رد: العيد بتاعنا !!
كُتب : [ 04-25-2011
- 12:18 PM
]
اقتباس
تمام اللة ينور يبقى الطريقة بيتختلف من حد للتانى على حسب الظروف والوضع اللى هو فية وحسب شخصيتة وعلاقتة بالناس بس فى النهاية يحتفظ بشئ واحد اساسى متحد بينا كلنا كجماعة مؤمنين وهو الفرح والسلام الالهى داخل قلوبنا يعنى لو حد زعلان من حد يصالحة مثلا ويفرح بقلب نقى حقيقى
|
مش بالظبط يا إيمي ... دون الدخول فى تفاصيل .. هقولك مثال بسيط اوى أكيد هتلاحظى منه قصدى ايه ... رقم 7 فى الكتاب المقدس بيرمز للكمال .. وهو ده اللى كلنا بنحاول ان ندركه ,, كل واحد وبطريقته وبمجهوده ..
رقم 7 ممكن نوصله بعدة طرق حسابية ..
6+1 ... أو 5+2 .. 4+3 .... ممكن حاجات تزيد وحاجات تنقص ممكن حاجات تتبدل وحاجات تستجد .. لكن لازم الترموميتر بتاعنا يبقى مظبوط على 7، وده اللى انتى تقصديه، لكن اللى انا كنت اقصده هو ان الناتج دايماً بيكون اقل من رقم 7 .. يبقى مينفعش ان كل واحد يفرح فى اليومين دول على مزاجه .. لأن الانسان المسيحي مش بيدي اجازة لنفسه من ربنا ولا حتى يوم واحد، الا لو في خطية متسلطة عليه .. معنى انه يدي اجازة يوم يبقى هو اصلا مطبق الاجازة ديه بطول السنة .. وده اللى بيحصل فعلاً!!
اقتباس
انا بحيييك على صدقك وامانتك فى الرد
مش قلتلك هتقع فى بير اعمالك هههههههه
بجد زاد احترامى ليك وتقديرى ليك يا بيتر ربنا يفرحك
|
متشكر ليكي خالص على كلامك الجميل، بس انا مرضيتش اكتب مش خوفاً من انى أقول اللى بعمله او اللى بيحصل يوم العيد، بس عشان انا واخد طريق مختلف تماما عن كل انواع الطرق .. حتى مختلف نوعاً ما عن النموذج المسيحي السليم اللى ذكرته .. بس انا بتابع ده مع أب اعترافى، وهو موافق الحمدلله... وعلى فكرة لو انا بعمل اي حاجة كويسة فى اليومين دول او حتى اي يوم فالسنة، مش هقدر أقولها على الملأ هنا .. ولا أيه؟ ونفس الكلام لو حاجة وحشة .. برضه مش هقولها .. ومش انا بس اللى كده .. ده الكل ...
على فكرة يا إيمي انا موقعتش فى البير أهه انا لسه متشعبط .. هههههههه
|