[عماد حسنى]

كل يوم بنزعلك


عايشين فى عالم .. بس تاهت خطاوينا
شايفين الحقيقه .. بس الغشاوه على عينينا

وكل يوم بنزعلك .. ونزيد فى جهلنا وذنوبنا
تريحنا يارب ونتعبك .. وبتكتر فينا عيوبنا

الشر بقى ساكن فينا .. عشش فى قلوبنا ومالينا
غير ملامحنا وبقينا .. بوشوش مش لاقيه علينا

وكل يوم بنزعلك .. ونزيد فى جهلنا وذنوبنا
تريحنا يارب ونتعبك .. وبتكتر فينا عيوبنا

سبنا إيديك ومسكنا .. فى حبال دايبه اتمسكنا
ووقت اتعابنا وضيقاتنا .. نصرخ وننادى انجدنا

وكل يوم بنزعلك .. ونزيد فى جهلنا وذنوبنا
تريحنا يارب ونتعبك .. وبتكتر فينا عيوبنا

سامحنا يارب يا كل النجاه .. سامحنا يا الهنا يا سر الحياه
أملك حياتنا أملك عمرنا .. كن لينا بكره ويومنا وامسنا

سامحنا ياربى مش هنزعلك .. هنتوب عن جهلنا وذنوبنا
هتريحنا يارب ونتبعك .. هاتصلح بايديك كل عيوبنا

المصدر: †† ارثوذكس †† - من قسم: القسم الادبي