[KOKO SPA]

صدقونى الموضوع ده وجعنى اوى ومكنتش حتى اعرف ان فيه كده


ناس فعلا متعرفش يعنى ايه ربنا وفين ربنا
واللى حتى يعرف مش عاوز يعرفه واللى عارفه مش عاوزه يروحلوه


فين الخدام فينا حنا ياشباب ربنا هايحاسب الناس ديه فى يوم الدينونه على ايه على انهم معرفهوش طيب وايه زنبهم ايه زنبهم وهما مش لاقيين اللى يخدمهم

ياجماعه صدقونى انا عرفت الموضوع ده بالصدفه كنا فى زياره مرضى
وكان فيه حادثه بشعه كان اللى فيها 14 واحد مسيحى
روحنا بالصدفه المستشفى لاقيناهم كلمناهم شويه وفى اخر كلامنا بنقولهم مين يحتاج يتناول

راح واحد رد بكل سخريه وبيوقلنا انا بقالى 25 سنه متناولتش مع العلم الشخص ده كان شاب يعنى تقريبا سنه 26 ولا حاجه

يعنى ممكن يكون متناولش الا فى يوم عماده


الشخص ده مين يتحاسب عليه بنقول ان احنا خدام الرب فين خدمتنا
بنقول فقره فى اجتماع شباب نكتفى بس بالصلاه طب ازاى خلاص باه منقولش على نفسنا خدام
مادام منقدرش على خدمته اللى بجد منقولش على نفسنا خدام لاننا منستحقش نكون كده

بجد حرام بجد حرام الناس ديه ضايعه

انا سالت نفسى سؤال انا عند ربنا خادمه لو رجعت وعرفت واحد ربنا اللى بجد وميبقاش ناس كتير مسحيين بالاسم

ولا انى اقعد اخدم فى اجتماع ممكن اساسا الشباب اللى فيه ميبقوش عاوزيين يسمعونى اساسا

عند ربنا مين افضل

ياجماعه بليز ردوا عليا لحسن بجد الموضوع ده تعبنى اوى

انا اسفه لو طولت عليكم

اختكم كوكو

المصدر: †† ارثوذكس †† - من قسم: صندوق مناقشات الاعضاء

[elphilasouf]

انتى اتكلمتى عن الخدمه او الخدام والتقصير منهم
اممممممممممم
انا رايي فعلا التقصير من الخدام ولازم الخدام يعملوا ومش لازم الخدام يعملوا
وانتى كان دورك هنا انك تعملى الموضوع
واكيد فى دور واحد مننا انه يكون امين خدمه او كاهن او اسقف وينفذ او يراعى المخدومين الضيعين دول
اشكرك للفته والتنويه الجميل ده
ونصلى لاجل الخدمه
ونعمل الى علينا فى خدمتنا
يبقى اكيد كل الموضوع ده مش هيكون موجود تانى او هيقل جدا

اشكرك مره تانيه ع موضوعك الجميل جدا ده

[KOKO SPA]

مرسى يافيلسوف على ردك

لكم انا مش فاهمه الجمله ديه؟

انا رايي فعلا التقصير من الخدام ولازم الخدام يعملوا ومش لازم الخدام يعملوا

[elphilasouf]

المشاركة الأصلية كتبت بواسطة koko spa مرسى يافيلسوف على ردك لكم انا مش فاهمه الجمله ديه؟ انا رايي فعلا التقصير من الخدام ولازم الخدام يعملوا ومش لازم الخدام يعملوا

يعنى كلامك عباره عن تنبيه للخدام
انهم لازم يعموا حاجات
ومش لازم يعموا حاجات
من موضوعك وتنبيهك بتقولى لازم يكون فى اهتمام بالخدمه والمخدومين
ومش لازم يكون فى تقصير او مسيحى لا يعرف طريق الكنيسه
اشكرك مره تانيه ع موضوعك الى بعتبره تنبيه
وحقيقى منوره المنتدي انتى واعضاء كتير بمواضيع مميزه جدا

[نبيل نصيف جرجس]

بص يا بنت ابوكى عندك حق كتير منا بيفرح باللقب والكلام المعسول اللى كلة مجد باطل عايز يعمل نفسة قديس وخلاص
بس وتلاقى ساعات يقول كلام حلوة ومش يعمل بية
بجد احنا محتاجني نفوق ونكمل خدمة ربنا يسوع صح
لانة كان يجول يصنع خير ولازم كل واحد مش يكتفى بخدمتة بس
لو فى ايدية يساعد اى انسان حتى لو قابلة فى الشارع مش يتاخر
عندك حق فى كل كلمة قليتها
ربنا يقوينا اننا نخدم اسمة القدوس بكل حب محتملين بعضنا بعض فى محبة

[aymonded]

سلام بمحبة عظيمة من رب المجد محب البشر القدوس
أن لم نعرف أنفسنا ونعرف زماننا ونميز الأوقات ، سنصير في حالة تمجيد الذات ونخدم لأجل مجدنا الخاص حتى تكرمنا الناس فنخسر مجد الله !!!

فالزمان زمان توبتنا ينغبي أن نميزه ، وأن نعرف أنفسنا من نحن ومن أين نأتي وإلى أين نذهب ، ونجلس عند قدمي الكتاب المقدس لنتعلَّم ونعرف مقاصد الله ونحبه ، فتشتعل قلوبنا محبة صادقة لله فتنطق أفواهنا بتسبيح المحبة لله الحي ، ومن هنا ننطلق في الخدمة ونكرم الله ونعطي للكل أهتمام المحبة ونغسل الأقدام بمسرة عظيمة ولا نطلب ما لأنفسنا بل ما هو لله ولأجل مجد أسمه العظيم ...

ومن يعرف عاره يعرف كيف يطلب مجده ، ومن يمشي في الطريق الضيق بمسرة المحبة ينجح ويصل للمجد العظيم الذي للقيامة ...

الخدمة تحتاج لقلب محباً مستعد أن يعطي إلى النفس الأخير ، لا بالكلام ، إنما بثمرة الإيمان بالعمل والحق ، الذي فقده - مع الأسف - الكثيرين في هذه الأيام ؛ فأصبح الفلاسفة كثيرين ، فما أسوأ أن نكون فلاسفة في الكلمات لا في الأعمال ...

قادر إلهنا الصالح أن يعطي سكيب المحبة للجمع
النعمة معك كل حين

[KOKO SPA]

مرسى يانبيل ومرسى ليك استاذ ايمن

بس برده ايه الحل الناس ديه اللى مش عارفه مين ربنا مين المفروض يفهمهم ربنا

[aymonded]

محبوبة الله ؛ حقيقي الله اقوى من الناس وهو من يهدي الكل ولا يوجد إنسان يقدر ان يخلص إنسان ؛ وبعدين الله هو الذي يخلص فالرب يسوع قال :
" و أنا أن ارتفعت عن الارض اجذب الي الجميع " (يو 12 : 32)
" قال له يسوع انا هو الطريق و الحق و الحياة ليس احد ياتي الى الآب الا بي " (يو 14 : 6)
" لا يقدر احد ان يقبل الي ان لم يجتذبه الآب الذي أرسلني و أنا أقيمه في اليوم الاخير " (يو 6 : 44)

فالأهم أننا نسعى لخلاصنا ونحيا حياة التوبة ، وفي هذه الحالة هاتصير حياتنا شهادة حية للجميع فيروا أعمالنا الصالحة فيمجدوا أبانا الذي في السماوات ...

Receiving the end of your faith, [even] the salvation of [your] souls -1Pe 1 : 9

نائلين غاية إيمانكم خلاص نفوسكم - حسب النص الأصلي اليوناني وترجمتة بالإنجليزية ( وليس خلاص النفوس ) (1بط 1 : 9)