[روفــــا]

كان يوم غريب
كان يوم عجيب
كان نفسي قلبي يخرج مني و يمشي بعيد
كان حتة يوم
كان في حياتي اجمل يوم
نسيتينى فيه كل الهموم
مجرد ما عنيا جت في عينك
و ايدي مسكت ايدك
حسيت ساعتها اني بقيت حبيببك
قولت كلام كتير
و انتى قولتى اكتر
و من ساعتها حبك جوه قلبي عمال يكبر
من ساعتها مسبتنيش
و قولتيلى نفسي جنبك اعيش
و لو خدو مني روحي عمري مبعكيش
ياللي انتى ارق و اجمل ملاك
هعيش حياتي كلها وياك
و لا يوم اقدر انسى حبك و هواكى
مستعد اقف في وش الكون كله عشان خاطرك
ده انا عيني بيملاها نور كل ما تشوف صورتك
و قلبي بيتنطط من الفرحة كل ما يسمع سيرتك
انا حاسس ان ربنا عوضني بيكى
بعد سنين التعب و الالم اللي عشتها من قبلك
و هيقويني الحب الموجود جوايا ليكى
انتى حياتي و بس
و بحد غيرك مقدرش احس
بحبك هقولهاك انتى بس
بـــحـــبـــك

المصدر: †† ارثوذكس †† - من قسم: القسم الادبي

[el gamed]

كلام حلو اوووى
ربنا يبارك حياتك ياروفا

[عماد حسنى]

روفا موضوع جميل جدا جدا
وكلمات واضح انها فعلا من قلبك ربنا معاك ويفرحك دايما
بس لو كنت كتبت الموضوع فى الادبى كنا جبنالك حاجه ساقعه
موضوعك جميل بجد ومنتظرين المزيد

[القطة كيتي]

و من ساعتها حبك جوه قلبي عمال يكبر
من ساعتها مسبتنيش
و قولتيلى نفسي جنبك اعيش
و لو خدو مني روحي عمري مبعكيش
ياللي انتى ارق و اجمل ملاك
هعيش حياتي كلها وياك

ربنا يفرح قلبــــــــــــــــــــــ ــــــــــــــــــــــك

[القطة كيتي]

المشاركة الأصلية كتبت بواسطة عماد حسنى روفا موضوع جميل جدا جدا وكلمات واضح انها فعلا من قلبك ربنا معاك ويفرحك دايما بس لو كنت كتبت الموضوع فى الادبى كنا جبنالك حاجه ساقعه موضوعك جميل بجد ومنتظرين المزيد

طيب اكتب انا ياعماد في الادبي وتجبلي حاجة ساقعة هههههههههههههههههه

[عماد حسنى]

المشاركة الأصلية كتبت بواسطة القطة كيتي طيب اكتب انا ياعماد في الادبي وتجبلي حاجة ساقعة هههههههههههههههههه

حاجه ساقعه وشيكولاته يا كيتى علشان شكلك بتحبيها
انا بهزر مع روفا طبعا هو يكتب فى اى مكان المنتدى كله ينور بكتاباته بس المكتوب شعر اكتر
ولما يكتب شعر يبقى فى قسم الشعر ولا احنا نبطل شغل بقى
مستنى كتاباتك فى الادبى يا انسه كيتى بس حاجه جامده من حاجاتك الكبيره

[روفــــا]

شكرا يا جماعة على ردودكم الجميلة دى وعلى مروركم وانتوا بجد نورتوا موضوعى
وبقول للاستاذ عماد شكرا على الحاجة الساقعة وصلت يا جميل وبشكرك بس متجبش حاجة لكيتى علشان هتاخد موضوعى وتكتبه عندك ويا عم انا هكتب ازاى فى القسم الشعر وانت موجود مينفعش القسم دة كانه معمول ليك انا مستهلش انى اكتب حاجة بجد والقسم بيتاعك هيفضل شغال وهيبقى جميل متخافش وموش هتقفله هتقفله بس ساعة ما تقرا مواضيع فى القسم الموضوعات الشبابية
ومتزعليش يا كيتى انتى تكتبى مواضيع احسن من كدة

[piroocool]

الووووووووووووووووووووووو ووووووووووووووووووووووووو ووووووووووووووووووووووووو وووو


ايه الكلام الجدامد ده يا روفاااااااااااااااااااااا اا
ايه الحلاوة دى

[روفــــا]

المشاركة الأصلية كتبت بواسطة piroocool الووووووووووووووووووووووو ووووووووووووووووووووووووو ووووووووووووووووووووووووو وووو ايه الكلام الجدامد ده يا روفاااااااااااااااااااااا اا ايه الحلاوة دى

ربنا يخليك انت نورت موضوعى وشكرا على مرورك

كان في حياتي اجمل يوم
نسيتينى فيه كل الهموم
مجرد ما عنيا جت في عينك
كلماتك جميله جدا وكلها احساس ربنا يفرح قلبك