تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد



القسم الادبي لمن يهوى الشعر والنثر وكتابة القصص والتاليف

مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


أيام زمان

أيام زمان كانت ملامحى مسمسمة..كانت عينيا ولا السما.. كانت شفايفى منمنمة..وكنت جنان.. وكل دة كان..ايام زمان.. أيام زمان.. كنت حاسس بالدفء..فى حضن ام..بشوق يضم.. أشوفها اضحك..تشوفني تضحك.. وكنت مليان

اضافة رد

 
أدوات الموضوع انواع عرض الموضوع

رقم المشاركة : ( 1 )
ماريان
ارثوذكسي متألق
ماريان غير متواجد حالياً
 
رقم العضوية : 663
تاريخ التسجيل : Jun 2007
مكان الإقامة :
عدد المشاركات : 910
عدد النقاط : 10
قوة التقييم : ماريان is on a distinguished road
أيام زمان

كُتب : [ 08-26-2007 - 08:10 AM ]


أيام زمان
كانت ملامحى مسمسمة..كانت عينيا ولا السما..
كانت شفايفى منمنمة..وكنت جنان..
وكل دة كان..ايام زمان..
أيام زمان..
كنت حاسس بالدفء..فى حضن ام..بشوق يضم..
أشوفها اضحك..تشوفني تضحك..
وكنت مليان بالأمان..
وكل دة كان..ايام زمان..
أيام زمان..
كنت أترمى فى الحضن وا بكى..من غير ما اكون حقيقي بابكى..
كل اللى عايزة تضمنى..كل اللى عايزة ابتسام..
كنت اترمى وفجأة..انام
تروح تغطينى بحنان..
وكل دة كان..ايام زمان...
ايام زمان..
كنت بالعب مع ملاك..
قاللى ربى اللى حماك..بعتنى ليك..أأكلك..وأشربك..والعب معاك..
قوللى نفسك فى اية كمان..
كنت بافرح..واقوللة كفاية..انك معاية..
وفى وقت نومى..كانوا يقولوا انى باحلم..
مايعرفوش انى بالعب..مع ملاك..
وانا سعيد..دا لسة بيقوللى..نفسك فى اية كمان..
وكل دة كان..ايام زمان..
ايام زمان..
كانت براءة..كانت صفا..
كانت اقصى شرورى انى ابتسم..
ولما يشيلونى..كنت اتدلل واترسم..
كانوا يقولوا انى ابن لربنا..
و يا رب يكون احسن منا كلنا..
ويكون صورة حلوة..لصاحب الحنان..
وكل دة كان ..ايام زمان
ايام زمان..
عرفت ازحف..تاتا تاتا..
بقيت أصلى جنب امى..
وأقول يا رب يخلى اهلى..
ويسعد الأنسان..
وبقيت ارسم صور جميلة..
لبابا .... يسوع
وألون بالألوان..
عرفت ياما حاجات جميلة..
ها تفضل طول الزمان..
وكل دة كان..ايام زمان..
ولما كبرت..
عرفت البكى..ولما القلب يبكى..
عرفت الغيرة..عرفت السلب..
عرفت الكرة..عرفت الذنب..
عرفت القسوة من الحنان..
وعرفت مشاعر من الشيطان..
ولربى هجرت..
لما كبرت..
راح الحضن والدفا..
راح الامن والوفا..
راحت منى البراءة..وتاهت وسط الزحام..
غشيت الكلام..
نسيت حتى معنى السلام..
وأد اية قلوب ياما جرحت..
لما كبرت..
بصيت فى المراية..
فية عين بقسوة تبصلى..وعين بغدر تبصلى..
عيون مين فى المرايا..
التفت..بصيت ورايا..
انا هو انا..لكن ..مش انا..
عيون مين فى المرايا..
صرخت..صرخت..

لما كبرت..
كبر الشيطان جوايا..والخير انهزم..
لقيت ملايكة من قلبى بتنسحب..
مكسورة القلب..
بتقوللى لية هزمتنا..بتقوللى لية بعتنا..
و ربك خنت..
لما كبرت..
بصيت فى قلبى..
لاقيت صحارى..وذئاب بتعوى..
بعد ما شفت بعينى ملايكة بجنحات..كانوا يأكلونى..لو معاد
الأكل فات..
جريت..وخفت..
لما كبرت..
ما عدت اشوف نفس الملايكة..بقيت اخطى فى ارض شايكة..
تجرح فى نفسى..تجرح فى قلبى..
واصرخ الم..وابكى ندم..
وشيطانى يقوللى خلاص..مافيش خلاص..
كلة مكتوب..و انحسم..
الخير جواك..انقسم..
كتير تعبت


لما كبرت..
خدت قرار..ولو فى نار..هانفذة..
رغم الأنين..وتعب السنين..
رغم شيطان اليأس..والقلب الحزين..
سنين غربة..شموس غاربة..
لكن بييجى اكيد..صباح جميل جديد..
زى الطفل الوليد..مليان بالصفا..
ولو الشباب مات..ولو العمر فات..
معاة هايحلى الرجوع..
من وادى الدموع..
راح ارجع من تانى ابتسم..
الحضن قدامى..
والحب قدامى..
فى قلب يسوع..
مع انة من الاول فى قلبى..
لكن بعدت..
ومن ايدية بعيد هربت..
لكنى هامسك فى ايدية..
واسلم قلبى تانى لية..
هو الأحن من الف ام..
هو اللى يقدر بشوق يضم..
سامعة لما قال..
مش ممكن انساك..
وفى الدروب..انا معاك..
فى اى ضيق هو الصديق..
سامحنى ربى..لما فى يوم..
انا بيك غدرت..
لما كبرت..
كنت ها ضيع..لكنى قلت اكتبلكم..قصة رضيع..
شاف الملايكة من تانى..
ولما كبر..
رجع رضيع..


منقول



رد مع إقتباس
Sponsored Links
بياناتي
 رقم المشاركة : ( 2 )
aymonded
ارثوذكسي ذهبي
رقم العضوية : 527
تاريخ التسجيل : Jun 2007
مكان الإقامة :
عدد المشاركات : 21,222
عدد النقاط : 58

aymonded غير متواجد حالياً

افتراضي

كُتب : [ 08-26-2007 - 09:48 AM ]


رائعة يا اغلى مريان
وحقيقي نطلب من الله قوة التوبة ونعمة الرجوع الحلو
غنى النعمة ووافر السلام لشخصك الحلو جداً

رد مع إقتباس
بياناتي
 رقم المشاركة : ( 3 )
مارو مجدى
ارثوذكسي مكافح
رقم العضوية : 1321
تاريخ التسجيل : Aug 2007
مكان الإقامة :
عدد المشاركات : 171
عدد النقاط : 10

مارو مجدى غير متواجد حالياً

كُتب : [ 08-26-2007 - 12:36 PM ]



شكرا كتير ليكى يا ماريان بجد حلوة جدا وواقعية اكتر

بصراحة مش عارفة اقولك اية غير شكرا

رد مع إقتباس
بياناتي
 رقم المشاركة : ( 4 )
Team Work®
ارثوذكسي ذهبي
رقم العضوية : 2
تاريخ التسجيل : Oct 2008
مكان الإقامة :
عدد المشاركات : 15,720
عدد النقاط : 34

Team Work® غير متواجد حالياً

افتراضي

كُتب : [ 08-26-2007 - 01:20 PM ]


الكلمات حلوة قوى قوى قوى قوى وانا بشكرك لذكر كلمة منقول فهى تذيد منك علو اشكرك على الموضوع الحلو دة

ربنا يباركك

رد مع إقتباس
بياناتي
 رقم المشاركة : ( 5 )
ماريان
ارثوذكسي متألق
رقم العضوية : 663
تاريخ التسجيل : Jun 2007
مكان الإقامة :
عدد المشاركات : 910
عدد النقاط : 10

ماريان غير متواجد حالياً

افتراضي

كُتب : [ 08-26-2007 - 01:40 PM ]


ميرسىىىىىىىىىىىى
ايمن ومارو وهيما
ربنا يعوضكم


رد مع إقتباس
بياناتي
 رقم المشاركة : ( 6 )
عماد حسنى
شاعر المنتدى
رقم العضوية : 624
تاريخ التسجيل : Jun 2007
مكان الإقامة :
عدد المشاركات : 9,092
عدد النقاط : 34

عماد حسنى غير متواجد حالياً

افتراضي

كُتب : [ 08-27-2007 - 01:20 AM ]


جميله قوى قوى قوى يا ماريان ربنا معاكى

رد مع إقتباس
بياناتي
 رقم المشاركة : ( 7 )
ماريان
ارثوذكسي متألق
رقم العضوية : 663
تاريخ التسجيل : Jun 2007
مكان الإقامة :
عدد المشاركات : 910
عدد النقاط : 10

ماريان غير متواجد حالياً

افتراضي

كُتب : [ 08-27-2007 - 03:56 AM ]


ميرسىىىىىىىى
عماد
ربنا يعوضك


رد مع إقتباس

اضافة رد

مواقع النشر (المفضلة)

الكلمات الدلالية (Tags)
...., [/color, [/color], [/color][, font, بشكرك, حلوة, اشكرك, احسن, الشيطان, الحلو, الطفل, الرجوع, العمر, السلام, السنين, التوبة, الموضوع, اللى, الله, النعمة, الكلمات, ايام, خلاص, ربنا, رائعة, جداً, جديد, جميلة, جميله, أيام, على, size, ماريان, معاك, معنى, من, منقول, منك, قلبى, قلوب, قوة, نفسى, نفسك, وانا, ورايا, ونعمة, كلمة, كلنا, يا

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ماذا تعرف عن اسبوع الالام!!!! المخلص الطقس الكنسي الارثوذكسي 3 04-09-2020 03:09 PM
تاريخ الاباء البطاركة من القديس مارمرقص الرسول حتى قداسة البابا شنودة الثالث..ز Hanyking وثائق ودراسات تاريخية 6 10-03-2011 05:03 AM
تاريخ البطاركة في الكنيسة القبطية(ارجو التثبيت) mina emad ghali سير القديسين 2 04-15-2010 02:59 PM
عيد الميلاد: 25 ديسمبر أم 7 يناير؟ ولماذا هذا الإختلاف؟! Narmar المنتدى العام 4 12-26-2008 10:37 PM
ايام زمان اسامة ثروت القسم الادبي 9 05-05-2008 02:39 PM

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 11:12 PM.