تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد



التأملات الروحية والخواطر الفكرية يتناول التأملات الروحية للأباء الأولين أو القديسين المعاصرين أو أعضاء المنتدى

مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


قلبى فى ايدك

انا عندى قلب يا رب انت عارفه و هو طول عمره و هو صغير كان فى ايدك. لما بيبكى كان بيبكى بين ايدك و انت كمان يا رب بتحبه اوى

اضافة رد

 
أدوات الموضوع انواع عرض الموضوع

رقم المشاركة : ( 1 )
samehatefsameh
ارثوذكسي جديد
samehatefsameh غير متواجد حالياً
 
رقم العضوية : 61994
تاريخ التسجيل : May 2009
مكان الإقامة : cairo
عدد المشاركات : 18
عدد النقاط : 10
قوة التقييم : samehatefsameh is on a distinguished road
افتراضي قلبى فى ايدك

كُتب : [ 08-16-2010 - 11:26 AM ]


انا عندى قلب يا رب انت عارفه و هو طول عمره و هو صغير كان فى ايدك.
لما بيبكى كان بيبكى بين ايدك و انت كمان يا رب بتحبه اوى و دايما بتطبطب عليه و بتحنو عليه .
مرت الايام و قلبى كبر شوية و محتاج اغير فيه شوية حاجات بسيطة ؟؟. معلش يا رب انت عارف بقى كل يوم فيه جديد و مفيش حاجة بتفضل على حالها . انا كنت عاملك فى قلبى الريسيبشن بالكامل و اكبر اوضه كمان. انا بحبك اوى يا رب و انت عارف بس انا عندى شوية حاجات صغيرة صدقنى و مش هتأثر على حاجة . انا عندى اصحابى بيجولى باستمرار و عايز بس جذء من الريسبشن عشان اعمله مكان نقعد فيه سوا و تقعد معانا . انا عارف انك مش هتضايق انا بحبك انت عارف و مش معقول برضو منعرفش نتفرج على التليفزيون و اصحابى كتير و مفيش تليفزيون من غير كراسى و اكيد و منطقى و ضرورى و لا بد اصحابى ياكلوا معايا ده عمل محبة . اكيد فهمت ان انا محتاج بقية الريسبشن عشان طرابيزة اكل كبيرة بكراسيها و خلافه . صدقنى يارب بامانه انا مهتم اوى بالأوضة بتاعتك و هاخليها احلى اوضه فى البيت كله ......متقلقش!!!!!
مرت ايام كتيرة و انا كمان بقيت اشوف حاجات حواليا تطير العقل . ال adsl بقى زى المية و الهوا بصراحة محدش يقدر يعيش من غبره و الكمبيوتر اللى عندى ده عايز يترمى فى الشارع او ياخده بتاع الروبابيكيا . انا محتاج كمبيوتر كبير بترابيزة
معندكش فكرة يا رب انا محتاج كمان اطبع حاجات كتير و على فكرة فيه حاجات كتير منها للكنيسة و الخدمة . صدقنى يا رب انا باموت نفسى فى الخدمة و القداسات و عندى ولاد فى خدمتى باسأل عليهم باستمرار و الكمبيوتر هيساعدنى اوى.
فلو تسمح يعنى و انا عارف انك عارف و مش هتضايق لو ينفع اشاركك اوضتك عشان محتاج مكان للكمبيوتر ابو طرابيزة . و اهى فرصة حلوة نبقى مع بعض و نسللى بعض .
ايام و بتعدى و بقيت انسان متطور و مفيش حد احسن منى . عندى adsl اسرع من الفار و download بقى سريع بس الواحد بقى محتاج يقعد شوية على الكمبيوتر عشان يقدر يتابع الجديد و القديم و الحديث و السريع و الرهيب و المرعب ....و ...
وقتى مش مكفى و حياتى بقت زحمة ده انا حتى اصحابى بقيت اشوفهم على النت و الشات
انا عارف يا رب انك نفسك تتكلم معايا بس انت شايف ايقاع العصر عامل ازاى ؟؟مفيش وقت اقصقص ضوافرى
على فكرة يارب معلش عايز اقوللك حاجة متفهمهاش غلط!!!! . انا مبقيتش فاضى ذى الأول . انا الخدمة واكله كل وقتى و يا دوبك بافضى وقت لاصحابى و النت . و انت موجود معايا فى الأوضه . انت هتروح فين ؟؟!!ما انا كل يوم بارجع الاقيك و اعتبر البيت بيتك معلش قصدى الأوضة اوضتك.
آخر طلب هاطلبه منك و انا عارف انك عارف . مفيش وقت العب رياضة و بقيت محتاج حاجه كل اصحابى بيروحوها و عارفنها و انا الوحيد اللى مش معاهم. ايوه كدة انت عارفها (الجيم) لازم اروح جيم عشان الرياضة و انا عارف و انت اكيد عارف.
فيه جهاز حلو اوى هاجيبه بس هو كبير شوية . بيقوللك فيه عجله و مشاية و عقلة و حبل و فيه زرار تدوس عليه تخس 30 كيلو على غفله.
و بصراحة مش لاقى مكان ليه غير اوضتك عشان كبيرة فمعلش هاخد مكان كمان و انا عارف انك بتحبنى و مش هتضايق . و بعدين يا رب انا عايز اقوللك حاجة . انت ليك البيت كله تقدر تقعد فى اى حته . يعنى متلتزمش بالأوضة و عندك البيت كله ؟؟؟!!!!!!!!
خلاص انا كبرت و الدنيا اتغيرت و مرت ايام قصدى سنين و بقيت اخش البيت مش شايف قدامى و كتير يقولولى فيه واحد قاعد مستنيك فى الجنينه . يا جماعة هو انتوا شايفنى فاضى ؟؟!!!!لما ابقى افضى ابقى اشوفه
و ايام تاخد ايام لغاية ما نسيت انت مين يا رب . نسيت وجودك فى حياتى . انا بتفكيرى و تصرفاتى و اهتماماتى . انا بكل دة و بدون ما اشعر بقى ليك مكان بس يا خسارة برة قلبى .
مبقاش ليك مكان يا رب فى وسط اصحابى و النت و الدش و الشات و الجيم و غير و غيرة .......
و بعدين يا قلبى ؟؟؟ ناوى على ايه ؟؟؟!!!ناوى ترجع زى زمان و لا ايه ؟؟؟
ناوى تفضى ساعة واحدة لربنا و لا خلاص مبقتش تقدر .
انا آسف يا رب سامحنى
لو سمحت ارجوك يا رب تتفضل جوه . متبقاش بره . انت ليك كل حاجة. ليك قلبى كله.
نفس تائبة



رد مع إقتباس
Sponsored Links

اضافة رد

مواقع النشر (المفضلة)

الكلمات الدلالية (Tags)
ايدك, قلبى, فى

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
اين كنت يا قلبى وهل وجدت رفيقا لدربى كيرو رافت القسم الادبي 30 10-27-2012 08:11 PM
قلبى بيبكى عماد حسنى القسم الادبي 35 03-07-2011 04:14 PM
قلبى بيبكى.................................توتو جناح المسيح القسم الادبي 7 05-25-2009 10:17 PM
لن ابوح لك بما يخبئه قلبى... brokenheart القسم الادبي 8 04-19-2009 11:46 PM
ماذا بك يا قلبى حنين سنين القسم الادبي 14 11-07-2008 09:39 AM

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 03:48 PM.