[maryv]

عاوزين كل عضو يتكلم عن حياته الروحية شويه يعنى بيصلى ولا لأ ايه اللى بيعملوا خلال اليوم بيدى فترة كدايه لربنا زى كده يعنى نتكلم بكل صراحة وناقش مع بعض ليه الانسان ده مثلا مش بيصلى عاوزين ننهض بحياتنا الروحية ونكون مستعدين ليوم الحساب ياريت نكتب ده هيساعدنا كلنا وصلوا من اجلى

المصدر: †† ارثوذكس †† - من قسم: صندوق مناقشات الاعضاء

[la tristeza y el dolor]

موضوع جميل اوى ,

بالنسبالى , حياتى الروحيه حاسسها شريط ادامى دايما كدا بفكر فيها ,
يعنى مثلا مش بقعد مع نفسى واتكلم و اشوف عملت ايه صح ولا غلط ,
على طول بصفى حساباتى مع نفسى ,


ممكن اكون كتير سلبى فى حاجات , علشان انا دايما متاكد ان اراده ربنا هتم

واحيانا بواظب على الصلاه و القرايه و احيانا بتشغل ,

واحيانا ببعد خالص واحيانا بقرب اوى ,

صلولى بقى .....

[maryv]

على فكرة ربنا بيطلب عشور الوقت يبقى ليه انت مش بتصلى ومش بتحاسب نفسك على فكرة ربنا بيحبك جداااااااااا انت ابنه ربنا بيقعد اليوم كله بيستناك وانت مشغول خلى وقت للشغل ووقت لربنا الشغل مهم بس حياتك وجهادك اهم من اى شى
ماذا ينتفع الانسان لو ربح العالم كله وخسر نفسة
حاسب نفسك بجديه وعاتبها على اللى بتعمله توب توبه صادقة من القلب واعترف واتناول وقول لربنا انا مش عارف ابدء منين اعمل فىّ يارب
اوعى تياس
وخد حياتك بعزم مش لامبالاه خليك انت اقوى مش الخطية ومش شهواتك خليك اقوى من نفسك
حط نفسك بين ايدين المسيح واتكلم معاه وهو هيريحك
المسيح يكون معاك
صلى من اجلى
يا ابن الله المحبوب

[la tristeza y el dolor]

ميرسى اوى مارى لكلامك الجميل دا اللى بجد فادنى ....

ربنا يساعدنا كلنا ..........

[مريم بنت الملك]

انا ايام يبقى عندى فتور روحى وايام ابقى عايزة اصلى واقر فى الكتاب المقدس صلو من اجلى

[maryv]

عارفة الفتور بيمر بيه اى انسان زى الشتاء والخريف لازم السنة تمر بيهم فى الخريف الاوراق بتتساقط كلنا بنمر بكده .الصلاه باب الافراح متخليش الشيطان يهزمك خليكى انتى اقوى منه وكمان اسالى اب اعترافك والمسيح يرفعنا كلنا