[جناح المسيح]

ترنيمة
بابا يسوع

للاطفال الصغار

بابا يسوع يا حبيبى يا غالى هاقف اصلى بصوت مش عالى
هاقف حاطط ايدى فى جانبى او رافعهالك فى العالى

طالب منك انك تبقى معايا ويايا فى مدرستى
واذاكر واجيب علطول اعلى درجات فى كراستى
وطالب منك انك تبقى مع بابا وماما واخواتى
وانك تبقى دايما جانبى وتسهلى كل حياتى

وتعلمنى يارب اسامح كل اللى بيجرحونى
وتعلمنى يارب احب كل اللى بيكرهونى
وتعلمنى ازاى اتعلم الالحان والروحيات
وتعلمنى ازاى اتكلم من غير ما ادخل فى متهات

نفسى ابقى واد كويس وابقى كمان واد متواضع
ومعملش فيها الريس والكل لاوامرى خاضع
عارف انى ممكن ابقى واد فى الظاهر ملهوش حل
لكن من جوايا اشقى واوحش واحد كده على الارض

لكن نفسى ياربى يسوع تبقى معايا فى كل حاجه
بس بعد فتره ما الاقى انى بتعامل بسذاجه

نفسى لما اكون فى موقف صعب ومحتاج تفكير
الاقى ارشادك ليا بحيث انى انا ما بقاش صغير
ابقى صغير اه مش فارقه لكن بيك اكون كبير
علشان برضه احس ياربى انى انا ابن القدير

+++
من تاليفى
للاطفال الصغار
اذكرونى فى صلاتكم
انطونيوس جرجس

المصدر: †† ارثوذكس †† - من قسم: القسم الادبي

[عماد حسنى]

جميله اوى اوى يا انطونيوس
كلمات روعه بجد

[ماروجيرافك]

كلمات جميله اوي يا غالي
ربنا يباركك

[جناح المسيح]

المشاركة الأصلية كتبت بواسطة عماد حسنى جميله اوى اوى يا انطونيوس كلمات روعه بجد

متشكر خالص يا عماد
على تشجيعك ومرورك اسعدنى
اذكرنى فى صلاتك
انطونيوس جرجس
توتو

[samornotika]

حلوة اوى ميرسى ليك و ربنا يباركك و يكون معاك و يفرح قلبك

[جناح المسيح]

المشاركة الأصلية كتبت بواسطة ماروجيرافك كلمات جميله اوي يا غالي ربنا يباركك

متشكر خالص يا مارو جرافيك
على تشجيعك ومرورك اسعدنى
اذكرينى فى صلاتك
انطونيوس جرجس
توتو