[emmmy]

ها يا مشرفين المفروض انة فاااضل يومين على قفل المنتدى ومحش منكم قال حاجة اكيدة خالص - المنتدى هيفضل وفى امل يستمر ولا خلاص الامر خرج من ايديكم ؟؟؟
احنا مش عاوزين نفتح الجهاز ونكتب ارثو وفجأة منلقيش حاجة احنا عاوزين نعرف من دلوقتى نسبة الامل كااام فى المية الاحتمال الاكبر انة يستمر ولا يتقفل قوللنا بقى من فضلكم ارجوكم
اية امكانيتكم واية اللى مش فى ايديكم عاوزين نبقى معاكم فى الصورة عاوزين نعرف البير وغطاة المنتدى بتاعنا كلنا ويهمنا كلنا ومن حقنا نعرف كل حاجة توصلتوا ليها
عاوزة اعرف بقى دلوقتى اقول الوداع يا ارثوذكس وخلاص يااارب لتكن مشئتك
ولا افرح انا واخواتى بخبر حلو وفى امل كبير والمنتدى هيستمر ولقيتوا حل للمشكلة وبدليل لاعلانات جوجل
حد يرد يا مشرفين رجااااء محبة ورد واضح واكييييد متقولوش ردود متعلقة ومنفهمشى منها حاجة
ايوة ولا -لأ
انتوا مستنين المنتدى لما يتقفل وبعدين تقوللنا ولا اية ؟؟؟؟؟؟؟



وفى حالة لو المنتدى اتقفل هنجتمع هنا يا ارثوذكس
اية رايكم ؟؟؟

http://www.mar-girgis.com/forum/forum.php

دة منتدى قال عنة استاذ ايمن والفليسوف انة فى ناس كتير من ارثوذكس وانهم كانوا بيتجمعوا فية لما كانت بتحصل اى مشكلة لارثوذكس
اية رايكم يا جماعة ؟؟ مين هيشارك معااانا
شوفوا المنتدى وقولوا رايكم فية ؟؟
وصدقونى كل الاشياء تعمل معنا للخير ربما يكون ربنا عاوز دة علشان فى ناااس محتاجة خدام ارثوذكس بكرة هنعرف حكمة ربنا
وهتوضح الامور قدامنا اكثر من كدة
ولو محصلش يبقى لتكن مشئتك يارب بردوا
ما ابعد احكام اللة عن الفحص وطرقة عن الاستقصاء
وموضوعات ارثوذكس هتفضل ومش هيأكلها السوس ولا هتضيع لان كلمة اللة حية وفعالة وامضى من كل سيف ذو حدين


اذكرونى فى صلواتكم انا عمرى ما هنساكم ابدا كل واحد باسمة
بجد نفسى اذكركم كل واحد باسمة واعترف بجميلة بس خايفة انسى حد هتوحشونى اوى يا احبائى

المصدر: †† ارثوذكس †† - من قسم: صندوق مناقشات الاعضاء

[zaza2006]

مش عارفة يا ايمى اقول ايه بس انا منتظرة الرد زيك ياريت حد يطمنا

[ريم الخوري]

هو دا اللى بيسموه ايمي الهدوا الذي يسبق العاصفة هههههههه

بالعموم ربنا يدبر كل صالح ايمي واكيد مشيئتك يا رب فوق كل شيء
متخفيش ربنا موجود

[اناستاسيا]

ربنا يعمل الصالح يا ايمى بجد بجد هتوحشينى كتير اتمنى لكى و للجميع كل الفرح والحب والسلام

[ادروسيس]

بس احنا مش عايزين نغير المنتدى ال اخدنا عليه
هو ناقص كتير ياايمى عايزة اعرف

[emmmy]

نهى وريم وانستاسيا وادروسيس
اشكركم على كلماتكم حقيقى شاكرة محبتكم
شاكرة ردكم ومشاركتكم شاكرة كل لحظة حلوة عشتها معاكم
شاكرة كل حاجة حلوة اتعلمتها منكم
و
محدش رد يا نهى يظهر معندهمشى رد للاسف !!!!
وانتى كمان يا انستاسيا هتوحشينى جدا جدا بس انتى معايا قلبى
يظهر كدة ياريم فعلا عندك حق تقريبا انة الهدوء اللى بيسبق العاصفة صحيح
مش عارفة يا ادروسيس صدقينى بأمانة فاضل كتير ولا قليل انا كمان عاوزة عرف زيك
وعملت الموضوع دة مخصوص على امل انى اعرف بس محدش عاوزنا نعرف علشان احنا لسة صغيرين مش المفروض نتدخل فى كلام الكبار
عموما احنا عملنا اللى نقدر نعملة وكل اللى يقدر يعمل حاجة عملها ربنا بقى يكمل
ربنا يعوضك يا ادروسيس على عطيتك ومحبتك الجميلة
ربنا يباركك يا حبيبتى

[ميلاد صدقى]

لية بتقولوا وداع. كلمة صعبة جدا
لتكن لا مشيئتنا بل مشيئتك انت ربى والهى

[aymonded]

سلام لكم يا أروع إخوة أحباء
اشكرك يا اجمل إيمي على اهتمامك ومحبتك الحلوة، وناقص يوم واحد فقط ويتم غلق المنتدى وسيتم فتحه بصورة أُخرى أو ربما نفس ذات الصورة وقد تكون محدودة لسه عن نقسي مش عارف حقيقي هانعمل ايه، ولكن لا يوجد وداع ولا حاجة خالص هانلتقي في مارجرجس http://www.mar-girgis.com/forum/forum.php مؤقتاً إلى ان يتم فتح الموقع مرة اخرى، وصدقوني قريب هاتعرفوا كل حاجة لأن انا كمان هابقى اعرف زيكم يا اروع احباء لي في شخص ربنا يسوع؛ ولنُصلي بعضنا لأجل بعض ؛ النعمة معكم

[TITO_BEST]

مش عارف بس كدة هيتقفل خلاص

والمنتدى دة احنا لما المنتدى دة اتقفل قبل كدة كلنا كنا هناك كل الاعضاء اللى هنا مشتركين هناك

[aymonded]

هو بالطبع معظم الأعضاء في أرثوذكس مشتركين هناك أصلاً، فلما بيتم غلق المنتدى هنا بنذهب هناك في منتدى مارجرجس http://www.mar-girgis.com/forum/forum.php طبيعياً، وبإذن يسوع لما يتم فتح ارثوذكس قريباً جداً مرة أخرى سنعود كالعادة وطبيعي جداً إليه، النعمة تملأ قلبك سلام ومسرة يا أجمل أخ حلو مع كل الذين علقوا وعلى الأخص أخونا المحبوب ميلاد صدقي الذي عاد ونورنا من جديد بحضوره الرائع والحلو معنا، واتعشم في وجه يسوع أن تكونوا جميعاً مملوئين من كل فرح ومسرة آمين