[youssef.youssef]

كل الناس اما تضحك وانا ضحكتي ليه بعيده
كل ما دمعتي تنشف تنزلي دمعه جديده

احترت فيكي يا دنيا وحيرتي عمال تزيد
الناس ليها بيت وانا عايش طول عمري شريد

يا دنيا بتدي الكل وانا بس عطياني
شقا ومرار وزل وكأني وحداني
طب مانتي ليكي كام وش
فين وشك التاني
ولا انا بس اتخلقت عشان اشقأ واعاني
وأنا ماشي معاكي بوش طيب وانتي ليه نسياني
اما اللي يعرف يغش عطياه بالمجاني


يا دنيا ليه فعلك بيزل كل اصيل
من كتر دموعي منك معدش فيه مناديل
من كتر فعلك فيه حياتي بقت ليل في ليل
خفي شويه عليا دالحمل بقا تقيل
والكل اتخلوا عني ومش لاقيلي كفيل


افرجها يارب عليا مسجون جوه همومي
ولا انكتب عليا مشفش نهار لنجومي
انا من كتر شقايا وسعت عليا هدومي
الكل بينام بالليل وانا اللي اتقل نومي


كل اللي انا فيه داه سببه الخطيه
محتاج قلب جديد وكمان توبه قويه


مستني تجيني ياربي انت اللي تفرحني
ومهما الدنيا تقسي والكل بيجرحني
واثق انا في وعدك هتيجي وتريحني
ماتأخرش عليا اغفرلي وسامحني

المصدر: †† ارثوذكس †† - من قسم: القسم الادبي

[emmmy]

الله يا يوسف اية الجمال دة
بجد حقيقى روعة اية قمة الاحساس والمعانى الجميلة دى دا انت شاعر بقى هههههههههه مرسى ليك كتير ربنا يبارك ومنتظرين المزيد من ابداعك ومواهبك

[twaty]

اللة بجد كلمات حلوة اوووووووووى واحساس جميل بجد
تسلم ايدك وربنا تعوضك خير

[youssef.youssef]

اشكركم علي المرور الكريم
الرب يبارك حياتكم
شكرآ يا ايمي
اي خوخ خدمه يعني
هههههههههههههههه

[ناصر الريس]

ربنا يعوضك على فكره يايوسف انت كتباتك جميله واحساسك مرهف

[youssef.youssef]

متشكر يا كبير اخجلتم تواضعنا
الرب يبارك حياتك

[menovich]

افرجها يارب عليا مسجون جوه همومي
ولا انكتب عليا مشفش نهار لنجومي
انا من كتر شقايا وسعت عليا هدومي
الكل بينام بالليل وانا اللي اتقل نومي

ميرسى يوسف على التوبيك الرائع

بجد كلمات فى منتهى الروعة والجمال واحساسها كبير

ربنا يباركك

[youssef.youssef]

شكرآ يا غالي علي مرورك
وميرسي علي زوقك
الرب يبارك حياتك