[asmicheal]

خطوات لعمل ميك اب لعروسة وانا اشوف انها خطوات عامة ممكن تتطبق في اي ميك اب لاي مناسبة اخرى...


يالا نبتدي...


** 1 **
تنظيف البشرة




نبدا ننظف البشرة باللوشن المناسب لنوع البشرة للعروس

** 2 **
وضع كريم الاساس



نختار كريم الأساس المناسب لبشرة العروسة اذا فاتحة نختار لها كريم قريب من لونها ومن المفضل أن يكون اللون أغمق درجة واحدة لأن تفتيح البشرة الفاتحة يخلّي شكلها "مش طبيعي" لكن لو غمقنا الدرجة النتيجة تطلع حلوة جداً وطبيعية, وكريم الأساس الأفتح درجة بيكون تحت العين مباشرة



ويتم توزيع الكريم باسفنجة رقيقة خاصة

** 3 **
البودرة

نحط البودرة على كريم الأساس ( بودرة كومباكت مضغوطة - او لووس سائلة ).
المستخدمة في الموديل بودرة سائلة... وهنا الماكييرة وزعتهاعلى كامل الوجه...
وبفرشاة كبيرة تزيل البودرة الزايدة وتسيح لون البشرة علشان يبقى متناسق ومفيش فيه بقع.
ومننساش نوزع برقة بالفرشاة بعض من البودرة على الشفايف لانها كدة هاتساعد اكتر على ثبات الروج..




وممكن نحط بودرة بتلمع تحت العين... بس يفضل اننا نحط بودرة عادية بكمية كبيرة تحت العين علشان نتفادى بقع الاي شادو المتساقطة... ونخللي خطوة البودرة اللامعة بعد مانتهي من عمل الاي شادو ننطف البودرة الزايدة اللي حطيناها ونحط بوددرة لامعة...



** 4 **
تحديد العيون



هنا في الموديل نلاحظ ان عينها ضيقة شوية فا الماكييرة عملت تحديد خارجي للعين
اما لو كانت العين واسعة فبنعمل تحديد من داخل العين



نتقل تحديد eye liner ونوزعه بحيث نمهد لوضع ال eye shadow...

** 5 **
ظل العيون .. الـ Eye Shadow




نضع الاي شادو الغامق فوق الكحل بفرشاة صغيرة
(الموديل تستخدم لون بني غامق)



هنا في الصورة السابقة هانلاقي ان الماكييرة حطت للموديل عند منتصف جفنها لون برتقالي نظرا لان لون شعرها فاتح وكذلك لون عيونها...
ومسالة اختيار الالوان دي الماكييرة تقدر تحددها لان عندها خبرة في الالوان المناسبة لكل عين وبشرة وشعر...
وكمان العروس المفروض يكون عندها اضطلاع على الالوان المناسبة اكتر لعينيها وشعرها...

** 6 **
الماسكرة

نحط للعروس الماسكرة بشكل طبيعي...
ولو رموشها خفيفها نركب ليها رموش ونضع عليها الماسكرة الشفافة او العادية السوداء..
وبالنسبة للموديل الماكييرة اهتمت بالرموش تحت العين علشان توسعلها عينها...


** 7 **
تحديد الحواجب



هنا الماكييرة حددت للموديل حواجبها بلون بني مناسب ليها...


** 8 **
الـ Blusher او حمرة الخدود




نضع للعروس البلاشر بالفرشاة برقة ...
واحسن حاجة ان العروسة تبتسم او تضحك علشان يوضع في المكان المطلوب...
ويوضع البلاشر بالتحرك بين عظمة الخد والاذن...
ونستخدم فرشاة اخرى ونزيل بقايا البودرة على الجفن السفلي ... وممكن كدة نحط بودرة لامعة او برونز رقيق جدا على جفنها السفلي...

** 9 **
ال Lip Stick او الروج



طبعا احنا كنا حاططين بودرة على الشفايف قبل...
نحدد الشفايف بـ"lip liner" محدد شفايف خفيف... ونحط عليه الحمره"الروج" لأن الموضة إن التحديد لا يظهر ويكون نفس لون درجة الروج...
ولو الشفايف صغيرة بنحاول نكبرها ولو كبيرة بنصغرها...
ونختار لون الروج مناسب للون الـ"eye shadow" او مثل لون الايشادو..
ممكن استخدام فرشاة الروج لأنها بتسهل التحكم في وضعه وتوزيعه صح..
نحاول تثبيت الروج بوضع الـglitter في منتصف الشفاه لأنها موضة.

** 10 **
Final touch



نسيح الايشادو او نقوم بتعديله ... دي تعتبر لمسات نهائية.


** 11 **
Test



نفك شعر العروس لو كنا رابطينه للخلف والخطوة دي معمولة علشان قدر الماكييرة تشوف اللوك العام
الميكب لايق ومنسجم مع شعرها وتسريحتها او لا...

** 12 **
البرونز او الـ glitters



نحط "glitters" تحت الحواجب على لون ذهبي شوية عشان يليق مع لون عيونها وجهها...
ممكن نحط بعد "glitters" تحت العين عشان نفتح لونها أكثر...




وده بيكون الشكل النهائي للعروسة واهم حاجة ان شكلها رقيق وطبيعي وده المطلوب

منقول للاستفاده

المصدر: †† ارثوذكس †† - من قسم: قسم الجمال والمكياج