[mummy2008]

تطرقنا فى الموضوع بتاع امبارح ان الاسماعيلى احد الفارسين المرشحين للحصول على اشهر واكبر بطولة محلية ......الا وهى درع الدورى العام المصرى لعام 2009 والذى اطلقوا علية هذا العام لقب سيد متولى تكريما للحاج سيد متولى رئيس نادى المصرى الراحل........المهم نرجع لموضوعنا طبعا اللى عايز يشارك فى الموضوع بتاع الاسماعيلى من هنا
--------------------------------------------------------------------------------------------------------------------------------

فية بس تعليق صغير على مباراة الاسماعيلى والزمالك الاخيرة

اقصد مسرحية (ابو الرجال وامينة)

المسرحية الهزلية التى قدمت على مسرح ستاد هيئة قناة السويس بدون جمهور

ابطال المسرحية كانوا

الاسماعيلى.........فى دور (ابو ارجال)

الزمالك .............فى دور (امينة).........هه.........بتاعة سى السيد............فاكرينها...................هه

المسرحية كانت من جملة حوارية واحدة.......على لسان (امينة)............وهى (كلمتك لازم تمشى يا سى السيد.......يوه .........هو حد برضة يقدر يقول غير كدة........دة انت كبيرنا..........وساترنا........مش كدة برضة ولا اية.......هة ........ايوة..........هو كدة برضة.........اة )

بينما تفرغ البطل الثانى للمسرحية ........وهو ...........(ابو الرجال) ............(لبرم شنباتة).........عمال على بطال........طبعا .......حقك........ما انت بقيت نجم ........وبتعمل مسرحيات..........وبقيت متصدر (البوكس اوفيس)

طبعا ماهو مفيش غير (امينة).............دة حتى مفيش جمهور........هو حد شايف حاجة........ولا بيفهم فى (الكورة) اقصد فى المسرح حاجة

ما انت وامينة ........بتوع (الفن والهندسة)........( والسمسمية ).......... (والدرويش)...........و(الموالد والهيصة)

ولا تعليق على مخرج ..........عفوا اقصد حكم المباراة الماسوف على امرة.......والذى كان يحاول جاهد طوال اللقاء اخفاء ضحكتة.

وتناسى البطل والبطلة..............ان اكثر من 70 مليون مشاهد مصرى من عشاق ومتابعى كرة القدم يشاهدون هذا السقوط الفنى الكبير(اقصد الكروى الكبير)

مما يضيف الى المثل القديم القائل :

انا وخويا على ابن عمى

وانا وابن عمى على الغريب

وانا واخويا وابن عمى على مصلحة المنتخب والكورة المصرية

ولا عزاء للقيم والاخلاق والمبادىء والانتماء

-----------------------------------------------------------------------------------------------------------------------------

نرجع لمرجوعنا

الفارس الثانى فى الصراع على درع الدورى العام المصرى ........هو................الاسد العجوز




الاهلى

تستلزم مننا الصراحة قول الاتى:

لم يصبح وحش الاندية و(بعبها) وحاصد البطولات المحلية والافريقية كما كان

انظرو بتعقل اى هذه الارقام

-------------------------------------------------------------------------------------------------------------------------------
تبادل الفوز مع المصرى البورسعيدى.......................0-2 فى بور سعيد 2-1 فى القاهرة

فين المصرى دلوقتى......................المركز العاشر

------------------------------------------------------------------------------------------------------------------------------

يهزم من اتحاد الشرطة الرياضة................0-2 ثم يتعادل معه فى مبارة العودة0-0

وهو اول ظهور لاتحاد الشرطة فى الدورى الممتاذ على مر تاريخة

فين اتحاد الشرطة..........................المركز السابع

-------------------------------------------------------------------------------------------------------------------------------

يتعادل مع انبى ذهابا وايابا.............................3-3 و2-2.........فى القاهرة

بعد ان كان متقدما 3-1 فى مبارة الذهاب............ومتاخرا 1-2 فى مباراة الاياب

فين انبى..............................خامس الجدول

------------------------------------------------------------------------------------------------------------------------------

يتعادل بصعوبة مع طلائع الجيش بعد ان كان متاخرا.........................2-2

فين الطلائع..............................فى المركز التاسع

------------------------------------------------------------------------------------------------------------------------------

يتعادل بصعوبة مع بترول اسيوط بعد ان كان متاخرا......................2-2 فى اسيوط

فين بترول اسيوط................فى المركز 12 يصارع للبقاء

------------------------------------------------------------------------------------------------------------------------------

يفوز بصعوبة......واكرر بصعوبة على المصرية للاتصالات............3-2 فى الوقت البدل من الضائع و2-1 فى العودة بطلوع الروح

المصرية للاتصالات بلا فخر.......................المركز 14 واحد المرشحين بقوة للهبوط

-------------------------------------------------------------------------------------------------------------------------------

حتى لا اطيل عليكم

فاز الاهلى فى 15 لقاء وتعادل فى 9 وخسر 3

11 فوز داخل ملعبة

4 فقط خارج ملعبة

2 تعادل داخل ملعبة

7 تعادل خارج ملعبة

1 هزيمة على ملعبة

2 هزيمة خارج ملعبة

--------------------------------------------------------------------------------------------------------------------------------

اكبر فوز كان 4-0 على كل من الترسانة وبتروجيت

اكبر هزيمة كانت 0-2 من المصرى

--------------------------------------------------------------------------------------------------------------------------------

سجل الاهلى 45 هدف بمعدل (1.6) هدف فى كل مباراة ...........
مقابل 47 الموسم الماضى 64 قبل الماضى

منها 27 هدف على ملعبة..............................18 هدف سجلهم خارج ملعبة

--------------------------------------------------------------------------------------------------------------------------------

تلقت شباك الاهلى 22 هدف بمعدل(0.9) هدف فى كل مباراة..............
مقابل 22 الموسم الماضى 17 الموسم قبل الماضى

منها 7 اهداف على ملعبة................................15 هدف تلقتها شباكة خارج ملعبة

--------------------------------------------------------------------------------------------------------------------------------

هداف الفريق هو اللاعب محمد بركات (لاعب وسط الاهلى) برصيد 10 اهداف........بمعدل(0.3)هدف كل مباراة

--------------------------------------------------------------------------------------------------------------------------------

اخيرا اقول هل يستحق الاهلى الحصول على لقب بطولة الدورى العام المصرى الممتاز لهذا العام؟

ملاحظات:

1- اذا فاز الاسماعيلى باللقب ........فهو ليس البطل لبطولة كل متنافسيها كانوا يتصارعون على منتصف الجدول

واذا لم يحرز اللقب............فهو الطبيعى لانى كما قلت سابقا ...........الاسماعيلى ليس هو نادى البطولات والدليل

فقط
3 بطولة دورى عام
2 بطولة كاس مصر
1 بطولة كاس اندية افريقيا عام 1969

2- اذا فاز الاهلى بالقب فهو شيى طبيعى لانى كالعادة لا يوجد من يطمح لحصد اللقب ............الاهلى هو من صعبها على نفسة

واذا لم يستطيع الحصول على اللقب فهو طبيعى ايضا ...........فهو من فرط فيها من يدة لتذهب الى اى فريق

3-لو امتد الدورى 4 اسابع اخرى ............لذهبت البطولة الى مستحقها........حرس الحدود صاحب الكرة الشاملة والحديثة

4- تقول اللائحة انة فى حالة تساوى فريقين فى عدد النقاط يتم الاحتكام الى نتيجة اللقائين...........(وفارق الاهداف فى اللقائين)وفى حالة تساوى الفريقين فى النتائج يتم الاحتكام الى مباراة فاصلة

5- الرابح الاكبر هذا الموسم هو عشاق ومتابعين كرة القدم..........الذين استمتعوا بالمنافسة طوال الموسم...........عكس السنوات الماضية التى كان يحصد فيها البطل البطولة قبل النهاية بعدة اسابيع

واعزرونى على الاطالة

المصدر: †† ارثوذكس †† - من قسم: قسم الرياضة

[ELMAGEK]

الاسماعيلى.........فى دور (ابو ارجال)

الزمالك .............فى دور (امينة).........هه.........بتاعة سى السيد............فاكرينها...................هه

المسرحية كانت من جملة حوارية واحدة.......على لسان (امينة)............وهى (كلمتك لازم تمشى يا سى السيد.......يوه .........هو حد برضة يقدر يقول غير كدة........دة انت كبيرنا..........وساترنا........مش كدة برضة ولا اية.......هة ........ايوة..........هو كدة برضة.........اة )


بصراحة يا استاذنا عيب الحتة دى مش الزمالك الى يتقال علية كدة
او يتشبة بالنساء انا مش هعدلك الموضوع ومش هحذفلك منو اى كلمة
لاكن احب اقولك ان دا عيب
الموضوع كان يبقى حلو لو عملت مقارنة بين الاهلى والاسماعيلى
ومين هيكسب الدورى لاكن ان حضرتك تتريق على الزمالك بالشكل دا
فا انا اسف خانك التعبير اوووى
ميرسى للموضوع

[mummy2008]

المشاركة الأصلية كتبت بواسطة elmagek بصراحة يا استاذنا عيب الحتة دى مش الزمالك الى يتقال علية كدة او يتشبة بالنساء انا مش هعدلك الموضوع ومش هحذفلك منو اى كلمة لاكن احب اقولك ان دا عيب الموضوع كان يبقى حلو لو عملت مقارنة بين الاهلى والاسماعيلى ومين هيكسب الدورى لاكن ان حضرتك تتريق على الزمالك بالشكل دا فا انا اسف خانك التعبير اوووى ميرسى للموضوع

بشكرا يا ماجيك على تعليقك..........

واحترم تماما وجهة نظرك...............

اكيد انت فاهم انا اقصد اية...............

وللتوضيح :

انا لم اقصد تشبية موقف الزمالك........بامينة.........كشخصية............ولكن كموقف

واى ناد مصرى كان فى نفس موقف الزمالك حتى لو كان الاهلى ..............كان ممكن اقول علية كدة.............

ومتهيالى ان لو فية حاجة تمس سمعة اى ناد من قريب او من بعيد كنت قد تطرقت الية فى نقدى ..............كان يتوجب عليك الحزف نهائيا وليس التعديل........

وسوف اتقبل ذلك بصدر رحب..........

وشكرا لردك...............

[ELMAGEK]

انا الى بشكرك لتقبل رئى وتوضيح رئيك يا استاذنا
وميرسى ليك وللموضوع
بس انا زى ما فهمتها غلط ممكن حد تانى يفهمها غلط بردو
بس حصل خير وميرسى للتوضيح اوى
وربنا يباركك

[mummy2008]

المشاركة الأصلية كتبت بواسطة elmagek انا الى بشكرك لتقبل رئى وتوضيح رئيك يا استاذنا وميرسى ليك وللموضوع بس انا زى ما فهمتها غلط ممكن حد تانى يفهمها غلط بردو بس حصل خير وميرسى للتوضيح اوى وربنا يباركك

متشكر اوى يا ماجيك على متابعتك.............

ولو فى اى ملاحظة تانى او تعديل لتوضيح وجهة النظر......مفيش مشكلة

بس متهيالى الفكرة واضحة بس...........احنا اللى مشاعرنا وعواطفنا بتغلب على عقولنا

ولو كنت شاهدت المباراة من وجهة نظر .......محايدة.......

كنت فهمت كلامى من اول مرة

وبعدين متخافش محدش هيفهم الكلام غلط..........

علشان الاسماعيلى ضحك على الاهلى والزمالك هما الاتنين........والموضوع خلص خلاص

عرفت انا قولت علية ابو الرجال لية.............

لانة قال كلمتة .........فى وقت كان الزمالك (تاه) خلاص..............والاهلى دخل فى (غيبوبة)

ومتشكر تانى على متابعتك وتنبيهاتك..........

[ELMAGEK]

بس متهيالى الفكرة واضحة بس...........احنا اللى مشاعرنا وعواطفنا بتغلب على عقولنا

بامانة الله عندك حق وفعلا الجملة دى
صح 100فى ال 100
وبامانة كمان انا بستنى الردو والمواضيع بتاعتك
يا استاذنا

[elphilasouf]

انا بصراحه مفهمش فى الكوره خالص بالنسبه لاي واحد من مشجعى النادي الاسماعيلى هنا
ا-الاسماعيليه- ممكن يقولولك اي حد هنا تاريخ الانديه الموجوده فى مصر كلها والدوري الانجليزي كمان - بس بصراحه انا بطلت اهتم بالكوره عشان عندي اهتمامات اهم من كده
دي عشان بس اوضحلكوا انى مش متابع جيد اوي للدوري دولقتى
بس شد انتباهى جزء من الموضوع وهو

1- اذا فاز الاسماعيلى باللقب ........فهو ليس البطل لبطولة كل متنافسيها كانوا يتصارعون على منتصف الجدول

يعنى هو لو الاهلى اخد الدوري مش هيكون برده البطل لبطوله كل متنافسيها كانوا يتصارعون ع منتصف الدوري ؟!!
كمان
انا من الى النظرات الخاطفه الى شوفتها فى الدوري السنادي
شايف ان الفارق بين الانديه مش كبير اوي زي السنوات الى فاتت
يعنى الدورس السنادي اكتر فى جو المنافسه

واذا لم يحرز اللقب............فهو الطبيعى لانى كما قلت سابقا ...........الاسماعيلى ليس هو نادى البطولات والدليل فقط 3 بطولة دورى عام 2 بطولة كاس مصر 1 بطولة كاس اندية افريقيا عام 1969

كمان مش عشان الدرويش ماخدش غير البطولات دي بس يبقى ميستحقش درع الدوري
ومش عشان الاهلى عنده بطولات كتير ده يديه الحق انه ياخد الدرع عن غيره

كمان لو ركزنا ع عدد البطولات الى اقترب فيها الدرويش من البطولات هنلاقيها كتير جدا
وللاسف كتير منها بيضيع منه بسبب اخطاء التحكيم وظلمه المقصود او غير المقصود ،

وفى الاخر عاوز اوضح حاجه اد كده
يمكن كلنا نسأل سؤال
ليه الاهلى بزات الى مش قريب من قلوب مشجعى الانديه التانيه؟؟

وهتكلم عن الدرويش بالاخص وهدي لنفسي لقب يمكن مستحقهوش وهو "واحد من مشجعى الدرويش"

عشان الاهلى ديما فى مبارياته مع الدرويش بيحصل اخطاء فى التحكيم ضد الاسماعيلى
كمان مش بس مباريات الاهلى لا ده كتير من المباريات المهمه للدرويش بيكون فيها ظلم ع الدرويش
ويمكن ده سر تعصب مشجعى الفريق وهو احساسهم بالظلم

كمان من الاسباب التانيه فى رايي باحساس التعصب الغبى ضد الاهلى
هو سياسه النادي الاهلى فى الاستحواز ع الاعبين البارزين فى النوادي المحليه افقد البطولات المحليه قوتها وده اثر طبعا فى نفسيه المشجعين وبردوا احاسهم بالظلم وبقدرت المال الى مش عند نادي زي الاسماعيلى مثلا

واخيرا
احب اقول
بجد استاذ مرقس حضرتك بجد منورنا هنا اووووووووووي
وفرحنين بوجود كتير كتير كتير

[الماكس مايكل]

موضوع جميل اوى بجد
الله ينور عليك يارايس
فعلا عندك حق فى الموضوع كله
والف شكر على الموضوع

[remon_fans]

مع احترامي لوجهة نظر حضرتك والتشبيهات المستخدمه ،
لو فرضنا ان الزمالك فوت فأنتم فعلتوها قبل كده ،
لكن ليه دايما الاهلي عايش دور القديس الذي لا يخطأ ،
اللي دايما كل كل الناس بتحاربوا ،
ودا اعتراف من شوبير . . .

شوبير : الأهلي قام بتفويت لقاء سابق للاتحاد الخميس، 30 أبريل 2009 - 15:19 بقلم : خالد طلعت كشف الإعلامي أحمد شوبير حارس مرمى الأهلي السابق عن قيام ناديه السابق الأهلي بتفويت لقاء سابق للاتحاد السكندري في فترة التسعينات حتى لا يهبط زعيم الثغر للدرجة الثانية. وقال شوبير في برنامجه التلفزيوني في قناة "الحياة" إن الأهلي في ذلك الموسم كان متراجعا وكان لا ينافس على بطولة الدوري حيث كان يحتل المركز الرابع، فيما كان الاتحاد يصارع من أجل الهروب من عدم الهبوط للدرجة الثانية. وأضاف شوبير "جماهير الإسكندرية كلها جاءت إلى الفندق الذي أقام فيه الفريق، وطالبتنا بترك نقطة للاتحاد حتى لا يهبط". وأشار شوبير إلى أن لاعبي الأهلي أدوا مباراة هادئة ولم يبحثوا عن الفوز رغم أنهم كانوا قادرين على تحقيقه لأن الأهلي كان أفضل كثيرا من الاتحاد وانتهت المباراة بالتعادل السلبي. وقال شوبير "طبقنا في هذا اللقاء المثل القائل : ما قد يؤخد منك بالغصب فمن الأفضل أن تعطيه بالرضا". وأشار حارس منتخب مصر الأسبق إلى أن فريق الأهلي لكرة السلة قام بتفويت لقاء لفريق الجزيرة في بطولة الدوري في الموسم الماضي حتى يتوج الجزيرة بالدوري بدلا من أن يحصل عليه الزمالك المنافس التقليدي للأهلي مستشهدا بتصريحات كريم شمسية لاعب الأهلي وقتها. لقاء الزمالك والإسماعيلي المثير للجدل وقامت ادارة الأهلي بإيقاف شمسية ثلاثة أشهر بسبب تلك التصريحات.

[mummy2008]

احب اولا اشكر الماجيك على مساعدتى فى توضيح نقاط مهمة فى موضوعى كان ممكن تؤخذ بمعنى اخر ................

وبشكر الماكس مايكل على مرورة .......

وبشكر الفيلسوف اللى حاسس انى تعبتة كتير فى كتابة تعليق على موضوعى........واحب اوضح لة الاتى.............

يعنى هو لو الاهلى اخد الدوري مش هيكون برده البطل لبطوله كل متنافسيها كانوا يتصارعون ع منتصف الدوري ؟!!

نعم انا اقصد ان اللى هيكسب الدورى السنادى .........اى كان هو مين ..........مش هيبقى البطل

لان الاسماعيلى دخل جو المنافسة فقط بعد خروجة من دورى ايطال العرب..............راجع نتائج الاسماعيلى فى الدورى ومركزة قبل الخروج من البطولة العربية

ولان الاهلى استهان بمعظم منافسية مع هبوط المستوى الواضح..........وكأن البطولة كتبت على اسمة

ولان بتروجيت ليس لديها روح البطولة...........راجعوا معايا .........نفس مشوارها السنة الماضية..........تصدر الدورى لحين عودة الاهلى من اليابان..............

ولان الزمالك...........تحت الادارة الغير واعية ........واللاعبين المتكبرين.............وعدم الانضبات..........وتغيير المدربين...........وعدم المساواة بين اللعبين...............واسباب عايزة سلسلة مواضيع...................فقد المنافسة او روح المنافسة.........مع اول نتيجة سلبية(كالعادة)

وانبى كل طموحاتة مركز متقدم والمشاركة فى (الكنفدرالية)

والحرس..........القادم بسرعة الصاروخ.........وصل متاخر


اية رايكم...............مين ينفع بطل...........وصلت يا فيلسوف وجهة نظرى

كمان مش عشان الدرويش ماخدش غير البطولات دي بس يبقى ميستحقش درع الدوري ومش عشان الاهلى عنده بطولات كتير ده يديه الحق انه ياخد الدرع عن غيره

طبعا يافيلسوف بخصوص عدد مرات فوز الاسماعيلى بالبطولات انا لم اقصد .......ان بطل الدورى هيكون بتاريخة..........(فكر كرة القدم الحديثة ليس هذا احد معطياتها)

ويمكن ده سر تعصب مشجعى الفريق وهو احساسهم بالظلم

وطبعا موضوع التعصب بين الناديين..............هو موضوع تاريخى..........منذ اجلاء منطقة القناة ابان الحرب وتطور مع الزمن.......الى ان اصاب كرة القدم وعلاقة الناديين

وانت طبعا يا فيلسوف اكيد ادرى من بالمواضيع دى

وشكرا كتير على ردك ورايك اللى فية كتير من الصحة...........وخصوصا انك اسمعلاوى

وارجوا ان اكون وضحت النقاط الغير مفهومة

مع احترامي لوجهة نظر حضرتك والتشبيهات المستخدمه ، لو فرضنا ان الزمالك فوت فأنتم فعلتوها قبل كده ، لكن ليه دايما الاهلي عايش دور القديس الذي لا يخطأ ، اللي دايما كل كل الناس بتحاربوا ،

وبشكر كمان ريمون على تعليقة..........وانا ذاكر فى ردى على الماجيك فى الاول ............ان اى نادى يسعى للتلاعب بمشاعر جماهيرة من اجل مصلحة او غيرة............كان ممكن ان يكون بطلا لهذة المسرحية الهزلية............حتى لو كان الاهلى.........

وارجو انك برضة متكنش فهمت التشبية غلط.............فانا كنت اقصد التشبية فى الموقف .........وليس الشخصية بعينها

واخيرا يا جماعة .........

احب اوضح انى بكتب مواضيعى بعيدا عن انتمائى الكروية.................

صلوا لاجلى