[joseph565656]

الكمبيوتر بتاعى عجيب جدا
ممش لاقيله حل
اول ما اشغله يشتغل شوية و بعدين يعمل restartلوحدة كدة لغاية ما حسيت ان فيه عفريت
ممكن يعمل 5 او 6 ريستارت ورا بعض و يشتغل
و ساعات يفضل يعمل ريستارت و يدينى شاشة زرقا فاضية خالص مفهاش و لا كلمة
سالت اصحابى قالولى غيرله ويندوز . نزلتله الويندوز و حطيت (ديب فريز) علىdrive c اوكى؟
اشتغل بتاع اسبوع و بعدين رجع تانى
قالولى طلع الram و امسحها و غير مكانها
عملت كدة و زى ما هو
دة حتى دلوقت ممكن اكون شغال على النت و يروح يعمل ريستارت لوحدة
انا عارف انى كترت الكلام بس بصراحة تعبنى بجد.
شكرا

المصدر: †† ارثوذكس †† - من قسم: قسم طلبات البرامج

[aymonded]

سلام لنفسك يا احلى غالي
هو حاجة من الأتنين ليس لهم ثالث ؛ يا إما الباور سبلاي فيه مشكلة لأنها كانت عندي نفس الحالة ولما اتغير الباور سبلاي مش عمل ريستارت تاني ، وممكن تحاول تجرب اي باور سبلاي آخر من عند أي صديق يقدر يساعدك ....

أو هناك فيرس موجود وانت مش تعرف فبيعمل دايماً ريستارت !!!
مع أني مرجح موضوع الباور سبلاي أكتر !!!

ويمكن لو حد تاني دخل الموضوع يعرف يفيدك أكتر مني ، أو يرجح شيء آخر غير ما انا قلته ...
النعمة معك يا صديقنا الرائع

[joseph565656]

شكرا يا استاذ ايمن ربنا يساعدك بجد مشارك فى كل موضوعات ارثوذوكس

[aymonded]

النعمة معك يا أحلى غالي ويارب اكون عرفت افيدك بحاجة
وربنا يسهل وتتحل المشكلة عندك يا جميل
أقبل مني كل تقدير لشخصك الغالي

[joseph565656]

شكرا انا مش عارف اشكرك ازاى

[aymonded]

على أيه تشكرني يا صديقنا الرائع ، انا مش عملت حاجة يا جميل
انا اقترحت اقتراح ليس إلا حسب خبرتي الصغننة
والله وأعلم بالنسبة ليك كانت صح والا غلط
أقبل مني كل تقدير لشخصك المحبوب
النعمة معك كل حين

[pharaon]

المشكلة مشكلة بور سبلاى فعلا مش فايرس لانه قال كان مسطب ديب فريز وعمل معاه نفس الموضوع....شوف هقولك حل تجربه شيل الكابل اللى فى الهارد ديسك وغيره بكابل تانى يجوز الكابل بس هو اللى فيه المشكلة مش البور سبلاى نفسه

[مصري مكبر دماغة]

الاول عشان نعرف
بص يا سيدي
لو كان في عيب في الباور سبلاي حتلاقية بيسخن بدرجة غير طبيعية مكنتش موجودة قبل كدة
انتا ممكن تجرب اي باور في اي حتة
اما لو مكنش
ممكن يكون عيب في المازر
عيب المازر اللي بينطبق علي حالتك حسب وصفك للحالة
بيكون من ضعف مكثفات المازر بورد
الحل
بعد التاكد من الباور والتاكد من خلو الجهاز من الفيروسات والتاكد من صلاحية الرامة
تزهب اي ضمان المازر مثل مترا مثلا او الشركة اللي اشتريت منها الجهاز
وتقولة يعملك تيست للمكثفات
لو طلعت لا تصلح يبقي تغيرها
----
اي استفسار لا تتردد

[مينا+لكم]

شوف مروحة البروسسير بتبرد بدرجة كافية ادخل على شاشةالبايس وشوف درجة حرارة البروسيسر كام ومنالطبيعى انها تكون فى الرنج من 50 الى60 اعلى من كدة يبقى البروسيسر بيسخن عشان كدة بيرستر الجهاز معاك