تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد



التأملات الروحية والخواطر الفكرية يتناول التأملات الروحية للأباء الأولين أو القديسين المعاصرين أو أعضاء المنتدى

مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


فاضلك جناحين و ترفرف

حبايب المسيح الغاليين النهاردة هكلمكم علي مشكلة بتقابلنا في الصلاة ممكن تكون كبيرة في بعض البيوت درجة انها بتمنعنا عن الصلاة هي ( مشكلة المكــــــان ) ساعات المكان

اضافة رد

 
أدوات الموضوع انواع عرض الموضوع

رقم المشاركة : ( 1 )
nana222
ارثوذكسي ذهبي
nana222 غير متواجد حالياً
 
رقم العضوية : 497
تاريخ التسجيل : May 2007
مكان الإقامة :
عدد المشاركات : 6,286
عدد النقاط : 19
قوة التقييم : nana222 is on a distinguished road
Rose فاضلك جناحين و ترفرف

كُتب : [ 12-28-2008 - 01:37 PM ]


حبايب المسيح الغاليين

النهاردة هكلمكم علي مشكلة بتقابلنا في الصلاة ممكن تكون كبيرة في بعض البيوت درجة انها بتمنعنا عن الصلاة هي ( مشكلة المكــــــان )

ساعات المكان بيبقي عائق كبير اوي في طريق اولاد ربنا فكثير من البيوت دلوقتي بتكون ضيقة و الغرف قليلة ...... و فيه ساعات أسر باكملها بتكون عايشة في حجرة واحدة هي بالنسبة لهم غرفة النوم و المعيشة و الاستقبال و كل حاجة او ممكن تكون الغرفة اللي بتصلي فيها مشتركة بينك و بين اخواتك

والمفروض انقانون الصلاة الفردي الواحد يصليه و هو لوحده .. لكن المشكلة الأكبر كمان لو كان اخويا مالوش علاقة اوي بربنا فما يرحبش بالصلاة و يبدأ يقول في كلمات سخرية قاسية خاصة اذا كانوا شباب زي

+ انت فاضلك جناحين و ترفرف

+ ما أنت خلاص بقيت قديس و ها تصعد

+ ماتنساش ابقي خدنا علي جناحك


و غيرها من التعليقات الصعبة اللي بتجيبلنا احباط و بتتعبنا حدا

لـــكـــــــــن


( ليصمت العاقل في هذا الزمان لأنه زمان ردئ) ( عا 5 : 13 )


لأن لو رديت عليهم بكلام وحش ..هتكون عثرة قدامهم .و يقولوا مش هو ده اللي بيصلي و عامل انه بتاع ربنا ..و هتلاقي نفسك دخلت في جدال ..و ينتهي بانك تفقد كل اشتياق في قلبك للصلاة


و احيانا الشيطان يزود الحبكة ان الأم أو الأب يحتاجوا شئ من الغرفة دي بالذات فيخبطواعلي باب حجرتك في نفس الوقت اللي تكون هتبدأ فيه صلاتك ..فماتلاقيش حل غير انك تنهي صلاتك بسرعة و تفتح لهم ؟!!!!!!!

و يبدأ الشيطان في حربه الشديدة بكل قوته علشان يبرد قلبك و يسرق منك حرارته في اشتياقاته لاستكمال الصلاة


لكن يا كل اللي اتعرضتوا لحاجة زي كده عندي ليكم كلام جميل..

vكونوا واثقين ان ثباتكم في جهادك و اصراركم بعزم انكم تصلوا ..ده بيكون امر مخجل و مبكت لأي انسان بيسخر من صلاتك في البيت

vو اكثر من كده كمان ان ربنا من الناحية الايجابية يستخدم صلاتك دي علشان يلين القلوب الحجرية المقاومة علشان يرجعها مرة تانية لحضنه و بالصلاة تبقي كده انت كسبتهم للمسيح

و الخلاصة

كأولاد لربنا اوعي نستسلم لحرب عدو الخير المقاوم و نعلن انتصاره علينا لما نعلن فشلنا في اننا نتغلب عليه بالصلاة بسبب انه وضع لينا مشكلة المكان و احنا بنصلي

و كمان فيه شوية نقط بسيطة ممكن تساعدنا في الموضوع ده


1- حاول تصحي بدري شويتين قبل ما يستيقظ احد و صلي ...

2 – انتظر بالليل حتي يخلو المكان او حتي ينام الجميع و صلي ..بس اوعي تنام انت قبلهم j

3 – روح لأقرب كنيسة و ادخلها و الي صلواتك

4 – ادخل غرفتك و اطلب من والديك ان محدش يخبط عليك لفترة حتي تنتهي من صلاتك و كمان اغلق موبايلك ... علشان ما تتشغلش باي حد يرن عليك

5- صلي لأجل أخوك أو أختك ولأجل اسرتك كلها ان ربنا يلمس قلوبهم ..و يعطيك احتمال لكلامهم ..و بجد بجد هتلاقي نتيجة جميلة بس المهم جرب

و اعرف ان كل ده بيتحسب ليك جهاد عند ربنا ...ليه بركاته و مكافأته و اكليله فامسك في المسيح حبيبك و قول مع عروس النشيد ( وجدت من تبحه نفسي فأمسكته و لم أرخه ) ( نش 3 : 4 ) و هو هيكون فرحك ..و لذتك و بهجتك و تعزيتك و عونك في وقت الضيق و التجربة هو ألزق صديق هيكون لك في العالم لأنه ( المحب الألزق من الأخ )



×أختم كلامي بقصة جميلة بجد عن قد ايه ممكن المكان يعوقنا لكن لو ثبتنا في ربنا و في صلواتنا لأجل الغير قد ايه بيكون التغيير

كان فيه مرة شاب كويس جدا و ابن لربنا بجد اتغرب لأجل كليته و تصادف ان في المسكن اللي أخذه كان عايش ولد صعب جدا بيلعب كوتشينة بالفلوس و بيشرب خمور و كان كل يوم يجيب اصحابة بالليل يعملوا كده

لكن الولد الكويس ده قال دي يمكن فرصة علشان ارجع الولد ده للمسيح .. و كان كل يوم يروح يصلي يقوله ما تيجي معايا نصلي أو يدعيه انه ييجي معاه لو كان رايح الكنيسة لكن رد فعل الولد التاني كان انه يشتمه و يقوله من أفظع الكلام ما لذ و طاب

لكن الولد الكويس مايأسش ..و استمر في صلاته مع ميطانياته و صومه لأجل الولد ده و الحكاية دي استمرت شهور و في يوم من الأيام الولد الكويس ده كان راجع من بره ..و لقي الولد و اصحابة فقالهم انتم اتعشيتم ؟؟؟ قالوا له لأ ..فنزل و اشتري لهم العشا و بعد ما خلصوا قالهم تشربوا شاي قالوا له ياريت ..فعملهم الشاي و كل ده و الولد الوحش مستغرب جدا من تصرفاته دي ..

و تاني يوم الولد الكويس كان رايح الكنيسة وزي كل مرة قاله ماتيجي معايا الكنيسة و لأول مرة يتحرك قلب الولد ده و ينزل معاه الكنيسة ..فسأله في الطريق ..انت اشمعني النهاردة جيت معايا الكنيسة ؟ قاله لأنك استحملتني كل الفترة دي و عمرك ما رديت الاهانة ..و عمرك ما اتضايقت لكن بالعكس كمان خدمتني و عملت عمل محبة كبير لي انا و اصحابي ..و انا نفسي اكون زيك ..و ذهب الولد للكنيسة و اتناول و جلس مع اب كاهن و اعترف له بكل خطأ عمله...


شفتم بجد قد ايه عمل المحبة و الصلاة لأجل الآخرين بتفرق كتير بس نحتمل شوية و نقدم محبة و أكيد ربنا هيلمس قلوب الناس دي و يرجعها لحضنه....



طيب بالنسبة للخفاء في الصلاة ؟!!!!...

مش لو انا قلتلهم انا داخل اصلي دلوقتي ..ممكن يخليني اخالف الكلام اللي السيد المسيح قاله (ان متي صليت فادخل الي مخدعك و اغلق بابك و صل الي ابيك الذي في السماء ..فأبوك الذي يري في الخفاء و يجازيك علانية ) ؟؟؟؟

طيب ممكن اكدب و اقول اني ما صليتش علشان امنع عني شيطان المجد الباطل ؟..

عايزين تعرفوا اجابات للنقط دي تابعونا المرة اللي جايه


............ ......... .


و ماننساش و احنا بنصلي نرفع قلوبنا لاجل كل نفس متألمة ..مريضة ... حاسة بفشل أو احباط ...محتارة ... تايهة .....ياريت نرجع زي زمان ايام الكنيسة الأولي ...اننا نواظب علي الصلاة و نصلي لأجل كل محتاج ....لأن مفيش انسان دلوقتي صدقوني مش محتاج صلاة .يللا كلنا نصلي لأجل بعض .... وربنا قادر يحقق لنا كل طلباتنا ان كانت حسب ارادته

ياريت تجيب ورقة صغيرة و تكتب فيها اسماء كل اللي طالبين صلاتك ...و تذكرهم في صلاتك ..أو تقول

( يارب أولادك في المنتدى اللي طالبين صلاة ..ان كانوا طالبين شفاء أو تعزية أو معونة أو نجاح أو صبر في الشدة أو أطفال..حقق لهم طلباتهم ان كانت حسب ارادتك ..,,


و ان كانت بغير ارادتك ..أعطيهم الصبر و ارشدهم لطريق ارادتك .....و اكشف ليهم عن تدبيرك لخطة حياتهم)




و لا تنسوا الصـلاة لأجل نجــاح و استمراريـة الخدمــــة



رد مع إقتباس
Sponsored Links
بياناتي
 رقم المشاركة : ( 2 )
نبيل نصيف جرجس
ارثوذكسي فضى
رقم العضوية : 2264
تاريخ التسجيل : Sep 2007
مكان الإقامة :
عدد المشاركات : 3,510
عدد النقاط : 21

نبيل نصيف جرجس غير متواجد حالياً

افتراضي رد: فاضلك جناحين و ترفرف

كُتب : [ 12-28-2008 - 06:54 PM ]


امين يا نانا ربنا يباركك ويحافظ عليكى وجميع اللى تتمنية فى سنة جديدة يتحقق وتكونى بركة للجميع


رد مع إقتباس
بياناتي
 رقم المشاركة : ( 3 )
nana222
ارثوذكسي ذهبي
رقم العضوية : 497
تاريخ التسجيل : May 2007
مكان الإقامة :
عدد المشاركات : 6,286
عدد النقاط : 19

nana222 غير متواجد حالياً

افتراضي رد: فاضلك جناحين و ترفرف

كُتب : [ 12-28-2008 - 09:35 PM ]


شكرا نبيل لمرورك الجميل


رد مع إقتباس
بياناتي
 رقم المشاركة : ( 4 )
سمر ماهر
ارثوذكسي متقدم
رقم العضوية : 16246
تاريخ التسجيل : Feb 2008
مكان الإقامة : القاهرة
عدد المشاركات : 258
عدد النقاط : 10

سمر ماهر غير متواجد حالياً

افتراضي رد: فاضلك جناحين و ترفرف

كُتب : [ 12-29-2008 - 12:36 AM ]


ميرسي جدااااا ليكى يا بنت المسيح وربنا يباركك بس الموضوع فوق راااااااااائع و دة بيحصل كتير معايا وسببلي نوع من الاحباط و انا نفسي اصلى و قراءة الكتاب ا لمقدس بالذات من غير ما حد يعرف بس للاسف بيعرفوا و ساعات محدش يعلق و ساعات بسمع كلام زى اللي قلتية و سلام المسيح معاكى

رد مع إقتباس
بياناتي
 رقم المشاركة : ( 5 )
nana222
ارثوذكسي ذهبي
رقم العضوية : 497
تاريخ التسجيل : May 2007
مكان الإقامة :
عدد المشاركات : 6,286
عدد النقاط : 19

nana222 غير متواجد حالياً

افتراضي رد: فاضلك جناحين و ترفرف

كُتب : [ 01-02-2009 - 01:59 PM ]


شكرا سمر لمرورك الجميل

رد مع إقتباس

اضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 06:00 PM.