[tota _2010]

اصحى يا بنى
النهاردة العيد
وآديك لابس اللبس الجديد
ما ترد يا بنى .. فوق
اصحى
اصحى
قبل ما يقفلوا الصندوق ..
------------ --------- --------- --
قالولى يا ولدى كنت جاى
خرجت من الكنيسة وجاى
قوللى طعم الغدر إزاى؟
طعم الموت إزاى ؟
يا ترى قولت آى ؟
ولا مت من سكات
ولدى مات ؟
مات فى ليلة العيد
ولدى يا ناس شهيد ..
شايفك جاى من بعيد
شايل صليب وسعيد
بس قلبى محروق
وانت هنا قدامى
جوا صندوق
------------ --------- --------- --
يا ابن عمرى
إتسرق العمر منى ..
سنين أكبر وانمى
وأروى ارض عمرك بدمى
وفى يوم العيد
يتسرق الحلم منى
فينك يا ابنى
------------ --------- --------- --
لسه فاكرة ضحكتك
وبسمتك
ورقتك
واول مرة مشيت
لسه فاكرة خطوتك
ولما اتكلمت
ولما كبرت
وبيك فرحت
لما يوم نجحت
فرح نور دنيتك
ويوم العيد لما نزلت
مكنتش عارفة
انى دى اخر سكتك ..
------------ --------- --------- --
لبسوه البدلة لبسوه
ابنى عريس وبيزفوه
عين امه
سند ابوه
اصحى يا بنى فوق
انا عريس يا اما ؟؟
ايوة يا ولدى ..
بس فى صندوق
------------ --------- --------- --
صليبى يا ولدى تقيل
انا من اليوم ده راحيل
دموعى كما بحر النيل
وحزنى كما الليل
طويل .. طويل
كل جرح فى الدنيا
ممكن يروق
الا انى اشوفك يا نضرى
فى صندوق ..
------------ --------- --------- --
اصحى يا وطن
النهاردة كان العيد
واديك لابس رصاص وحديد
وابنى على بابك شهيد
ما ترد يا وطن .. فوق
اصحى
اصحى
قبل ما يقفلوا الصندوق ..




م
ن
ق
و
ل

المصدر: †† ارثوذكس †† - من قسم: القسم الادبي

[menovich]

قبل ما يقفلوا الصندوق

فليرحم الرب جميع شهدائة ويعطينا الصبر والقوة

شكرآ ليكى توتا واسمحى لى بنقلة الى القسم الأدبى

[zaza2006]

كلمات مؤثرة اوى ربنا يرحمنا بجد
شكرا لتعبك

[tota _2010]

المشاركة الأصلية كتبت بواسطة menovich قبل ما يقفلوا الصندوق فليرحم الرب جميع شهدائة ويعطينا الصبر والقوة شكرآ ليكى توتا واسمحى لى بنقلة الى القسم الأدبى

ميرسي لمرورك ومحبتك الجميله يا menovich بجد......وربنا يعطينا سلام ومحبة لشعبه

الرب يبارك حياتك

[tota _2010]

المشاركة الأصلية كتبت بواسطة zaza2006 كلمات مؤثرة اوى ربنا يرحمنا بجد شكرا لتعبك

ميرسي لمرورك ومحبتك الجميله يا zaza 2006......ربنا يعزيهم بجد

الرب يبارك حياتك

[nermos1982]

بجد مش لاقية تعليق ممكن اقوله.
ربنا بجد يرحمنا ويصبر اهالى الشهدا ويقويهم

[mero only]

ربنا يرحم اولاده ويعزى اهاليهم

[kottah_sh]

كلمات صعبه جداااااااا جدا
ربنا يرحمنا ويرحم اهلهم ويصبرهم
ميرسى لنقلك الموضوع
ربنا معاكى ويباركك

[الناى الحزين]

يارب ارحم عبيدك
شكرا على الموضوع الصعب

[tota _2010]

1 - ميرسي ليكي nermos 1982 علي مرورك ومحبتك الجميله دي

2 - يارب يا mero وميرسي علي مرورك ومحبتك الجميله دي

3 - يارب يرحمنا ويعزي اهاليهم بجد ..ميرسي ليكي kottah علي مرورك ومحبتك الجميلة دي

3 - اكيد هيرحمنا ومش هيسنا كده ابداا....ميرسي يا ناي الحزين علي مرورك الجميل ومحبتك

الرب يبارك حياتكم