش نعمل ااى حاااجة فى اى حاااجة
ميرسى يا بولا على الاخبااار والتغاااطية
بس ربناا يستر فى الاياام الجااااية

[ZEZOMERO]

طيب وانت مالك
يا عم خليك كوووووووووووووووول

[bolalover]

المشاركة الأصلية كتبت بواسطة zezomero طيب وانت مالك يا عم خليك كوووووووووووووووول

المتخلفين الي زيك هما الي مودين البلد في دهية

[kottah_sh]

ايه ده بجد

اوباما جاى القاهره

























مقاليش البارد ده انه جاى





قولولى ياجماعه امتى جاى

[bolalover]

يوم الخميس يا كوتا
هتروحي تستقبليه
انا لو منك انفضله علشان مش قالك انه جاي

[البوب الجديد]

شكلكم مش هتجبوها لبر وهنروح كلنا فى داهية بلاش كلام فى السياسة

مالة اوباما سيبوة فى حالة مالة عمدة بلادنا حبيب الكل ماة رئيس الدولة راجل زىىىى العثل عثثثثثثثثثثل
اسكتوا بقى
هههههههههههههههههه

[الماكس مايكل]

المشاركة الأصلية كتبت بواسطة bolalover غلق كل المحلات في الشوارع الي هيمر عليها الرئيس منع اي عربيات تركن في الشوارع دي خط السير الي هيمشي فيه اوباما مش شارعين تلاته و خلاص لا هيعدي علي كذا منطقة في القاهرة منع فتح الشبابيك و البلكونات و ان اي حد يبص منها من الساعة 9 الصبح لحد الساعة 5 مساء ممنوع اي حد يمشي في الشوارع دي من الساعة 10 لحد 5 تاجيل امتحانات بعض المعاهد و الكليات يوم الخميس في المحافظات الاخري

ههههههههههههههههههه
الحته دى بتفكرنى بفيلم طباخ الريس
لما الريس قرر ينزل الشارع
عمله حكايه كسوف للشمس
75 مليون ملقيش منهم ولا واحد
هههههههههه





بجد بجد قمه الجهل

[M@@@NOOOO]

هما اه مبالغين بس انا شايف انه طبيعى جدا جدا اللى بيعملوه ده
ده رئيس اقوى دوله ف العالم
ورايح اكتر منطقه عشوائيه من المناطق العشوائيه ف العالم
والمصنفه التاسعه قبل جنوب افريقيا ( التى تعتبر من اكتر البلاد التى تسيطر عليها المافيا وعصابات قطاع الطرق )
احنا بقى مصنفين قبلها وواخدين المركز التاسع ( عصابات المخدرات والجريمه )
وده مش كلامى ادخل على اى موقع اخبارى هيقولك معلومات تانيه كتير
ولو عاوز اسم موقع معين هقولك على الخاص
وبجد عااااااااادى ياجماعه
هو انا اتأجللى الامتحان بتاع الخميس اللى جاى واخرولنا الامتحانات
ومخنوق من اللى حصل ده
بس ده عاااادى جدا
ده رئيس اقوى دوله ف العالم
يعنى لو رمش منه وقع هنا على ارض الوطن
الدنيا هتقوم مش هتقعد
والناس اللى انت بتقول عليهم بتوع المحلات وكده
مش هيفرق معاهم نص يوم
ومش يوم كامل زى ما انت قولت
لآنه ميعاده ف جامعه القاهره الساعه 11 الصبح
وهيقعد ساعه وهيطلع على الاهرامات بعدها
ولازم لازم تكون البلد كلها واخده اجازه ف اليوم ده
انا بس عاوز افهمكوا انا اللى بيحصل ده مش عشان خاطر اوباما نفسه
لآ ده عشان خاطر رئيس اقوى دوله ف العالم