غريبةالناس كل الناس
وراء كل وش بتلس من تانى وش
ويقولة وش خشب وش حديد والف وش وش
وش فية رتوش واحسايس مبيزهروش
وحاجات لو تعيش او تموت مبيفرقوش
معك ومعايا شى والحقيقة شى عجيب
ازى القلب الى يحب يتولد الكرة فية
وازى رغم الوداعة نخفى بركان غضب
ولما نفرح نطير فى السماء لفوق السحاب
وفى لحظة الحزن يكسرنا ونستخبا وراء الف باب وباب
والغريب والعجيب نرجع وننسا الى كان ولا كانة كان
نرسم بسمة وضحكتنا تعلا تكسر ببان
ونزين وشوشنا ونرجع نلبس وش الانسان
غريبة الناس كل الناس
وراء كل وش فى الف وش وللحقيقة متعرفش
مساء الفل على احلى اعضاء
اتمنى يكون حلقات البرنامج عجباكم
اما العضو الرابع اللى معانا النهاردة
فهى عضوة جديدة عايزين نتعرف عن شخصيتها اكتر
العضوة
dodielpop
اهلا وسهلا بيكى يا دودو منورة برنامج الوجه الاخر
طبعا فالبداية عايزين نتعرف على دميانة اكتر
الوجه الاخر :اسمك ؟
دميانة: دميانة
الوجه الاخر: السن؟
دميانة :14 سنة
الوجه الاخر: مؤهلك؟
دميانة :طالبة
الوجه الاخر: ايه هى هواياتك؟
دميانة :الرسم
الوجه الاخر: مين هو مثل دميانة الاعلى؟
دميانة :البابا كيرلس
الوجه الاخر: ايه هى صفات شخصية دميانة؟
دميانة :محبة للاخرين وهادية
الوجه الاخر: وياترى ايه صفات شريك حياتك؟
دميانة :يكون بتاع ربنا وميكنش قصير
الوجه الاخر: ههههههههه اشمعنا قصير سؤال يطرح نفسه
طيب ايه هو الحلم اللى كان نفسك تحققيه وفشلتى؟
دميانة :كان نفسى اطلع الاولى علي الجمهورية
الوجه الاخر: انشاء الله ياقمر ربنا يحققلك حلمك فالايام اللى لسه قدامك
دميانة شايفه ليها اكتر من وجه؟
دميانة :نووووووووووووووو
الوجه الاخر: لو ليكى هتكون ايه صفات الوجه الاخر؟
دميانة :مكتئب وحزين
الوجه الاخر: ايه الكلمة اللى نفسك تحذفيها من قاموس حياتك؟
دميانة :الفشل
الوجه الاخر: لو طلبنا من دميانة امنية تتمنى ايه؟
دميانة :نفسى ابقى دكتورة
الوجه الاخر: لو حبيتى توعدى ربنا بوعد توعديه بايه؟
دميانة :اوعده بانى اتغير
الوجه الاخر: ايه هو حلم حياتك؟
دميانة :انى ادخل كلية الطب
الوجه الاخر: انشاء الله ياقمر ربنا يحققلك حلمك
دى شوية كلمات تحبى تقوليها لمين؟
بحبك - يارتنى ماعرفتك - صعب اعيش من غيرك - اتمنى لك كل خير
دميانة :بحبك: ربنا
يارتنى ماعرفتك: مفيش حد
صعب اعيش من غيرك: راندا
اتمنى لك كل خير: مايكل
الوجه الاخر: دميانة لو كانت امينة خدمة كانت هتعمل ايه؟
دميانة :كنت هاسس مبدا الخدمة على النظام
الوجه الاخر: ايه معنى الحب من وجهه نظرك؟
دميانة :الحب هو الحياة وبدون الحب لايوجد حياة
الوجه الاخر: هل من وجه نظرك تعتقدى ان ممكن الحب يقلب لصداقة؟
دميانة :ممكن الصداقة تقلب حب لكن من المستحيل ان الحب يقلب لصداقة
الوجه الاخر: ايه الحاجة اللى مش ممكن تسامحى فيها؟
دميانة :لو حد كدب عليا
الوجه الاخر: دود على صغر سنها مرت بتجربة حب قبل كده؟
دميانة :لالالالالا علشان انا مش بفكر فى الحاجات دى دلوقتى
الوجه الاخر: ايه رايك فى الحب المبكر؟
دميانة :الناس دول فاضيين مش وراهم حاجة
الوجه الاخر: ههههههههههه راى مثالى
مين اكتر حد بتحكيلة اسرارك؟
دميانة :مريم
الوجه الاخر: تدى الالقاب دى لمين من اعضاء ارثوذكس؟
ابو دم خفيف
الغامض
العاقل الرزين
ابو قلب طيب
دميانة :ابو دم خفيف: كيرلس
الغامض: مجدى توتى
العاقل الرزين:هيما
ابو قلب طيب: كيرو رافت
الوجه الاخر: ايه الحاجة الحلوة اللى استفدتيها من ارثوذكس؟
دميانة :استفدت حاجات كتير
الوجه الاخر: ايه الكلمة اللي تحبي تقوليها لاعضاء منتدي ارثوذكس ؟
دميانة :انا بحبكم كلكم
الوجه الاخر: لو حبيتي تقولي لبرنامجنا كلمةتقولي ايه ؟
دميانة :انا مكنتش متوقعة اني اكون ضيفة
نورتى برنامجنا يا دميانة كنا سعداء باللقاء الخفيف ده دميانة شخصية هادية وجميلة ورقيقة ودخلت قلوبنا بسرعة نتمنى لك حياة سعيدة وتكونى اشطر دكتورة فمصر كلها
ولو اى عضو حابب يوجه سؤال ل دميانة يتفضل وهى هتجاوب عليكم
الحلقة دى قربنا شوية من شخصية دميانة انتظرونا الحلقة
القادمة مع عضو جديد نعرف عنه اكتر واكتر
اتمنى تكون الحلقة عجبتكم
لو اى عضو حابب يكون ضيف معانا فالبرنامج يبعتلنا رسالة
مع تحيات