[b o b b a]

حتي الصحاب معدش ليهم امان
ليك اسود ولغيرك كل الالوان
وقت الضيق والشده بعيد
وفي الفرح تلاقي كل الحنان

يا بن ادم بقي عيب عليك
حتي لصاحبك الغدر في عينيك
ارجع يابني ادم وخليك انسان
وخد اللي ليك وافي اللي عليك

ماشي في الدنيا تطيح وتخون
خلاص يعني بقيت مجنون
حتي صديقك رفيق طريقك
مسلمش منك زي باقي الكون

عرف هي ايه معني الصداقه
ولا شاطر تقول الكدب بطلاقه
وواخد الدنيا بطيشك ودراعك
وفاكر ان هي دي بقي الحداقه

مهما عليت هتوصل لحد فين
التراب هو الوحيد اللي يملي العينين
عينين الحقد والجشع والغيره
حتي لو جمعت كنوز وملايين

هتفضل برده انت هو انت
فاكر انك هتملك الدنيا بالاونطه
ارجه يا بني ادم ارجع
واتغير ومتفضلش زي مانت

رحم الله امرؤ عرف قدر نفسه
والبني ادم مش بلبس لبسه
ابعد عن الدنيا والمظاهر الكدابه
وكمان لو كل واحد يخليه في نفسه

الحقد والغيره خلاص ملوا قلوبنا
من عينينا الحاسده ايه هينوبنا
ارجع يا بني ادم بقي ارجع
وخاف علي اخوك ولو هنبيع هدومنا

وياريت كمان تكرم اباك وامك
مين غيرهم في الدنيا دي هيلمك
دول هما اللي بسببهم انت جيت
ومفيش حضن غيرهم ضمك

انا عارف انا طولت عليكم كتير
بس كان نفسي كل واحد يبقي عنده ضمير
ويمشي علي وصايا اله وربه
لانك مهما كبرت برده ليك كبير

معلش طولت عليكم

المصدر: †† ارثوذكس †† - من قسم: القسم الادبي

[ظريف]

كلمات رائعه جدا يا bobba ربنا يحرسك
ويحافظ عليك ويبعد عنك توقيعك

[M@@@NOOOO]

كلام حلو اووووى ورائع جدا
وربنا يحافظ عليك ويبعد عنك الاصدقاء اللى ملهمش امان
ربنا يبارك حياتك ومنتظرين المزيد من كلامك الجميل ده

[minabobos]

ميرسى خالص يا بوب
يا جميل ع الكلام الجميل اوى ده
ربنا يجعل ايامك فرح

[b o b b a]

المشاركة الأصلية كتبت بواسطة ظريف كلمات رائعه جدا يا bobba ربنا يحرسك ويحافظ عليك ويبعد عنك توقيعك

ههههههههههههههههههههههههه هههههههههههههههههه
شكرا ياستاذ ظريف علي ردك اللي بجد ظريف واسعدني واتمني اشوشفك دايما في مواضيعي ربنا معاك

[b o b b a]

المشاركة الأصلية كتبت بواسطة M@@@NOOOO كلام حلو اووووى ورائع جدا وربنا يحافظ عليك ويبعد عنك الاصدقاء اللى ملهمش امان ربنا يبارك حياتك ومنتظرين المزيد من كلامك الجميل ده

شكراااااااااااااا ليك يا حبيبي مستنيك الخميس الجاااااااااااااااي ربنا معاك ويجيبك بالسلامه وانا ان شاء الله هشارك في الاضراب

[b o b b a]

المشاركة الأصلية كتبت بواسطة minabobos ميرسى خالص يا بوب يا جميل ع الكلام الجميل اوى ده ربنا يجعل ايامك فرح

يارب يا بوبوس تبقي ايام الجميع فرح شكرا علي رد الجميل ربنا معاك

[كرستين]

ايه الكلام الجامد ده بس شعر حلو قوووووووووووووووووووووى يسوع معاك ويرعاك

[اسامة ثروت]

رئع ياباشا مش تقولى الى انا بكتبة دة شعر بس نصيحة منى حط تحت اسمك شاعر بالياس زى ما انا كاتب شاعر الاحزان هههههههههه
بجد موضوع رئع تسلم ايديم ومنتظر الميز من تلك الاعمال المميزة

[b o b b a]

المشاركة الأصلية كتبت بواسطة كرستين ايه الكلام الجامد ده بس شعر حلو قوووووووووووووووووووووى يسوع معاك ويرعاك

كرستين اول مشاركه ليكي في المنتدي تبقي عندي انا سعيد يارب اشوفك في كل مواضيعي ربنا معاكي