افتكرت اللى كان
حنيت ورجعت لايام زمان
افتكرت لهفة قلوبنا على بعض
افتكرت حنين عيونا لحظة سلامنا على بعض
كان كفاية لينا لمسة ايدينا لبعض
كان . ودى كانت ايام زمان
دلوقتى عايشة على الذكرى والزمان
من بعده مبقاش للدنيا معنى
من بعده بجد الحياة مرة
تهنا وافترقنا عن بعض
بس لسه الامل موجود
سنين وسنين بعدتنا عن بعض
ولسه الحنين موجود
ولسه عايشة على امل اللقا والحنين
بس ياترى لحظة اللقا هاتبقى ازاى
وهانتكلم فى ايه وازاى
هانقلب الماضى والجراح؟
ولا هانتكلم فى بكرة والامل وننسى اللى راح؟
ياترى حلمى هايتحقق ولا كله اوهام وجراح؟
هاتشوفه من تانى عينيا ولا خلاص انسى اللى كان؟
حلمى الوحيد هايتحقق ولا خلاص انسى الاحلام؟