[MOSHAOK]

هنتعلم مع بعض كيفية إدخال صور داخل الكتابة وليكن المثال لنا هذه الصورة:

1- هنكتب كلمة jesus بس ياريت الفنط يكون عريض علشان الصورة تظهر كويس

2- بعد كده هنجيب صورة وناخد بالنا ان يكون ترتيبها أعلى من الصورة وللتأكد نضغط ctrl+shift+< (كنترول + شيفت + اكبرمن) هنلاقي ان لير الصورة أصبح أول الللايرز


3- يجب ان تكون الصورة تغطي الكتابة تماما


4- نضغط ctrl+G هنلاقي الصورة دخلت داخل الكتابة

6- نضغط ctrl+e علشان ندمج الصورة مع الكتابة
7- من قائمة لاير نفتح لاير ستايل ونختار بفيل ونعمل بيفيل مناسب

ياريت كل واحد يعمل حاجة ويعرضها

المصدر: †† ارثوذكس †† - من قسم: منتدى تعليم الفوتوشوب ودروس وملحقات

[رويس]

الطريقة فيها حاجه غلط او خطوة ناقصه
انا فضلت اعملها ومش راضي ابدا يحصل
يعني بجيب لاير الصورة فوق الكتابه ولكن لما ادوس Ctrl+G
مش بيحصل اي دمج خالص ولكن بيعمل جروب جديد ولما ادوس Ctrl+E
برضوا مش بيحصل حاجه
انا بستخدم CS5

[MOSHAOK]

شكرا ليك يا رويس
إتاكد أنك واقف على اللاير الخاص بالصورة

وبطريقة تانية اقف بالماوس مع ALT بين الصورة والكتابة بالظبط هتلاقي شكل الماس تغير الى دائرتين مدمجين مع بعض مكان السهم الاحمر في الصورة وإضغط كليك واحدة هتلاقي الصورة دخلت في الكتابة كما هو موضح في الصورة التالية

[elphilasouf]

درس حلو أوي يا سامح
ميرسي ليك

[رويس]

ايوة الطريقة التانية دي تمام ياباشا
وعلي فكرة اللي بنعمله ده مش اسمه Group يعني مش بيتعمل بالـ Ctrl+G
ولكن هو حاجه تانيه انا مش فاكرها خالص للاسف حالياً بس انا كنت عملتها في تصميم من تصميماتي، أو يمكن السبب في اني بستعمل أصدار فوتوشوب مختلف عن اللي انت بتستخدمة، علي كلاً ياباشا بجد الدرس جامد اوي ورغم انه سهل ولكني كنت بحتاجه بشدة ومكنتش بعرف اعمله.
ده تطبيقي ياباشا

[Team Work®]

الله ينور عليكم بجد هايل جدا جدا جدا

[elphilasouf]

فعلا زي ما رويس بيقول ctrl+g تعمل جروب في نسخه cs4
حلو الشرح بجد بس لو ينفع يبقي بالصور يكون أحسن

[MOSHAOK]

المشاركة الأصلية كتبت بواسطة elphilasouf درس حلو أوي يا سامح ميرسي ليك

حبيب قلبي يا فيلو ايوه كده ربنا يفرحك ...

[MOSHAOK]

المشاركة الأصلية كتبت بواسطة رويس ايوة الطريقة التانية دي تمام ياباشا وعلي فكرة اللي بنعمله ده مش اسمه group يعني مش بيتعمل بالـ ctrl+g ولكن هو حاجه تانيه انا مش فاكرها خالص للاسف حالياً بس انا كنت عملتها في تصميم من تصميماتي، أو يمكن السبب في اني بستعمل أصدار فوتوشوب مختلف عن اللي انت بتستخدمة، علي كلاً ياباشا بجد الدرس جامد اوي ورغم انه سهل ولكني كنت بحتاجه بشدة ومكنتش بعرف اعمله. ده تطبيقي ياباشا

تمام يا رويس تصميمك في منتهى الروعة الله ينور...

[MOSHAOK]

المشاركة الأصلية كتبت بواسطة team work® الله ينور عليكم بجد هايل جدا جدا جدا

الموضوع هايل بوجود حضرتك فعلا