[emmmy]

على فكرة الاختلاط مش فى ثانوى الاختلاط فى اعداى ودة اثر على اجتماع ثانوى لانة مفهوش الاختلاط االلى هما متعودين علية
بونا اقتنع انة مش المفروض يكون فى اختلاط فى السن دة لكن اعداى شايف انة عادى


ثانيا انت بتقولى متسبيش الخدمة الا اذا اغلق الله الباب دا انا هعرفة ازاى ويعنى اية اغلق اللة الباب

[aymonded]

معنى اغلاق باب الخدمة أنه من الصعب ذهابك مرة أخرى أو الخدمة في هذا المكان تُغلق لأي سبب من الأسباب بحيث أنه لن تتمكني حتى لو أردتي من الذهاب ، ولكن طالما كان الباب مفتوح أي مجال الخدمة متاح تظلي تخدمين حتى لو كانت مخدومة واحدة فقط هاتستفاد ، ولا ترفضي الخدمة أو تتركيها والتي بدأتيها بنعمة الله ...

هو موضوع الاختلاط مشكلة مجتمع ومش ينفع نعمل اختلاط في إعدادي وبعدين نمنعه في ثانوي لأن ده بيأثر جداً كما ترين ، فمن المفروض منذ أعدادي مش يكون فيه اختلاط ، لأن لا يوجد تربية جنسية سليمة عندنا في مصر من الأساس ولا معرفة التعامل مع الجنس الآخر موجود عندنا بطريقة سوية فيها تقوى ومخافة الله !!! فالمشكلة واسعة وتحتاج لممارسة روح أبوة وتسليم تعليم سليم يتوافق مع هذه الأحوال ، مع تربية سليمة وسوية تقدم فيها أمثلة حية من الخدام والخادمات في تعاملهم سوياً في نور الله الحلو تحت قيادة أب محنك وأم روحية تمتاز بالثقة والتدقيق ، ولكن للأسف لا يوجد عندنا هذه المقومات الروحية والنفسية حتى يتثنى أن نسمح بالاختلاط السوي !!!

أقبلي مني كل تقدير ، النعمة معك

[emmmy]

انا مقتنعة بكل كلمة بتقولها صدقنى ودة رايى انا كمان بس انا مش فى ايدى حاجة فى امين خدمة وفى اب كاهن مسئول
وهما للاسف مش شايفين التاثير دة انا اللى شفتة من خلال التعامل معاهم وعرفتة من خلال الكلام معاهم
عموما انا شاكرة محبتك وابداعك فى الرد
الرب يبارك حياتك ويثمر فى خدمتك
ارجوك صلى من اجلى

[aymonded]

أنا عارف طبعاً أنك مش ليكي أي علاقة بما يحدث وأهي دردشة مع بعض في إطار تصحيحي لمشاكل الخدمة الناتجة عن التصرف بعجالة وحسب الرأي الشخصي وليس الآبائي في التدبير ، فلنصلي بعضنا من أجل بعض يا محبوبة الله ومن أجل الخدمة حتى أن الله يعطي حكمة للجميع ، لكي ما تُثمر الخدمة لحساب مجد الله الحلو ، النعمة معك كل حين

[ماروجيرافك]

سلام ونعمه اخوتي الاحباء
اسمحلو لي اني اقول رائي
انا شايف ان ممكن عشان تتغلبي علي موضوع المممل علي راي البنات
ممكن انك تعملي اجتماع كل فتره يضم البنات والاولاد مع بعض في صيغه ندوه مثلا او يوم روحي
ويكون مضمون الندوه عن المشاكل الشبابيه او الاختلاط مثلا بعيدا شويه عن المواضيع الروحيه الروتنيه الي متعودين عليها طول السنه
عشان يكون في نقاش عام وتفاعل بين الشباب والشبات
ملحوظه: الافضل يكون الخادم او المتكلم من خارج الخدمه بمعني يكون من كنيسه اخري وده للحفاظ اكتر علي النظام طبعا لم اقصد ان خدام المنطقه معندهمش نظام لا لكن لما يكون في خادم من الخارج الاولاد هيتحرجو ه لحد ما
وممكن برده تعملي مسابقه مشتركه بينهم مش لازم يوكونو متواجدين طول الوقت مع بعض لا كل اجتماع هيحضر المسابقه ويجمعه في يوم معين ليتم التسابق

اما معلش مساله انك تسيبي الخدمه معلش مش بمزاجك دي وزنه ربنا ادهالك وهو الي بيده ياخدها او يسبها معاكي
صلي واطلبي المعونه من اجل اولاده وخدمته
انا اسف للتطويل
الرب يبارك ثمره الخدمه

[emmmy]

المشاركة الأصلية كتبت بواسطة aymonded أنا عارف طبعاً أنك مش ليكي أي علاقة بما يحدث وأهي دردشة مع بعض في إطار تصحيحي لمشاكل الخدمة الناتجة عن التصرف بعجالة وحسب الرأي الشخصي وليس الآبائي في التدبير ، فلنصلي بعضنا من أجل بعض يا محبوبة الله ومن أجل الخدمة حتى أن الله يعطي حكمة للجميع ، لكي ما تُثمر الخدمة لحساب مجد الله الحلو ، النعمة معك كل حين

مرسى يا ايمن على محبتك ومشاركتك والدردشة الجميلة المفيدة لينا كلنا
وصح عندك حق لازم نصلى من الخدمة ومن اجل بعضنا وربنا يتمجد
اقبل منى كل التقدير والاحترام الرب معك

[emmmy]

المشاركة الأصلية كتبت بواسطة ماروجيرافك سلام ونعمه اخوتي الاحباء اسمحلو لي اني اقول رائي انا شايف ان ممكن عشان تتغلبي علي موضوع المممل علي راي البنات ممكن انك تعملي اجتماع كل فتره يضم البنات والاولاد مع بعض في صيغه ندوه مثلا او يوم روحي ويكون مضمون الندوه عن المشاكل الشبابيه او الاختلاط مثلا بعيدا شويه عن المواضيع الروحيه الروتنيه الي متعودين عليها طول السنه عشان يكون في نقاش عام وتفاعل بين الشباب والشبات ملحوظه: الافضل يكون الخادم او المتكلم من خارج الخدمه بمعني يكون من كنيسه اخري وده للحفاظ اكتر علي النظام طبعا لم اقصد ان خدام المنطقه معندهمش نظام لا لكن لما يكون في خادم من الخارج الاولاد هيتحرجو ه لحد ما وممكن برده تعملي مسابقه مشتركه بينهم مش لازم يوكونو متواجدين طول الوقت مع بعض لا كل اجتماع هيحضر المسابقه ويجمعه في يوم معين ليتم التسابق اما معلش مساله انك تسيبي الخدمه معلش مش بمزاجك دي وزنه ربنا ادهالك وهو الي بيده ياخدها او يسبها معاكي صلي واطلبي المعونه من اجل اولاده وخدمته انا اسف للتطويل الرب يبارك ثمره الخدمه

مشتكرة اوى يا ماريو على مشاركتك ومحبتك
وفكرة الندوة دى جميلة احنا بنعملها بس مش كتير لظروف معينة
عموما انا هحاول اتكلم مع ابونا تانى واشرحلة تاثير اختلاط مرحلة اعداى على اجتماع ثانوى وربنا يدبر بقى دى خدمتة وهو قادر ينميها لمجد اسمة
وانت وايمن مش موافقين انى اسيبها برغم انى قلت لكم مش عارفة اتصرف وانى هرجع كنيستى وخدمتى الاصلية
انا هعتبر دة صوت ربنا بيكلمنى على لسانكم وافكر تانى وربنا يدبر
ارجوك صلى من اجلى الرب معك

[ماروجيرافك]

صديقني ايمي الخدمه دي نعمه بجد وحقيقي الي بيخدم بيخدم نفسه الاول ومش هتحسي بكده الي لو سبتي الخدمه عشان كده بقولك بلاش اخدمي ولو بنت واحده عدو الخير متربص لينا لكن بقوه الرب ومعونته هنتغلب علي
الرب يبارك ثمره خدمتك

[emmmy]

المشاركة الأصلية كتبت بواسطة ماروجيرافك صديقني ايمي الخدمه دي نعمه بجد وحقيقي الي بيخدم بيخدم نفسه الاول ومش هتحسي بكده الي لو سبتي الخدمه عشان كده بقولك بلاش اخدمي ولو بنت واحده عدو الخير متربص لينا لكن بقوه الرب ومعونته هنتغلب علي الرب يبارك ثمره خدمتك

• صح طبعا عندك حق
  
• ربنا يبارك الخدمة فى كل مكان
  
• مرسى يا ماريو ربنا يخليك

[ريم الخوري]

ممكن اشارك
اخت ايمي انت محملة الموضوع حجم اكبر من حجمة معرفش يمكن البيئة الاجتماعية كتير بتلعب دور في الموضوع بالدرجة الاولى بس تخطينا هل موضوع بنعمة ربنا
انتي طلبتي تجربتي بهل موضوع كمركز مدرسة احد
اوكي نحنا عندنا الاختلاط موجود في كل المراحل من اول المراحل حتى مرحلة الشبيبة رويتنا بهل موضوع منطلقة من قصة الخلق الله خلق ادم وحواء ميش منفصلين داء مع داء الاختلاط بيسمح ان الواحد يتعرف بطرقة ما على الاخر بنظرة تقاربية سليمة وموجهة روحياً ...مينفعش ابدا تبقي معودة الخادم على الاختلاط وتجي في مرحلة من المراحل وشوفي في الثانوي بالذات في مرحلة حساسة وتفصلي ... يقولك في عقلة ... لة حصل الفصل وتبتدي عملية التدقيق والبحث عن الاسباب ودي تبقي بداية غير جيدة في الخدمة لانة رح يوجة طاقاتة في هذة المرحلة(المراهقة) باتجاهات بعيدة وغير سليمة لذلك استمري في الخدمة مع الدمج لانة داء لية فوائد كتير في التنمية السليمة للشباب او للفتيات في هذا المرحلة
طيب هاد شو بيطلب منك كخادمة
اولاً يبقي معك خادم متوسط العمر لهو كبير ولا هو صغير قريب كتير من عمر الفرقة ... على شان يبقي في انسجام وبنفس الوقت اتزان نفسي بين الخادم والمخدومين
معناتوا اتفقنا على وجود خادم وخادمة وانت عارفة ميش بحاجة لتوضيح لية خادم وخادمة واحنا عندنا داء
نجي على الدور الاجتماعي
اعتقد ان الكثير من المخدومين بينقلوا على مدارس الاحد مجمل وملخص لحياتهم بمعني اي هو في البيت نظرة الاهل للامور بتترجم على الطفل او الشب او المخدوم ومن هون بتيجي المشاكل اللى ممكن تواجة الفرقة المختلطة بشكل عام يبقي الدور الاجتماعي لية اثر وعلينا نحنا بتغير هذا الانطباع بخلق جو نفسي صحي ان كان روحيا او نفسياً للخدام بحيث يشعر الاهل بالجدية بان اولادهم بايدي امينة بيتصرفوا كما يليق بابناء النور وممكن كمساعدة في تغير النظرة تشركي الاهالى في بعض امور مدارس الاحد

يعني هلا الوقت بيتطلب الدمج على شان يقدر الشاب او الفتاة يتخطي امور كتير ممكن تتفهم باتجاهات بعيدة عن التوجية السليم لهذة المرحلة ولية مكتونش من باب ديني روحي بعدين في البيت ولد وبنت في الشارع ولد وبنت في الجامعة ولد وبنت وفي الشغل ولد وبنت والله اعلم عن طبيعة البئية اللي بختلطو فيها انتي ميش بتعملي شي مخالف للطبيعة المتعودين عليها ما في الحياة العامية اختلاط لية ميبقاش في مدرسة الاحد اختلاط .... ميش عارف لية يعني برائي في مدارس الاحد بيكون الوضع فية رعاية وتوجية روحي سليم ميش الحبل على الغالب ..
داء احنا في مدارسنا ....
هاد مختصر يا ايمي بس في عندي كتاب خاص بمدارس الاحد اسمة مع تساؤلات المرشدسن
فية موضوع عن تربية مختلطة ام منفصلة والفرقة المختلطة واهميتها في مرحلة المراهقة
انشاللة اقدر انقلك محتواة بصورة ملخصة عن وقت قريب
على فكرة في افكار كتير حلوة عرضت في الموضوع يا ريت تاخديها بالاعتبار
واية حكاية تسيبي انا معرفش ظروف الخدمة عندك بس اقدر اقولك خلى ربنا قدامك في كل خطوة وربنا يساعد انشاللة بتعرفي في ناس بيروحوا من منطقة لمنطقة تاني على شان حياة الخدمة اوعيييييييييييي



النعمة معاكي

موضوع حلو يا رب فدتك في عجالة