[emmmy]

طيب انا عايزة اقول حاجة حلوة
فى مثل جميل بيقول لا تعطينى سمك ولكن علمنى كيف اصطاد السمك
يعنى مدام الموضوع خدمة وباسم المحبة بتعملوة اية رايكم ينفع نتعلم ازاى نعمل الحاجات الجميلة دى
يعنى لو انا عايزة اعمل صورة تحت الموضوع بتاعى مثلا يبقى ازاى وبدل ما تعملهولى علمنى ازاى اعملة دا هيكون احسن واعمق واكبر بكتير ونكون فعلا شاكرين محبتك يبفع يا bmz
مرسى على الموضوع الرائع ورح المحبة والخدمة والمشاركة دى
الرب يبارك حياتك

[bmz_44]

طبعاً كلامك صح بس فيه دورات تعليم للتصميم في كل المواقع المسيحية ومتهيألي فيه دورات في ارثوكس والموضوع ده موجود للي مش بيعرف ومحتاج يعمل تصميم سريع فبدل ما ياخد وقت في التعليم وبعدين يعمل التصميم اللي هوه عايزه بعملهوله وبعدين هو بيتعلم بعد كده وبعدين فيه ناس كتير بيحتاجوا تصميمات ومعندهمش وقت علشان يتعلموا وهكذا....عموماً دوري في المنتدي هنا لو ملقتيش دورة لتعليم التصميم انا مستعد برضه اني افتح موضوع تاني لتعليم التصميم...مع ان من رأيي الشخصي ان تعليم التصميم عن طريق النت مش هيبقي مفيد لأني صحيح هعلمك بس مش هديكي شهادة في الاخر تثبت انك اتعلمتي فالاحسن للي يحب يتعلم التصميم انه يتعلم في كورسات تبع قصر الثقافة او جمعية...الخ , وانا برضه عند كلمتي ومستعد افتح موضوع لتعليم التصميم لو ملقتيش موضوع مشابه هنا في ارثوذكس ونورتي الموضوع

[ماروجيرافك]

المشاركة الأصلية كتبت بواسطة emmmy طيب انا عايزة اقول حاجة حلوة فى مثل جميل بيقول لا تعطينى سمك ولكن علمنى كيف اصطاد السمك يعنى مدام الموضوع خدمة وباسم المحبة بتعملوة اية رايكم ينفع نتعلم ازاى نعمل الحاجات الجميلة دى يعنى لو انا عايزة اعمل صورة تحت الموضوع بتاعى مثلا يبقى ازاى وبدل ما تعملهولى علمنى ازاى اعملة دا هيكون احسن واعمق واكبر بكتير ونكون فعلا شاكرين محبتك يبفع يا bmz مرسى على الموضوع الرائع ورح المحبة والخدمة والمشاركة دى الرب يبارك حياتك

ادخلي هنا يا ايمي

دورة تعليم Photoshop فوتوشوب - صوت وصورة ‏

اول درس - التعرف على واجه البرنامج وبعض القوائم الشائعه الاستخدام - دورة فوتوشوب

Adobe Photoshop CS4 Extended ME الداعمه للغه العربيه+5 اسطوانات تعليمية باللغه العربي

تعلم الفوتوشوب صوت وصوره ارجوا التثبيت

وبأن المسيح هتستفادي
والموضوع ده فعلا معمول لكل الي عاوزين تواقيع سريعه ومعندهمش وقت عشلن بتعلموا او يعملو تواقيع

[bmz_44]

اضافة رائعة يا ماروجرافيك , ربنا يبارك حياتك

[emmmy]

مرسى يا bmz
انت وماريو على محبتكم انا معرفتش اعمل حاجة دى متاهة
عندك حق يا bmz فعلا انا محتاجة كورس مش مجرد نصيحة او طريقة مكتوبة على النت كان نفسى اتعلم منكم كنت فاكرة انها سهلة صدقونى انا اسفى حقيقى لازعاجكم وشاكرة محبتكم وروح المشاركة والخدمة
واوعدك يا bmz انى هعمل بنصيحتك الرب يبارك حياتكم
اذكرونى فى صلاتكم

[ماروجيرافك]

ما احنا قولنا من الاول لازم يعني
ههههههههههههه

[ريم الخوري]

اولاً شكراً للموضوع الجميل والمفيد...هو صراحة مكسوفة اطلب بس كرمال الخدمة معليش
لي رجاء وطلب بسيط معرفش لو تقدر تعملوه ...
انا عايزة صورة اعتمدها لمركز خدمة مدارس الاحد تبيقي صورة عرض اولى في كل العروض وكل الموضوعات (طابع ديني بارز فيها)

احنا عندنا اسماء الفرق
فرقة القديسة بربارة (اطفال وابتدائي)
فرقة القديسة تقلا (اعدادي)
فرقة القديس جاورجيوس(شباب وثانوي)
لو سمحت وتفضلت تبقي الصورة مزيج بين التلت فرق بالنسبة لصورة الشفيع كل وحدة في ركن في زاوية والصليب جواهم ....زي ما تشوف حضرتك اجمل ..
مرسي والرب يبارك

[mr_desigen]

ثانكس بجد على الخدمة الجميلة دى يا bmz _44 بس انا كنت عاوز استايل نسخة 3.8.5 بس ياريت يكون بيشتغل على المتصفحات الاخرى زى الفير فروكس والاوبرا عشان بتعملى مشاكل الحكاية دى
مستنى رد حضرتك
ربنا يباركك
امير

[emmmy]

المشاركة الأصلية كتبت بواسطة ماروجيرافك ما احنا قولنا من الاول لازم يعني ههههههههههههه

ما خلاص يا ماريو انت مالك اصلا
ههههههههههه
طيب انا عايزة اعمل صورة تحت الموضوعات بتاعتى زيك
ينفع تعملها انت ولا لازم انا اللى اعملها
مستنية ردك بس من غير لماضة
هههههههه

[ماروجيرافك]

المشاركة الأصلية كتبت بواسطة emmmy ما خلاص يا ماريو انت مالك اصلا ههههههههههه طيب انا عايزة اعمل صورة تحت الموضوعات بتاعتى زيك ينفع تعملها انت ولا لازم انا اللى اعملها مستنية ردك بس من غير لماضة هههههههه

مع اني شامم ريحه تريقه في الموضوع بس مش مشكله خليها علي
شوفي انتي عاوزه تصميم يكون بيعير عن ايه وابعتي هنا في الموضوع
و bmz_44 هيقوم بلازم