[ايمو2]

كوكتيل قصائد نورانية.....لشاعر الاقباط......

بعد فترة غياب طويلة دامت بضع شهور اتى اليكم بثوب موشى بالنور واكتب لكم حبة قصايد صغيرة مجمعة فى مجلد واحد.....ارجو ان تذكروننى كثيرا فى صلواتكم المتواترة

........................................كوكتيل قصائد نورانية.................

وسط أوراقي وأقلامي.وحزني ودمعي وألامي.وهناك بين أسطر صفحات أيامي.آراك سيدي تراني.وتسمع همسات قلبي ودقاته.فأسرع إلي حضنك الدافي وأذرف دمع العين أنهارا...فتصفح عن آثامي.وأجد سلامك ماثلا أمامي.في صحوتي وأيضا في منامي...فتشعر نفسي بأن هناك آبا حنونا يشعر بي ويحتويني ويعلمني حنان الإبوة وقيادة الراعي...فأسير تحت ظل قيادتك في وئام..ولأني خروف وسط الأغنام..فأعزف لك لحن السلام./ولأني لك سيدي ولا أعرف أخر سواك.وفي وقت ضعفي ترسل لي عونا من سماك...فتسبح روحي علي الأنغام.لك سيدي يامن لاتنام.وأقدم سجودي بكل إحترام./ولأنك سيدي وربي وإلهي وملكي..فأنا أقدم لك عمري بطول أيامي.متمنيا أن ترفع عني آلامي.وتنزع سهامي.تسير بنورك أمامي.مباركا أفكار أقلامي. شكرا سيدي الرب.@كلمات وتأملات وإبداعات...ايمن مكرم...شاعر الأقباط.صلوا من أجل ضعفي


قصيدة تعبنا من غيرك..... لشاعر الأقباط...
محتاجينلك تيجي تعينا.وكل أحمالنا انت تشيل عنا.وسلامك وحده يطمنا.دا أنت العقل اللي بيفهمنا/وسط عالم مليان أوجاع.والظلم غطانا و شاع.والحلم اللي حلمناه ضاع.وحدك بالحب بتسمعنا/الكل إتخلوا وسابونا.هجموا علينا عايزين ياكلونا.خدعونا خانونا و باعونا.وحدك بحنانك تجمعنا/نار جوه القلب كمان قايدة.إتكلمنا ومفيش.بل بالعكس همومنا زايدة.نصرخلك يايسوع إرحمنا./لو في البحر إتقلب القارب.ووقعنا كتير جوه تجارب. لدغتنا حيات وعقارب.بقوة تشفيلنا آلامنا./إتبهدلنا كتير وقاسينا.سدينا ودانا ونسينا.إنك قبطان جوه سفينة.و مفيش لحظة إتخليت عنا/يا لحنانك يالجمالك.يا مريحنا بطولة بالك.بنسبحك علي أعمالك.يللي فوق للمجد رافعنا...وإيديك باركت كل أعمالنا....كلمات حبيبكم إيمو...شاعر الأقباط

نج حياتنا من العدو الشرير.خلي قلوبنا بيك تستنير.إمنحنا حسن التفكير.ياصاحب الأمر والتدبير....ايمو شاعر الأقباط


قلنا نصبح علي بابا يسوع.وعليكم انتوا كمان.نسجدله بكل خشوع.أصله إله حنان
.

لما تلاقيها ضلمة ومحدش حاسس بيك.والناس أصبحت ظالمة.والكل جاي عليك.إرفع عينيك لحبيبك.هيساعدك ويقويك.هيخلي الضلمة نور .وهيفرح أراضيك....وبينما أنت تتمتع بقرأتها...صليلي الله يخليك.ايمو شاعر الأقباط

تمجيدمضحك للغطاس
/ ليلة عيد الغطاس.القصب والقلقاس.عيدوا علي كل الناس..نينيوت قصبة وقلقاس/أبونا رن الأجراس.أبونا دعي كل الناس.ابونا عمل قداس.نينيوت قصبة وقلقاس/ابونا صلي بكل حماس.دا في بداية القداس.داخل قدس الأقداس.نينيوت.../و ف وسط القداس.ابونا شم ريحة قلقاس.فنده علي الشماس.وكروت القداس.نينيوت.../وطلع القداس..بعد ما إتقطع الإحساس...والكهرباء والماس.نينوت.../أول ما دخل البيت...ع المطبخ رمي الزيت...توكلت ونويت..نينيوت .../ابونا شاف القلقاس...كان لسة ماإستواش...طلع نأبه علي بلاش...ياحلاوتك ياقلقاس/تفسير أسمائكم في أفواه من يسمعكم...ولا يأكل معكم .نينيوت قصبة وقلقاس...هذا علي سبيل الدعابة والفكاهة مع كامل إحترامنا وقدسيتنا لهذا العيد..كلمات ايمو شاعر الأقباط..كل سنة وأنتم فرحانين.بعيد الغطاس مهنئين ومتهنيين.وفي حلة القلقاس غطسانين


اسمع صراخي ياسيدي.هلم وامسك بيدي.فيومي لا يعرف غدي.فلجأت إليك أهتدي.لأني أحبك ياسيدي.ايمو.شاعر الأقباط

جالنا الغطاس بفرحته وفرحنا إحنا بغطسته.لما نظر برقته.وأبهرنا بطلعته.قربنا إحنا لسكته.وشيطان الغدر موته.أحيانا بعد سحقته.دوقنا روعة ميته.أشبعنا من طيب جنته...ايمو شاعر الأقباط


إلهي أشوفكم كلكم في جرن حلة القلقاس غطسانين.ومع القصب معيدين.وبعيد الغطاس فرحانين ومبسوطين.ويوحنا المعمدان يشفع فينا وفيكم كل حين.ياحبايب القديسين.قولوا كلكم.أمين..أذكروني في
صلواتكم...إيمو..شاعر الأقباط.

أمسكت بقلمي الوحيد حينما أردت أن أكتب شيئا جديد...فصار قلمي كالحديد .وحبره مثل قطع الثليج./فأردت أن أذيب ثلجه.وأن أجعله إنسيابيا.فرفض وصار عنيدا كالحديد.... كلمات المبدع أيمن مكرم.شاعر الأقباط


..................واخيرااااااااااا ا............... .
قصيدة ( اهي أيام) لشاعر الأقباط
مابقتش فارقة الأيام ... أهي كلها بتعدي قوام.حبة نغامر.حبة نسامر.حبة ننام من غير أحلام.
مرات نعلي. نولع شعلة.مرات نمشي مع الأوهام.
مرات فوق.سما و شروق.نكتب أسامينا بالأقلام.
مرات ننزل.نفرز نعزل.ننسج نغزل.مرات ورا مرات قدام
مرة في ثورة.بألوان حمراء.مرات نمشي بكل نظام.
مرة قواضي.وجاني وقاضي.فيه بلاد برضوا بدون حكام
مرات نصحي.ننزل فسحة.ونشوف مسرح مع افلام
مرات نبكي.مرات نشكي.مرات نضحك ع الأيام.!وأهي أيام ماشية والسلام!!( كلمات: شاعر الأقباط..ايمن مكرم)....

اتمنى ان تنال اعجابكم جميعا ...صلوا من اجل ضعفى ...شاعر الاقباط ايمن مكرم

المصدر: †† ارثوذكس †† - من قسم: القسم الادبي

[عماد حسنى]

ربنا يباركك ويعوض تعبك
كلمات واشعار جميله فعلا

[ساره ناصر]

ربنا يعوض تعب محبتك

[bent syadna]

بجد جمال اووووووووووووووووي تسلم الايادي

[اشرف وليم]

شكرا لتعب محبتك
الرب يبارك حياتك
رائع

[ايمو2]

بقلبي بجد بأشكرك
و في صلواتي بأذكركم